DANIEL 3:17 - Khasi CL Bible (BSI)

¹⁷ Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

KA BAIBL

¹⁷ Lada ka long kumta, U Blei jong ngi ïa uba ngi shakri u lah ban pyllait ïa ngi na ka lawar ding ba la thang rhem; bad un pyllait ïa ngi ruh na ka kti jong me, ko syiem.

DANIEL 3:17 ပူးပေါင်းရင်းမြစ်များ

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 18:14

Hato don kaei kaei kaba eh ïa U Trai? Kumba nga la ong, ngan sa wan biang hadien khyndai bnai, bad ka Sarah kan sa ïoh khun shynrang.”

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

Ka Kitab U Job 5:19

Na kawei ka por sha kawei pat un pyllait im ïa me na ka jingma;

SALM 115:3

U Blei jong ngi u don ha bneng; u leh ïa kano kano kaba u mon.

SALM 37:39

U Trai u pynim ïa ki briew kiba hok; bad u ïada ïa ki ha ki por ka jingjynjar.

SALM 37:40

U ïarap ïa ki bad u pyllait ïa ki; u pyllait im ïa ki na ki bymman, namar ba ki leit sha u ban ïoh jingïada.

SALM 73:20

Ki long kum ka jingphohsniew kaba jah noh ha ka por mynstep; haba me pynkhie ïa lade, A Trai, ki jah noh.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 54:14

Ka jingbishar hok bad ka hok tynrai kin pynkhlaiñ ïa pha. Phan lait na ka jingshah banbeiñ bad ka jingtriem.

JEREMAÏAH 1:8

Wat sheptieng ïa ki, naba ngan don lem bad me ban ïada ïa me. Ma nga, U Trai nga la kren!”

JEREMAÏAH 15:20

Ngan pynlong ïa me kum ka kynroh da ka rnong tylli ha ka jingïadei bad ki. Kin ïakhun pyrshah ïa me, hynrei kin ym jop ïa me. Ngan long bad me ban ïada ïa me bad sumar pynim ïa me.

JEREMAÏAH 15:21

Ngan pyllait ïa me na ka bor jong ki rangbah bymman bad kiba leh jubor. Ma nga, U Trai, nga la kren.”

DANIEL 3:26

Kumta u Nebukhadnessar u la leit kiew sha ka jingkhang jong ka lawar ding baklang bad u la pyrta, “Ko Shadrakh! Ko Meshakh! Ko Abednego! Ko shakri jong U Blei Bahakhlieh Tam Eh! To mihnoh shabar!” Bad kumta hi ki la wan mih shabar.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

DANIEL 6:16

Kumta u syiem u la ai ki hukum ban kem ïa u Daniel bad ban bret ïa u shapoh ka thliew kaba dap da ki sing. U la ong ha u Daniel, “Ai ba U Blei jong me, ïa uba me shakri hok katta katta, un pyllait im ïa me.”

DANIEL 6:23

U syiem u la kmen shikatdei bad u la ai hukum ba yn tan noh ïa u Daniel na ka thliew. Kumta ki la tan ïa u shajrong bad ki la ïohi ba um shym la mynsaw ei ei, namar u la shaniah ha U Blei.

DANIEL 6:27

U pynim bad u pyllait im; u leh ïa ki jingphylla bad ki kambah ha bneng bad ha pyrthei. U la pynim ïa u Daniel na kaba shah pynïap ha ki sing.”

MIKAH 7:7

Hynrei ngan ap khmih ïa U Trai; ngan ap skhem ïa U Blei, u ban pyllait im ïa nga. U Blei jong nga un sngew ïa nga.

LOUKAS 1:37

Naba ym don kano kano kaba U Blei um lah ban leh.”

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

KI KAM 21:13

Hynrei u la jubab, “Phi ïaleh aïu, da kaba ïam kumne bad pynpait ïa ka dohnud jong nga? Nga la kloi ym tang ban shah khum ha Jerusalem hynrei wat ban ïap ruh hangta na ka bynta U Trai Jisu.”

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

2 KORINTH 1:10

Na kiba kum kita ki jingma bashyrkhei jong ka jingïap u la pynim ïa ngi, bad un pynim ïa ngi; bad ngi la buh ïa ka jingkyrmen jong ngi ha u ba un pynim biang ïa ngi, kumba phi ïarap ïa ngi lyngba ki jingduwai lem jong phi na ka bynta jong ngi.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

1 SAMUEL 17:37

U Trai uba la pyllait im ïa nga na ki sing bad na ki dngiem; un pyllait im ïa nga na une u Philistia.” “To kata,” u Saul u jubab. “Khie leit, bad U Trai un long ryngkat bad me.”

1 SAMUEL 17:46

Ha kane hi ka sngi U Trai un aiti ïa me hapoh ka bor jong nga; ngan pynkyllon ïa me bad ngan khrai ïa ka khlieh jong me. Bad ngan ai ïa ki metïap jong ki shipai Philistia ha ki sim bad ha ki mrad ba kin bam.