DANIEL 3:6 - Khasi CL Bible (BSI)

⁶ Ïa uno uno u bym dem ngon bad mane yn bret kloi lan ha ka lawar ding baklang.”

KA BAIBL

⁶ bad uno uno u bym dem bym mane yn sa bred ïa u ha kata kajuh ka por hapdeng ka lawar ding ba la thang rhem.”

DANIEL 3:6 ပူးပေါင်းရင်းမြစ်များ

JENESIS 19:28

U khmih shaphang Sodom bad Gomorrah, bad ïa kata ka them baroh kawei bad u la ïohi ïa ka tdem kaba mih na khyndew, kum ka tdem na ka lawar ding kaba heh bha.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

ISAÏAH 44:17

Ka dieng kaba sah u shna ïa ka bleithaw, bad nangta u dem bad mane ïa ka. U duwai ha ka bad u ong, “Phi long U Blei jong nga — to pynim ïa nga!”

JEREMAÏAH 29:22

Haba ki briew kiba la shah rah noh kum ki koidi na Jerusalem sha Babilonia ki kwah ban wallam ka jingtim hano hano, kin ong, ‘To U Trai un ñiew ïa phi kum u Sedekaïah bad u Ahab, kiba u syiem ka Babilonia u la syang im!’

DANIEL 2:5

U syiem u la ong ha ki, “Nga la kut jingmut ba phi dei ban ïathuh ïa nga ïa ka jingphohsniew bad nangta ïathuh ïa nga kaei ka jingmut jong ka. Lada phim lah, ngan phah tar ïa ka kti ka kjat jong phi kawei na kawei pat bad ngan pynlong ïa ki ïing jong phi ka kynton ki jingjot.

DANIEL 3:11

bad ba ïa uno uno u bym dem ngon bad mane dei ban bret ha ka lawar ding baklang.

DANIEL 3:15

Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

DANIEL 3:21

Kumta ki la khum ïa ki, ki da phong jaiñ pura — ki sopti-poh, ka jaiñkup jynsur, ki tupia, bad baroh — bad ki la bret ïa ki ha ka lawar ding baklang.

DANIEL 3:7

Bad kumta, mar syn ïohsngew ïa ka jingsawa ki tiar put tiar tem, ki briew jong baroh ki ri, ki jaitbynriew, bad ki jait ktien ki la ïadem ngon bad mane ïa ka durbriew ksiar kaba u Syiem Nebukhadnessar u la phah pynïeng.

DANIEL 5:19

U la long uba khraw katta katta ba ki briew jong ki hima baroh, ki jait ki kynja, bad ki ktien ki thylliej ki la sheptieng ïa u bad khynñiuh. Lada u la kwah ban pynïap ïano ïano u leh kumta; lada u kwah ban ri pynim ïano ïano, u leh kumta. U pyndonburom lane pynjahburom ïa uno uno, uba u kwah.

DANIEL 6:7

Baroh ma ngi kiba pynïaid ïa ka hima jong phi — ki nongpynïaidkam, ki lat, ki lat kiba kham hapoh, bad kiwei pat ki rangbah pynïaidkam — ki la ïamynjur ba u Syiem Kynrad u dei ban pynmih ka hukum ban pyntreikam pyrkhing ïa ka. To ai ki hukum ba haduh laiphew sngi yn ym shah ïano ïano ban kyrpad ei ei na uno uno u blei lane na uno uno u briew lait noh tang na u Syiem Kynrad. Ïa uno uno uba pynkheiñ ïa kane ka hukum dei ban bret shapoh ka thliew kaba la dap da ki sing.

MATHAÏOS 13:42

bad kin bret ïa ki shapoh ka lawar ding baklang, ha kaba kin lynñiar bad kyr-iat bniat.

MATHAÏOS 13:50

bad kin bret ïa ki shapoh ka lawar ding baklang, ha kaba kin lynñiar bad kyr-iat la ki bniat.

MATHAÏOS 4:9

“Ïa kine baroh ngan ai ha me,” u Soitan u la ong, “lada men dem khohsiew bad mane ïa nga.”

MARKOS 6:27

Kumta shisyndon u la phah ïa u nongap phira ryngkat bad ki hukum ban wallam ïa ka khlieh jong u Ïoannis. U nongap phira u la mihnoh, u leit sha ka byndi, bad khrai ïa ka khlieh jong u Ïoannis;

JINGPYNPAW 14:11

Ka tdem jong ka ding kaba pynsaja ïa ki ka kiew shajrong junom la junom. Ym don jingtngen mynsngi ne mynmiet ïa kito kiba mane ïa u mradkhlaw bad ïa ka dur jong u, ïa uno uno uba don ïa ka shab jong ka kyrteng jong u mradkhlaw.”

JINGPYNPAW 9:2

U khlur u la plie ïa ka liewlong ba khlem trai, bad ka tdem ka la mih puk na ka, kum ka tdem na ka lawar ding kaba heh; ïa ka jingshai ka sngi bad ka suiñbneng la pyndum ngaiñ da ka tdem na kata ka liewlong ba khlem trai.