DANIEL 4:16 - Khasi CL Bible (BSI)

¹⁶ Haduh hynñiew snem un ym don ka bor pyrkhat briew, hynrei ka jingpyrkhat kum u mrad.

KA BAIBL

¹⁶ to ai ba yn pynkylla ïa ka dohnud jong u na ka jong u briew, bad ba un ïoh ïa ka dohnud mrad; bad ai ba hynñiew ki aïom kin lut ha u.

DANIEL 4:16 ပူးပေါင်းရင်းမြစ်များ

2 SAMUEL 18:32

“Hato u samla Absalom u dang im?” u syiem u kylli. U mraw u jubab, “Ko Kynrad, nga sngew ba kaei kaba la jia ha u kan jin da la jia ha baroh ki nongshun jong ngi, bad ha baroh kiba ïaleh pyrshah ïa phi.”

ISAÏAH 6:10

Nangta u ong ïa nga, “Pynbthi ïa ki jingmut jingpyrkhat jong kine ki briew, pynkyllut ïa ki shkor jong ki, bad pynmatlah ïa ki khmat jong ki, ba kumta kin ym lah ban ïohi lane ïohsngew lane sngewthuh. Lada ki leh kumta, ki lah ban phai sha nga bad ïoh jingkhiah.”

DANIEL 11:13

“U syiem ka Syria un leit phai pat bad lum ka kynhun shipai kaba kham khraw ban ïa kaba u la don mynshuwa. Haba ka por babiang ka poi, un wan phai bad ka kynhun shipai kaba khraw bad kaba la kieng atiar bha.

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

DANIEL 4:23

Katba u Syiem Kynrad u dang peit, u angel u la wan hiar na bneng bad u la ong, ‘Pom ïa u dieng bad pynjot ïa u, hynrei iehnoh ïa ka dyngkhong ha ka khyndew. Teh da u syrwiang nar bad rnong sawdong jong ka, bad iehnoh hangta ha ka pyntha lem bad u phlang. Ai ba ka umjer kan hap halor jong une u briew, bad shah ïa u ban im hangta bad ki mrad na ka bynta hynñiew snem.’

DANIEL 4:25

Yn beh noh ïa phi na ka imlang ka sahlang u bynriew bad phin shong phin sah bad ki mradkhlaw. Hynñiew snem phin bam phlang kum u masi dab, bad thiah ha bym don jingkah ei ei, ha kaba ka umjer kan hap halor jong phi. Te phin pdiang ba U Blei Bahakhlieh Tam Eh u bat synshar ïa baroh ki hima ki briew, bad ba u lah ban ai ïa ki ha uno uno uba u jied.

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

DANIEL 7:28

Kane ka dei kaba kut jong ka jingïathuh. Nga la sheptieng haduh katta katta ba nga la kylla lieh blaid blaid, bad ba nga la set ïa kaei kaei baroh ha lade.

HEBRU 1:11

Kita kin jah noh, hynrei me men ïaisah; baroh kin sa jot noh kum ki jaiñ.

JINGPYNPAW 12:14

La ai ha ka, ar tylli ki thapniang jong u pukni uba heh khnang ba kan her noh sha la ka jaka ha kata ka ri shyiap, ha kaba yn sumar ïa ka, lai snem shiteng, ha ka jingshngain na ka jingtur ïaleh jong u Ïakjakor.