DANIEL 4:31 - Khasi CL Bible (BSI)

³¹ Ha shuwa ba ki kyntien kin mih shabar na ka shyntur jong u, ka sur ka la kren na bneng, “Ko syiem Nebukhadnessar, to shahshkor ïa kaei kaba nga ong! Ïa ka bor ba kynja syiem jong me la shim noh mynta na me.

KA BAIBL

³¹ Hamar ba u syiem u dang kren ïa kata ka ktien, ka jingsawa ka la hiar na bneng ka da ong, “Ko Nebukhadnessar syiem, la ong ha me: ka hima ka la leit noh na me.

DANIEL 4:31 ပူးပေါင်းရင်းမြစ်များ

JENESIS 14:18

Bad u Melkhisedek, uba long u syiem jong ka Salem bad uba long ruh u lyngdoh jong U Blei Bahakhlieh Tam Eh, u la wallam ïa u kpu bad ka waiñ ha u Abram,

Ka Kitab U Job 20:23

Ai un bam kat kaba u kwah! U Blei un pynshitom ïa u ha ka jingbitar shla.

SALM 145:13

Ka jingsynshar jong me ka long bymjukut, bad me long u syiem junom. U Trai u long uba ïaineh ha ki jingkular jong u, bad uba isynei ha ki kam jong u baroh.

PROBERB 29:23

Ka jingsngewmeng kan wanrah ïa ka jinghap jong phi, hynrei lada phi long kiba sngewrit, yn burom ïa phi.

ISAÏAH 14:27

U Trai Badonbor Baroh u la kut jingmut ban leh ïa kane, u la kner ïa la ka kti ban pynshitom, bad ym don mano mano ba lah ban pynsangeh ïa u.

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

DANIEL 4:24

“Kane, te, ka long kaei ba ka mut, ko Syiem Kynrad, bad kane ka long kaei kaba U Blei Bahakhlieh Tam Eh u la pynbna ba kan jia ha phi.

DANIEL 4:26

U angel u la ai hukum ban iehnoh ïa ka dyngkhong ha ka khyndew. Kane ka mut ba phin sa long syiem pat haba phi pdiang ba U Blei u synshar ïa ka pyrthei baroh kawei.

DANIEL 4:30

u la ong, “Ha khmih katno khraw ka Babilon ka long! Nga la tei ïa ka kum ka nongbah jong nga ban pyn-i ïa ka bor bad ka jingkhlaiñ jong nga, ka burom jong nga bad ka jinglong syiem jong nga.”

DANIEL 4:32

Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

DANIEL 5:20

Hynrei namar ba u la long uba sarong, uba eh ryndang, bad uba runar, la weng noh ïa u na ka khet syiem bad u la duh noh ïa ka jaka badonburom jong u.

DANIEL 5:28

Ki jingbynta, Ïa ka hima jong phi la pynbynta bad la ai ha ki Mid bad ki Persia.”

DANIEL 6:27

U pynim bad u pyllait im; u leh ïa ki jingphylla bad ki kambah ha bneng bad ha pyrthei. U la pynim ïa u Daniel na kaba shah pynïap ha ki sing.”

MATHAÏOS 3:17

Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

ÏOANNIS 12:28

Ko Pa, to pyndonburom ïa la ka kyrteng!” Te ka sur ka la kren na bneng, “Nga la wallam ka burom ïa ka, bad ngan leh biang kumta.”

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.

JINGPYNPAW 16:7

Nangta nga la ïohsngew ïa ka sur na ka duwan kaba ong, “Ko Trai uba U Blei Badonbor Baroh! Kaba shisha bad kaba hok ki long da shisha ki jingbishar jong me!”

1 SAMUEL 13:14

Hynrei mynta ka jingsynshar jong phi kan ym bteng. Namar ba phim shym kohnguh ïa u, U Trai un wad ïa u briew uba u kwah bad un thung ïa u ban long nongsynshar ïa ki briew jong u.”

1 SAMUEL 15:23

Ka jingïaleh pyrshah ïa u ka long kaba sniew hi kum ka jingleh byrtong, bad ka jingmeng ka long hi ka pop kum ka jingmane bleithaw. Namar ba me la kyntait ïa ka hukum U Trai, u la kyntait ïa me kum u syiem.”