DANIEL 4:13 - Khasi CL Bible (BSI)

¹³ “Katba nga dang pyrkhat shaphang ka jingïohipaw, nga la ïohi ïa u angel uba wan hiar na bneng, uba la kloi bad uba peitngor.

KA BAIBL

¹³ “Nga la ïohi ha ki jingithuhpaw ka khlieh jong nga halor ka jingthiah jong nga, bad, ha khmih, u nongap phira bad u bakhuid ruh u la wan hiar na bneng.

DANIEL 4:13 ပူးပေါင်းရင်းမြစ်များ

Ka Kitab U Job 12:24

U pynlong kiba bieit ïa ki nongïalam jong ki bad u shah ba kin shang kylleng ha ka jingkulmar bad jah lynti;

SALM 103:20

Ïaroh ïa U Trai, ma phi ki angel bakhlaiñ bad badonbor, kiba kohnguh ïa ki hukum jong u, kiba shahshkor ïa kaei kaba u ong.

SALM 89:7

Ïa me la sheptieng ha ka jingïalang jong kiba khuid, bad baroh na ki, ki ïeng ha ka jingtiengburom ïa me.

DANIEL 4:10

“Mynba nga dang ïohthiah, nga la ïoh ka jingïohipaw ïa u dieng bakhraw ha ka pdeng jong ka pyrthei.

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 4:23

Katba u Syiem Kynrad u dang peit, u angel u la wan hiar na bneng bad u la ong, ‘Pom ïa u dieng bad pynjot ïa u, hynrei iehnoh ïa ka dyngkhong ha ka khyndew. Teh da u syrwiang nar bad rnong sawdong jong ka, bad iehnoh hangta ha ka pyntha lem bad u phlang. Ai ba ka umjer kan hap halor jong une u briew, bad shah ïa u ban im hangta bad ki mrad na ka bynta hynñiew snem.’

DANIEL 4:5

Hynrei nga la ïoh ka jingphohsniew kaba pynsheptieng bad nga la ïohi ki jingïohipaw kiba shyrkhei mynba nga dang ïohthiah.

DANIEL 7:1

Ha ka snem kaba nyngkong kaba u Belshassar u long u syiem ka Babilonia, nga la phohsniew bad nga la ïohi ka jingïohipaw ha ka por mynmiet. Nga la thoh ïa ka jingphohsniew, bad kane ka dei ka jingbuh jingkynmaw ïa kaei kaba nga la ïohi ha kata ka miet:

DANIEL 7:17

U la ong, “Kine ki saw tylli ki mradkhlaw kiba khraw eh ki long ki saw tylli ki hima ki ban sa mih ha ka pyrthei.

DANIEL 7:23

Kane ka dei ka jingbatai kaba la ai ha nga: “U mradkhlaw uba saw u dei ka hima kaba saw ka ban don ha ka pyrthei bad kan long kaba pher na kiwei pat ki hima. Kan pynlwet ïa ka pyrthei baroh kawei bad kan kyrdem ïa ka.

DANIEL 8:13

Nangta nga la ïohsngew ïa uwei u angel uba kylli ïa uwei pat, “Haduh katno kine kiei kiei kiba la ïohi ha ka jingïohipaw kin ïailong? Haduh katno ka pop ba-ijli kan bujli ïa ki jingkñia ba man ka sngi? Haduh katno ïa ka kynhun shipai ba kynja bneng bad ïa ka Templ yn kyrdem?”

SEKHARAÏAH 14:5

Phin lait phet lyngba kane ka them kaba pynkhlad arliang ïa une u lumbah. Phin phet kumba ki kpa tymmen jong phi ki la leh mynba u jumai u khynñiuh ha ka por jong u Ussaïah u syiem ka Judah. U Trai U Blei jong nga un wan, un wallam ïa ki angel baroh lem bad u.

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

MARKOS 1:24

“Kaei kaba me kwah na ngi, ko Jisu na Nasareth? Hato me la wan hangne ban pynjot ïa ngi? Nga tip me long uei — me long u nonglamktien bakhuid jong U Blei!”

LOUKAS 4:34

“Ieh! Kaei me kwah bad ngi, ko Jisu uba na Nasareth? Hato me la wan hangne ban pynjot ïa ngi? Nga ithuh me long uei: Me long u nonglamktien bakhuid jong U Blei!”

DEUTERONOMI 33:2

U Trai u wan na u Lum Sinai; u mih kum ka sngi ha Edom, bad u tyngshaiñ ha la ki briew na u Lum Paran. Shiphew hajar ki angel ki don ryngkat bad u, bad ka ding kaba meh ha ka kti kamon jong u.

JUDAH 1:14

Dei u Enokh, uba hynñiew na kiba hiarpateng beit na u Adam, uba la ïathuhlypa la slem bah ïa kane shaphang jong ki: “U Trai un wan lem bad ki hajar ki angel bakhuid jong u

JINGPYNPAW 14:10

u hi da lade un dih ïa ka waiñ ka jong U Blei, ka waiñ ka jingbitar shla jong U, kaba u la theh noh ha ka bor jong ka baroh ha ka khuri ka jingbitar jong U! Baroh kiba leh ïa kane kin shah pynsaja ha ka ding bad ha u kyndok ha khmat ki angel bakhuid bad ha khmat U Khunlangbrot.