DANIEL 3:27 - Khasi CL Bible (BSI)

²⁷ Baroh ki khun syiem shynrang, ki lat, ki lat kiba kham hapoh, bad kiwei pat ki rangbah synshar jong u syiem ki la ïalumlang ban khmih ïa ki lai ngut ki rangbah, ki bym shym la pynmynsaw da ka ding. U shñiuh jong ki u khlem ing, ki jaiñ jong ki, ki khlem ing, bad ym shym la don kano kano ka jingsma tdem ha ki.

KA BAIBL

²⁷ Te ki lyngskor, ki deputi, bad ki nongsynshar, bad ki riewsaid jong u syiem, haba ki la ïawan lang, ki la ïohi ïa kine ki briew, ba ka ding kam shym don bor ei ei halor ki met jong ki, lymne bym shym la ing u 'ñiuh khlieh jong ki, lymne ym shym la kylla ki jaiñ jong ki, lymne ym shym don ka jingiw ding ha ki.

DANIEL 3:27 ပူးပေါင်းရင်းမြစ်များ

1 SYIEM 13:28

Ki ruh ki leh kumta, bad u leit noh bad u la lap ïa kata ka metïap u nongïathuhlypa ha lynti bah, lem bad ka kada bad u sing kiba dang ïeng hajan jong ka. U sing um shym la bam ïa kata ka metïap lymne patar ïa ka kada.

2 SYIEM 19:19

Mynta, A Trai U Blei jong ngi, to pyllait ïa ngi na ki Assyria, khnang ba baroh ki hima ka pyrthei kin tip ba tang ma me hi, U Trai, me long U Blei.”

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

DANIEL 3:21

Kumta ki la khum ïa ki, ki da phong jaiñ pura — ki sopti-poh, ka jaiñkup jynsur, ki tupia, bad baroh — bad ki la bret ïa ki ha ka lawar ding baklang.

DANIEL 6:23

U syiem u la kmen shikatdei bad u la ai hukum ba yn tan noh ïa u Daniel na ka thliew. Kumta ki la tan ïa u shajrong bad ki la ïohi ba um shym la mynsaw ei ei, namar u la shaniah ha U Blei.

DANIEL 6:7

Baroh ma ngi kiba pynïaid ïa ka hima jong phi — ki nongpynïaidkam, ki lat, ki lat kiba kham hapoh, bad kiwei pat ki rangbah pynïaidkam — ki la ïamynjur ba u Syiem Kynrad u dei ban pynmih ka hukum ban pyntreikam pyrkhing ïa ka. To ai ki hukum ba haduh laiphew sngi yn ym shah ïano ïano ban kyrpad ei ei na uno uno u blei lane na uno uno u briew lait noh tang na u Syiem Kynrad. Ïa uno uno uba pynkheiñ ïa kane ka hukum dei ban bret shapoh ka thliew kaba la dap da ki sing.

MATHAÏOS 10:30

Kumta ruh ïa phi, wat ïa ki shñiuh ha ka khlieh jong phi la lah ñiew.

KI KAM 26:26

Ko syiem Agrippa! Nga lah ban kren ha me da ka jingshlur, namar ba me tip ïa kine kiei kiei. Nga sngewskhem ba me la bat bha ïa kawei pa kawei na ki, naba kane kaei kaei kam shym jia ha kaba rieh ha kyndong.

KI KAM 27:34

Nga kyrpad ïa phi, te, to bam khyndiat ka jingbam; phi donkam ïa ka khnang ban im. Wat iwei i shñiuh na ka khlieh jong phi in ym hap noh.”

HEBRU 11:34

Ki la set ïa ki shyntur jong ki sing, ki la pynlip ïa ki ding kiba klang, ki la lait im na kaba shah pynïap da ka waitlam. Ki la long kiba tlot, hynrei ki la kylla long kiba khlaiñ; ki la long kiba khlaiñbor ha ka thma bad ki la jop ïa ki kynhun shipai nongwei.