DANIEL 4:25 - Khasi CL Bible (BSI)

²⁵ Yn beh noh ïa phi na ka imlang ka sahlang u bynriew bad phin shong phin sah bad ki mradkhlaw. Hynñiew snem phin bam phlang kum u masi dab, bad thiah ha bym don jingkah ei ei, ha kaba ka umjer kan hap halor jong phi. Te phin pdiang ba U Blei Bahakhlieh Tam Eh u bat synshar ïa baroh ki hima ki briew, bad ba u lah ban ai ïa ki ha uno uno uba u jied.

KA BAIBL

²⁵ ba yn beh noh ïa me na ki briew bad ka jaka shong jong me kan long ryngkat bad ki mrad khlaw, bad yn pynbam phlang ïa me kum ki masi dab, bad yn synreit ïa me da ka umjer bneng, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.

DANIEL 4:25 ပူးပေါင်းရင်းမြစ်များ

SALM 103:19

U Trai u la buh ïa ka khet jong u ha bneng; u long u syiem halor baroh.

SALM 106:20

ki la ïakylliang noh ïa ka burom jong U Blei bad ka dur jong u mrad uba bam phlang.

SALM 75:7

u dei U Blei, uba dei u nongbishar uba pynrem ïa ki katto katne bad uba pynksan ïa kiwei pat.

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

JEREMAÏAH 27:5

“Da ka bor bakhraw bad ka jingkhlaiñ jong nga, nga la thaw ïa ka pyrthei, ïa u khunbynriew, bad ïa baroh ki mrad kiba im ha ka khyndew; bad nga ai ïa ka ha uno uno uba nga jied.

DANIEL 2:21

U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

DANIEL 2:37

Ko Syiem Kynrad, phi long uba khraw tam na ki syiem baroh. U Blei ka bneng u la pynlong ïa phi u patsha bad u la ai ha phi ka bor, ka jingkhlaiñ, bad ka burom.

DANIEL 2:47

U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

DANIEL 4:16

Haduh hynñiew snem un ym don ka bor pyrkhat briew, hynrei ka jingpyrkhat kum u mrad.

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 4:2

To shahshkor ïa ka jingïathuh jong nga ïa ki jingphylla bad ki kambah kiba U Blei Bahakhlieh Tam Eh u la pyn-i ha nga.