DANIEL 3:13 - Khasi CL Bible (BSI)

¹³ Hangta hi, u syiem u la bitar shla bad u la hukum ban wallam ïa ki lai ngut ki rangbah sha u.

KA BAIBL

¹³ Ynda kumta, u Nebukhadnessar ha la ka jingbitar bad ka jingotshla u la hukum ban wallam ïa u Shadrak, ïa u Meshak, bad ïa u Abednego. Ynda kumta, ki la wallam ïa kine ki briew ha khmat u syiem.

DANIEL 3:13 ပူးပေါင်းရင်းမြစ်များ

JENESIS 4:5

Te U Trai u la sngewbha eh ïa u Abel bad ïa ka jingainguh jong u; hynrei u la kyntait ïa u Kain bad ïa ka jingainguh jong u. U Kain u la bitar lep, bad ka durkhmat jong u ka la kylla ha ka jingbitar.

PROBERB 17:12

Ka kham bha ban ïakynduh ïa ka dngiem kaba la duh noh ïa la ki khun ban ïa kaba ïakynduh ïa uno uno uba bieit uba bunkam ha ka kam mutlop.

PROBERB 27:3

Ka jingkhia u maw bad u shyiap kam long ei ei ban haba ïanujor bad ka jingjynjar kaba uba mutlop u lah ban pynjia.

PROBERB 29:22

Ki briew kiba kloi ban bitar ki pynlong shibun ki jingïakajia bad ki jingkulmar.

DANIEL 1:7

U rangbah synshar bahakhlieh duh u la ai kyrteng thymmai ïa ki: u Belteshassar, u Shadrakh, u Meshakh, bad u Abednego.

DANIEL 2:12

Ha kata, u syiem u la bitar shla bad u la hukum ban pynïap khoit ïa baroh ki nongai jingmut ïa u syiem ha Babilon.

DANIEL 3:19

Te u Nebukhadnessar u la bitar, bad ka durkhmat jong u ka la kiew sawlep da ka jingbitar ïa u Shadrakh, u Meshakh, bad u Abednego. Kumta u la hukum ïa ki rangbah jong u ban pynkhluit ïa ka lawar ding hynñiew shah ban ïa kaba mynshuwa.

MATHAÏOS 10:18

Na ka bynta jong nga phin shah tian bishar ha khmat ki nongsynshar bad ki syiem, ban ïathuh ïa ka Khubor Babha ha ki bad ha ki Jentil.

MARKOS 13:9

“Ma phi ïa lade hi phi dei ban long kiba sumar bha. Phin shah kem bad shah ïalam sha ka ïingbishar. Ïa phi yn sa shoh ha ki synagog; phin sa ïeng ha khmat ki nongsynshar bad ki syiem na ka bynta jong nga ban ïathuh ha ki ïa ka Khubor Babha.

LOUKAS 21:12

Pynban, ha shuwa ba kine kiei kiei baroh kin jia, ïa phi yn kem bad pynshitom beiñ; yn aiti ïa phi ban shah tian bishar ha ki synagog bad ban shah thep ha ka byndi; yn wallam ïa phi ha khmat ki syiem bad ki nongsynshar na ka bynta jong nga.

LOUKAS 6:11

La pyndap ïa ki da ka jingbitar shla bad ki la sdang ban ïaphylliew jingmut para ma ki ïa kaei ba ki lah ban leh ïa U Jisu.

KI KAM 24:24

Hadien khyndiat sngi, u Pheliks u la wan lem bad ka tnga jong u, ka Drusilla, kaba long ka Jiw. U la phah khot ïa u Paul bad u la shahshkor ïa u katba u nang kren shaphang ka jingngeit ha U Khrist Jisu.