DANIEL 3:24 - Khasi CL Bible (BSI)

²⁴ Kynsan kynsan u Nebukhadnessar u la rynsied da kaba ïeng ha ka jinglyngngoh. U la kylli ïa ki rangbah synshar, “Hato ym dei ba ngi la khum lai ngut ki rangbah bad bret ïa ki ha ka lawar ding baklang?” Ki la jubab, “Ho-oid, ngi la leh kumta, ko Syiem Kynrad.”

KA BAIBL

²⁴ Ynda kumta, u Nebukhadnessar syiem u la lyngngoh, bad u la ïeng joit shisyndon: u la kren bad u la ong ha ki riewsaid jong u, “Ym shym dei lai ngut ki briew kiba ngi la bred ba la khum hapdeng kata ka ding?” Ki la ïathuh bad ki la ong ha u syiem, “Shisha, ko syiem.”

DANIEL 3:24 ပူးပေါင်းရင်းမြစ်များ

2 KHRONIKL 22:4

U la leh pop pyrshah ïa U Trai, namar hadien ka jingïap u kpa jong u kiwei pat ki dkhot jong ka longïing u syiem Ahab ki la long ki nongai jingmut ïa u, bad ki la pynlong ïa ka jingkyllon noh jong u.

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

DANIEL 3:23

Te u Shadrakh, u Meshakh, bad u Abednego, kiba dang shah khum, ki la hap sha ka pdeng jong ka ding baklang.

DANIEL 3:25

“Te balei ba nga ïohi saw ngut ki rangbah kiba ïaid ha ka ding?” u la kylli. “Ïa ki ym shym la khum, bad kim shym pyn-i kano kano ka dak jong ka jingmynsaw — bad uba saw u i kum u angel.”

DANIEL 4:22

“Ko Syiem Kynrad, phi long u dieng, uba jrong bad uba khlaiñ. Phi la long khraw haduh katta kat ban kynjoh ïa ka sahit bneng, bad ka bor jong phi ka ïar halor ka pyrthei baroh kawei.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

DANIEL 5:18

“U Blei Bahakhlieh Tam Eh u la pynlong ïa u Nebukhadnessar, u kpa jong me, u syiem uba khraw bad ai ha u ka burom bad ka jinglong syiem.

DANIEL 5:6

U la kylla lieh blaid blaid bad u la sheptieng katta katta ba ki khohsiew jong u ki la sdang ban khynñiuh.

DANIEL 6:22

U Blei u la phah ïa u angel jong u ban set ïa ki shyntur jong ki sing khnang ba kin ym pynmynsaw ïa nga. U la leh ïa kane namar u tip ba nga la long uba lui lui bad namar ba ngam shym la leh kano kano kaba bakla ïa phi, ko Syiem Kynrad.”

DANIEL 6:7

Baroh ma ngi kiba pynïaid ïa ka hima jong phi — ki nongpynïaidkam, ki lat, ki lat kiba kham hapoh, bad kiwei pat ki rangbah pynïaidkam — ki la ïamynjur ba u Syiem Kynrad u dei ban pynmih ka hukum ban pyntreikam pyrkhing ïa ka. To ai ki hukum ba haduh laiphew sngi yn ym shah ïano ïano ban kyrpad ei ei na uno uno u blei lane na uno uno u briew lait noh tang na u Syiem Kynrad. Ïa uno uno uba pynkheiñ ïa kane ka hukum dei ban bret shapoh ka thliew kaba la dap da ki sing.

KI KAM 12:13

U Petros u la tied ïa ka jingkhang kaba shabar, bad ka shakri kaba kyrteng ka Rhoda ka la wan ban peit uei uba tied.

KI KAM 26:13

Ka dei ha ka lynti ha ka por shiteng sngi, ko Syiem Kynrad, ba nga la ïohi ïa ka jingshai kaba kham phyrnai ban ïa ka sngi, kaba wan na sahit bneng bad kaba tyngshaiñ baroh sawdong ïa nga bad ïa ki rangbah kiba la ïaleit lang bad nga.

KI KAM 26:27

Ko syiem Agrippa, hato me ngeit ïa ki nongïathuhlypa? Nga tip ba me ngeit!”

KI KAM 9:6

“Hynrei, ïeng joit bad leit rung shapoh ka nongbah, ha kaba yn ïathuh ïa me ïa kaei kaba me dei ban leh.”

1 SAMUEL 17:55

Haba u Saul u ïohi ïa u Dabid ba u leit ban ïaleh bad u Goliath, u kylli ïa u Abner, u rangbah shipai jong u, “Abner, u dei u khun jongno mo?” “Ngam don jingtip, syiem Kynrad,” u Abner u jubab.