DANIEL 3:25 - Khasi CL Bible (BSI)

²⁵ “Te balei ba nga ïohi saw ngut ki rangbah kiba ïaid ha ka ding?” u la kylli. “Ïa ki ym shym la khum, bad kim shym pyn-i kano kano ka dak jong ka jingmynsaw — bad uba saw u i kum u angel.”

KA BAIBL

²⁵ U la ïathuh bad u la ong, “Ha khmih, nga ïohi saw ngut ki briew kiba laitluid, ki da ïaid kai hapdeng ka ding, bad kim don jingmynsaw ei ei ruh em; te ka dur uba saw ka long kum u khun ki blei.”

DANIEL 3:25 ပူးပေါင်းရင်းမြစ်များ

Ka Kitab U Job 1:6

Haba la poi ka sngi ha kaba ki jingthaw ha bneng ki wanpaw ha khmat U Trai, u Soitan u la don lang hapdeng jong ki.

Ka Kitab U Job 38:7

Hamar ka kynjat shai jong kata ka sngi, ki khlur ki ïarwai lang, bad baroh ki jingthaw ba kynja bneng ki risa da ka jingkmen.

Ka Kitab U Job 5:19

Na kawei ka por sha kawei pat un pyllait im ïa me na ka jingma;

SALM 34:7

U angel jong u, u ap phira ïa kito kiba pyndonburom ïa U Trai, bad u pyllait ïa ki na ka jingma.

PROBERB 30:4

Uei uba la ju long kynrad ïa ka jingtip ba kynja bneng? Uei uba la ju kham ïa ka lyer ha la ka kti? Lane uba la tehsong ïa ka um ha ka jaiñ lyngkhot? Lane uba la pynskhem ïa ki pud jong ka pyrthei? U dei uei lada phi tip? Uei u khun jong u?

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

JEREMAÏAH 1:8

Wat sheptieng ïa ki, naba ngan don lem bad me ban ïada ïa me. Ma nga, U Trai nga la kren!”

JEREMAÏAH 15:21

Ngan pyllait ïa me na ka bor jong ki rangbah bymman bad kiba leh jubor. Ma nga, U Trai, nga la kren.”

DANIEL 3:18

Hynrei wat lada um leh, to u Syiem Kynrad un tip skhem ba ngin ym mane ïa u blei jong phi, bad ngin ym dem ngon sha ka durbriew ksiar kaba phi la phah pynïeng.”

DANIEL 3:24

Kynsan kynsan u Nebukhadnessar u la rynsied da kaba ïeng ha ka jinglyngngoh. U la kylli ïa ki rangbah synshar, “Hato ym dei ba ngi la khum lai ngut ki rangbah bad bret ïa ki ha ka lawar ding baklang?” Ki la jubab, “Ho-oid, ngi la leh kumta, ko Syiem Kynrad.”

DANIEL 3:28

U syiem u la ong, “To ïaroh ïa U Blei jong u Shadrakh, u Meshakh, bad u Abednego! U la phah ïa u angel jong u bad pyllait im ïa kine ki rangbah kiba la shakri bad shaniah ha u. Kim shym la kohnguh ïa ka hukum jong nga bad ki la kheiñduh ïa la ka jingim ban ïa kaba dem ngon bad mane ïa uno uno u blei lait tang u jong ki hi.

DANIEL 6:23

U syiem u la kmen shikatdei bad u la ai hukum ba yn tan noh ïa u Daniel na ka thliew. Kumta ki la tan ïa u shajrong bad ki la ïohi ba um shym la mynsaw ei ei, namar u la shaniah ha U Blei.

MARKOS 16:18

lada ki shim ïa ki bseiñ lane dih kano kano ka bih, kin ym mynsaw; kin buh ïa la ki kti ha kiba pang, ki ban ïoh ka jingkhiah.”

LOUKAS 1:35

U angel u la jubab, “U Mynsiem Bakhuid un sa wan ha pha, bad ka bor jong U Blei kan shong halor jong pha. Na kane ka daw, ïa i khunlung bakhuid yn khot U Khun U Blei.

KI KAM 28:5

Hynrei, u Paul u la kynther ïa uta u bseiñ shapoh ding khlem da mynsaw ei ei.

Ka Shithi U Paul Sha Ki Nong Rom 1:4

shaphang ka jinglong Blei bakhuid jong u, la pyn-i shynna da ka bor bakhraw ban long U Khun jong U Blei da kaba pynmihpat na ka jingïap.

1 PETROS 3:13

Uei u ban pynsniew ïa phi lada phi shitrhem ban leh ïa kaei kaba bha?