DANIEL 4:3 - Khasi CL Bible (BSI)

³ “Katno kiba khraw ki long ki jingphylla jong U Blei kiba u pyn-i ha ngi! Katno kiba khrawbor ki long ki kambah kiba u leh! U Blei u long u syiem junom; un synshar ha ki por baroh.

KA BAIBL

³ “Kiba khraw katno ki long ki dak khyllah jong u! bad kiba don bor katno ki long ki jingphylla jong u! ka hima jong u ka long ka hima bymjukut, bad ka jingsynshar jong u kaba ha la ka rta.

DANIEL 4:3 ပူးပေါင်းရင်းမြစ်များ

SALM 104:24

A Trai, me la pynlong shibun kiei kiei! Haduh katno me la pynlong ha ka jingstad jong me ïa ki baroh! Ka pyrthei ka dap tang da ki jingthaw jong me.

SALM 105:27

Ki la leh ïa ki kam kiba donbor jong U Blei bad leh ïa ki kambah ha Ijipt.

SALM 145:13

Ka jingsynshar jong me ka long bymjukut, bad me long u syiem junom. U Trai u long uba ïaineh ha ki jingkular jong u, bad uba isynei ha ki kam jong u baroh.

SALM 66:7

U synshar junom da ka borbah jong u bad u buh ïa la ki khmat halor ki jaitbynriew. Wat shah ïa ki nongïaleh pyrshah ban ïeng pyrshah ïa u.

SALM 72:18

To ïaroh ïa U Trai, U Blei ki Israel! Tang ma u hi uba leh ïa kine kiei kiei kiba phylla.

SALM 77:19

Me la ïaid lyngba ki jingat phyllung; me la jam ïa ka duriaw kaba jylliew, hynrei ïa ki dien'jat jong me ym lah ban ïohi.

SALM 86:10

Me long uba donbor bad me leh ïa kiei kiei kiba phylla, tang ma me hi me long U Blei.

SALM 92:5

Katno kaba khraw long ki jingleh jong me, A Trai! Katno kaba jylliew long ki jingmut jong me!

ISAÏAH 25:1

A Trai, me long U Blei jong nga; ngan pyndonburom ïa me bad ïaroh ïa ka kyrteng jong me. Me la leh kiei kiei kiba phylla; me la long uba ïaineh ha kaba pyntreikam ïa ki jingthmu jong me kiba me la thmu naduh mynbarim.

ISAÏAH 28:29

Kane baroh ka jingstad ka wan na U Trai Badonbor Baroh. Ki jingthmu U Blei ki long kiba stad bad ki long borabor kiba wallam jingjop!

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

DANIEL 2:2

kumta u la phah khot ïa ki nongbatai kupar, ki nongleh myntor, ki nongkheiñ ksuid bad ki nongleh byrtong ban ïawan bad batai ïa ka jingphohsniew ha u. Haba ki la ïawan bad ïeng ha khmat u syiem,

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 7:14

La ai ha u ka iktiar, ka jingpyndonburom, bad ka bor ba kynja syiem, khnang ba ki briew jong ki jaitbynriew baroh, ki jait ki kynja, bad ki ktien ki thylliej kin shakri ïa u. Ka iktiar jong u kan neh junom, bad ka hima jong u kan ym kut shuh.

DANIEL 7:27

Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

Ka Shithi U Paul Sha Ki Nong Rom 11:33

Katno ka long kaba khraw ka spah jong U Blei! Katno ki long kiba jylliew ka jingstad bad ka jingtip jong u! Uei uba lah ban batai ïa ki jingrai jong U? Uei uba lah ban sngewthuh ïa ki lynti jong u?

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

HEBRU 1:8

Hynrei ïa U Khun, U Blei u la ong: “Ka hima jong me, A Blei, kan neh junom la junom! Me synshar halor la ki briew da ka hok.

HEBRU 2:4

Ha kajuh ka por, U Blei ruh u la ai shuh ïa la ki sakhi ha ki, da kaba leh bun ki kambah bad ki kamphylla bad da kaba ïasam ïa ki jingai U Mynsiem Bakhuid kat kum ka mon jong u.

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”