DANIEL 3:29 - Khasi CL Bible (BSI)

²⁹ “Te mynta nga hukum ba lada uno uno na kano kano ka hima, ka jaitbynriew, lane ka ktien uba kren khlem burom ïa U Blei jong u Shadrakh, u Meshakh, bad u Abednego, dei ban tar ïa u na ka kti bad kjat, bad ïa ka ïing jong u dei ban pynlong ka kynton ki jingpra. Ym don uno uno u blei uba lah ban pyllait im kumne.”

KA BAIBL

²⁹ Namar kata, nga buh ïa ka hukum, ba kino kino ki kynja bynriew, ki jaid bynriew, bad ki ktien, ki ban kren ei ei ka bymdei ïa U Blei jong u Shadrak, u Meshak, bad u Abednego, yn ot lyngkhot lyngkhai ïa ki, bad yn pynlong synrum ïa ki ïing jong ki: namar ym don uwei pat U Blei uba lah ban pyllait kum ha kane ka rukom.”

DANIEL 3:29 ပူးပေါင်းရင်းမြစ်များ

2 SYIEM 10:27

Kumta ki la pynjot ïa u rishot bakyntang bad ïa kata ka templ, bad ki pynkylla jaka leit shabar ïa ka — kaba dang don haduh kane ka sngi.

ESRA 6:11

Nga hukum ruh ba lada uno uno um kohnguh ïa kane ka hukum, dei ban sei ïa u bim dieng na ka ïing jong u, ban pynnep ha kawei ka liang, bad ban sam lyngba ïa ka met jong u. Bad ïa ka ïing jong u ban pynlong kum ka kynton ñiut.

SALM 3:8

Ka jingjop ka wan na U Trai — to un kyrkhu ïa ki briew jong u.

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

DANIEL 1:19

U syiem u la ïakren bad ki baroh, bad u Daniel, u Hananaïah, u Mishael, bad u Asaraïah ki la pynhun shibun ïa u ban ïa uno uno uwei pat. Kumta ki la kylla long ki dkhot jong ka ïingbishar jong u syiem.

DANIEL 1:7

U rangbah synshar bahakhlieh duh u la ai kyrteng thymmai ïa ki: u Belteshassar, u Shadrakh, u Meshakh, bad u Abednego.

DANIEL 2:17

Nangta u Daniel u la leit sha ïing bad u la ïathuh ïa ki paralok jong u — u Hananaïah, u Mishael, bad u Asaraïah — ïa kaei kaba la jia.

DANIEL 2:47

U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

DANIEL 2:49

Ha ka jingkyrpad jong u Daniel, u syiem u la buh ïa u Shadrakh, u Meshakh, bad u Abednego ban khmih ïa ka jingpynïaid kam jong ka probins jong ka Babilon; hynrei u Daniel u la don ha ka ïingbishar jong u syiem.

DANIEL 2:5

U syiem u la ong ha ki, “Nga la kut jingmut ba phi dei ban ïathuh ïa nga ïa ka jingphohsniew bad nangta ïathuh ïa nga kaei ka jingmut jong ka. Lada phim lah, ngan phah tar ïa ka kti ka kjat jong phi kawei na kawei pat bad ngan pynlong ïa ki ïing jong phi ka kynton ki jingjot.

DANIEL 3:12

La don katto katne ngut ki Jiw ïa kiba phi la buh ban khmih ïa ka probins jong ka Babilon — u Shadrakh, u Meshakh, bad u Abednego — ki bym shym kohnguh ïa ki hukum u Syiem Kynrad. Kim shym mane ïa u blei jong phi lane dem ngon sha ka durbriew kaba phi la phah pynïeng.”

DANIEL 3:15

Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

DANIEL 3:28

U syiem u la ong, “To ïaroh ïa U Blei jong u Shadrakh, u Meshakh, bad u Abednego! U la phah ïa u angel jong u bad pyllait im ïa kine ki rangbah kiba la shakri bad shaniah ha u. Kim shym la kohnguh ïa ka hukum jong nga bad ki la kheiñduh ïa la ka jingim ban ïa kaba dem ngon bad mane ïa uno uno u blei lait tang u jong ki hi.

DANIEL 6:28

U Daniel u la manbha ha ka por ba u Darius u synshar bad ha ka jingsynshar jong u Syros u nong Persia.

DEUTERONOMI 32:31

Ki nongshun jong ki, ki tip ba ki blei jong ki, ki tlot, kim long kiba donbor kum U Blei ki Israel.