DANIEL 3:28 - Khasi CL Bible (BSI)

²⁸ U syiem u la ong, “To ïaroh ïa U Blei jong u Shadrakh, u Meshakh, bad u Abednego! U la phah ïa u angel jong u bad pyllait im ïa kine ki rangbah kiba la shakri bad shaniah ha u. Kim shym la kohnguh ïa ka hukum jong nga bad ki la kheiñduh ïa la ka jingim ban ïa kaba dem ngon bad mane ïa uno uno u blei lait tang u jong ki hi.

KA BAIBL

²⁸ Ynda kumta, u Nebukhadnessar u la kren bad u la ong, “Long ba la kyrkhu ïa U Blei jong u Shadrak, u Meshak, bad u Abednego, uba la phah ïa u angel jong u, bad uba la pyllait ïa ki shakri jong u kiba la shaniah ha u, kiba la pynkylla ïa ka hukum u syiem, bad kiba la aiti noh ïa la ki met, ba kin ym shakri lymne mane ïa uno uno u blei, hynrei, tang ïa U Blei jong ki hi.

DANIEL 3:28 ပူးပေါင်းရင်းမြစ်များ

JENESIS 9:26

Ai ka jingïaroh ïa U Trai, U Blei jong u Shem! U Kanaan un long u mraw jong u Shem.

1 KHRONIKL 5:20

Ki la buh ka jingshaniah ha U Blei bad ki la duwai ha u na ka bynta ka jingïarap, bad U Blei u la jubab ïa ki jingduwai jong ki bad u la pynlong ïa ki ban jop halor ki Hagrit bad ki paralok jong ki.

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

2 KHRONIKL 32:21

U Trai u phah ïa u angel uba pynap ïa ki shipai bad ïa ki rangbah shipai jong ka kynhun shipai Assyria. Te u patsha u leit phai pat sha Assyria ha ka jinglehrain. Ha kawei ka sngi haba u dang don ha ka templ jong U Blei jong u, katto katne na ki khun shynrang jong u ki la pynïap ïa u da la ki waitlam.

ESRA 1:3

To U Blei un long bad phi baroh kiba dei ki briew jong u. Phi dei ban leit sha Jerusalem bad tei biang ïa ka Templ jong U Trai, U Blei ki Israel, U Blei ïa uba la mane ha Jerusalem.

ESRA 6:11

Nga hukum ruh ba lada uno uno um kohnguh ïa kane ka hukum, dei ban sei ïa u bim dieng na ka ïing jong u, ban pynnep ha kawei ka liang, bad ban sam lyngba ïa ka met jong u. Bad ïa ka ïing jong u ban pynlong kum ka kynton ñiut.

SALM 103:20

Ïaroh ïa U Trai, ma phi ki angel bakhlaiñ bad badonbor, kiba kohnguh ïa ki hukum jong u, kiba shahshkor ïa kaei kaba u ong.

SALM 147:11

hynrei u sngewbha ha kito kiba pyndonburom ïa u, ha kito kiba shaniah ha ka jingieit baneh jong u.

SALM 33:18

U Trai u khmih sumar ïa kito kiba kohnguh ïa u, ïa kito kiba shaniah ha ka jingieit baneh jong u,

SALM 33:21

Ngi la kmen namar jong u, ngi shaniah ha ka kyrteng bakhuid jong u.

SALM 34:22

U Trai un pyllait im ïa ki briew jong u; kito kiba phet sha u ban ïoh jingïada kin lait im.

SALM 62:8

Shaniah ha U Blei ha ki por baroh, ko ki briew jong nga; ïathuh ha u ïa ki jingjynjar jong phi baroh, naba u long ka jakarieh jong ngi.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

DANIEL 2:47

U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

DANIEL 3:25

“Te balei ba nga ïohi saw ngut ki rangbah kiba ïaid ha ka ding?” u la kylli. “Ïa ki ym shym la khum, bad kim shym pyn-i kano kano ka dak jong ka jingmynsaw — bad uba saw u i kum u angel.”

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

DANIEL 6:16

Kumta u syiem u la ai ki hukum ban kem ïa u Daniel bad ban bret ïa u shapoh ka thliew kaba dap da ki sing. U la ong ha u Daniel, “Ai ba U Blei jong me, ïa uba me shakri hok katta katta, un pyllait im ïa me.”

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

MATHAÏOS 4:10

Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

KI KAM 4:19

Hynrei u Petros bad u Ïoannis ki la jubab ïa ki, “Phi hi bishar kano kaba dei ha khmat U Blei — ban kohnguh ïa phi ne ban kohnguh ïa U Blei.

KI KAM 5:19

Hynrei ha kata ka miet u angel jong U Trai u la plie ïa ki khyrdop ka byndi, u la ïalam shabar ïa ki apostol, bad u la ong ha ki,

Ka Shithi U Paul Sha Ki Nong Rom 12:1

Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

1 KORINTH 13:3

Nga lah ban ai baroh kaba nga don, bad wat ïa ka met jong nga ïa ka ban thang — hynrei lada ngam don ka jingieit, kane kam myntoi ei ei ïa nga.

PHILIPPI 1:20

Ka jingkwah bajur bad ka jingkyrmen jong nga ka long ba ngan ym shah rem ha ka kamram jong nga, hynrei, ha ki por baroh, bad kyrpang ïa mynta hi, ngan da long uba dap da ka jingshlur, khnang ba da ka longrynïeng jong nga baroh, ngan wanrah burom ïa U Khrist, la nga im ne nga ïap.

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

HEBRU 11:37

La lynthem maw ïa ki, la ot arliang ïa ki, la pynïap ïa ki da ka waitlam. Ki la ïaid kylleng, ki da phong da ki jaiñ snieh langbrot lane snieh blang — ha ka jingduk, ha ka jingshah pynshitom, bad ha ka jingshah lehbeiñ.

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.

JINGPYNPAW 12:11

Ki hynmen ki para jong ngi ki la ïoh ka jingjop halor jong u da ka snam jong U Khunlangbrot bad da ka jingshisha kaba ki la pynbna; bad ki la mon bad aiti ïa la ka jingim bad ban ïap.