DANIEL 3:19 - Khasi CL Bible (BSI)

¹⁹ Te u Nebukhadnessar u la bitar, bad ka durkhmat jong u ka la kiew sawlep da ka jingbitar ïa u Shadrakh, u Meshakh, bad u Abednego. Kumta u la hukum ïa ki rangbah jong u ban pynkhluit ïa ka lawar ding hynñiew shah ban ïa kaba mynshuwa.

KA BAIBL

¹⁹ Ynda kumta, la pyndap ïa u Nebukhadnessar da ka jingbitar lep, bad ka dur ka khmat jong u ka la kylla pyrshah ïa u Shadrak, ïa u Meshak, bad ïa u Abednego: namar kata, u la kren bad u la hukum ba kin kham pynshit ïa kata ka lawar ding hynñiew shah ban ïa kaba la ju pynshit.

DANIEL 3:19 ပူးပေါင်းရင်းမြစ်များ

JENESIS 31:2

U la ïohi ruh ba u Laban um da leh jan shuh ïa u kumba mynshuwa.

ESTHER 3:5

U Haman u la bitar haba u la sngewthuh ba u Mordekai un ym dem khohsiew ïa u,

ESTHER 7:7

U syiem u ïeng ha ka jingbitar, u mih na ka kamra bad u leit shabar sha ki kper ka ïingsyiem. U Haman u ïohi ba u syiem u la kut jingmut ban pynshitom ïa u na ka bynta kane, kumta u sah hangta ban kyrpad ïa ka Esther, ka mahadei na ka bynta ka jingim jong u.

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

PROBERB 16:14

U briew uba stad un pyrshang ban ïai pynkmen ïa u syiem; lada u syiem u bitar, don uba lah ban ïap.

PROBERB 21:24

Pyni ha nga ïa u briew uba sarong bad ngan pyn-i ha phi ïa u briew uba hangamei, uba sarong bad u bym ju kheiñ briew.

ISAÏAH 51:23

Ngan ai ïa ka ha kito kiba banbeiñ ïa phi, ïa kito kiba la pynlong ïa phi ban thiah ha ki surok bah bad ïuhroit halor jong phi kum ka jakhlia.”

DANIEL 2:12

Ha kata, u syiem u la bitar shla bad u la hukum ban pynïap khoit ïa baroh ki nongai jingmut ïa u syiem ha Babilon.

DANIEL 3:13

Hangta hi, u syiem u la bitar shla bad u la hukum ban wallam ïa ki lai ngut ki rangbah sha u.

DANIEL 3:20

Bad u la hukum ïa ki briew kiba khlaiñ tam ha ka kynhun shipai jong u ban khum ïa ki lai ngut ki rangbah bad ban bret ïa ki ha ka lawar ding baklang.

DANIEL 5:6

U la kylla lieh blaid blaid bad u la sheptieng katta katta ba ki khohsiew jong u ki la sdang ban khynñiuh.

DANIEL 6:24

Nangta u syiem u la ai ki hukum ban kem ïa baroh ki rangbah kiba la lah mudui ïa u Daniel, bad la bret ïa ki, lem bad ki tnga jong ki bad ki khun jong ki, shapoh ka thliew kaba dap da ki sing. Ha shuwa ban kin poi sha tbian jong ka thliew, ki sing ki la kynrup ïa ki bad pynkheiñ ïa ki shyieng jong ki baroh.

LEBITIKOS 26:18

“Lada wat hadien kat kane phim treh satia ban shahshkor ïa nga, ngan pynshitom jur ïa phi sa hynñiew shah.

LEBITIKOS 26:21

“Lada phi dang ïaleh pyrshah ïa nga bad phim treh ban kohnguh ïa nga, ngan pynshitom shuh shuh ïa phi sa hynñiew shah.

LEBITIKOS 26:24

te nga ruh ngan phai pyrshah ïa phi bad ngan pynshitom ïa phi kham jur sa hynñiew shah.

LEBITIKOS 26:28

te ha ka jingbitar ngan phai pyrshah ïa phi, bad sa shisien ngan pynshitom jur shuh shuh ïa phi sa hynñiew shah ban ïa kaba la long mynshuwa.

KI KAM 5:33

Haba ki dkhot jong ka Dorbar ki la ïohsngew ïa kane, ki la bitar shla haduh katta katta ba ki la kwah ban phah pynïap ïa ki apostol.

KI KAM 7:54

Katba ki dkhot jong ka Dorbar ki pynshahshkor ïa u Stephan, ki la bitar shla bad ki la kyr-iat bniat ïa u ha ka jingbitar.