DANIEL 3:15 - Khasi CL Bible (BSI)

¹⁵ Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

KA BAIBL

¹⁵ Mynta, lada phi la khreh hamar ba phi ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, ka dulsimar, bad ki kynja jingtem baroh, ban dem ban mane ïa kata ka durblei ïa kaba nga la thaw, bha: hynrei, lada phim mane, yn sa bred noh ïa phi ha kata kajuh ka por hapdeng ka lawar ding ba la thang rhem; bad uei uta U Blei uba lah ban pyllait ïa phi na ki kti jong nga?”

DANIEL 3:15 ပူးပေါင်းရင်းမြစ်များ

2 SYIEM 18:35

Mynno na kine ki blei jong ki ri baroh kiba la ju pyllait im ïa ki ri jong ki na u patsha jong ngi? Te kaei kaba pynlong ïa phi ban pyrkhat ba U Trai un pyllait im ïa ka Jerusalem?”

EKSODOS 32:32

To map ïa ka pop jong ki; hynrei lada men ym map, nga kyrpad ba men weng noh ïa ka kyrteng jong nga na kata ka kitab ha kaba me la thoh ïa ki kyrteng jong u paidlang jong me.”

EKSODOS 5:2

“Uei uta U Trai?” u Pharaoh u kylli. “Balei ba nga dei ban shahshkor ïa u, bad shah ïa ki Israel ban leit? Ngam ithuh ïa U Trai, bad ngam shah ïa ki Israel ban leit.”

ISAÏAH 37:23

Ïano ba me pyrkhat ba me la ñiewbeiñ bad rkhiebeiñ? Me la long uba khlem burom ïa nga, U Blei bakhuid jong ki Israel.

DANIEL 2:47

U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

DANIEL 2:9

ban ai ha phi baroh ïa kajuh ka jingpynshitom lada phim ïathuh ha nga ïa ka jingphohsniew. Phi la ïamynjur para ma phi ban ïathuh ïa nga ki jinglamler namar ba phi kyrmen ba ha ka por babiang kiei kiei kin kylla. Ïathuh ïa nga ïa ka jingphohsniew, bad nangta ngan tip ba phi lah ruh ban ïathuh ha nga kaei ka jingmut jong ka.”

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

DANIEL 6:16

Kumta u syiem u la ai ki hukum ban kem ïa u Daniel bad ban bret ïa u shapoh ka thliew kaba dap da ki sing. U la ong ha u Daniel, “Ai ba U Blei jong me, ïa uba me shakri hok katta katta, un pyllait im ïa me.”

DANIEL 6:20

Haba u la poi hangta, u la khot jam da ka jingkhmih lynti, “Ko Daniel, u shakri jong U Blei uba im! Hato U Blei uba me shakri hok katta katta u la lah mo ban pyllait im ïa me na ki sing?”

MATHAÏOS 10:19

Haba ki tian bishar ïa phi, wat khuslai shaphang kaei kaba phin ong lane kumno phin ong; haba ka por ka poi, yn sa ai ha phi ïa kaei kaba phin ong.

MATHAÏOS 27:43

U shaniah ha U Blei bad u kam ba u long U Khun U Blei. Kumta, te, to ngin peit lada U Blei u kwah ban pynim ïa u mynta!”

MARKOS 13:11

Bad haba la kem ïa phi bad ïalam sha ka ïingbishar, wat khuslai lypa ïa kaei kaba phin kren; haba ka por kan poi, to kren ïa kaei kaei kaba yn sa ai ha phi ha kata ka por. Namar ki ktien kiba phin sa kren, kin ym long ki jong phi; kin wan na U Mynsiem Bakhuid.

LOUKAS 12:11

“Haba ki wallam ïa phi ban shah tian bishar ha ki synagog lane ha khmat ki lyngskor lane ki nongsynshar, wat sngewkhuslai shaphang kumno phin ïasaid da ïa lade lane ïa kaei phin kren.

LOUKAS 13:9

Te lada u dieng u pynmih soh Dumbur ha ka snem kaba bud, katta kan kham bha; lymda kumta, te phi lah ban phah khet noh ïa u.’ ”

KI KAM 4:19

Hynrei u Petros bad u Ïoannis ki la jubab ïa ki, “Phi hi bishar kano kaba dei ha khmat U Blei — ban kohnguh ïa phi ne ban kohnguh ïa U Blei.

KI KAM 5:29

U Petros bad kiwei pat ki apostol ki la phai ktien, “Ngi dei ban kohnguh ïa U Blei, ym ïa ki briew.

KI KAM 6:15

Kita baroh kiba shong ha ka Dorbar ki la khmih shlip ha u Stephan bad ki la ïohi ba ka durkhmat jong u ka la long kum ka durkhmat jong u angel.