DANIEL 3:10 - Khasi CL Bible (BSI)

¹⁰ U Syiem Kynrad u la pynmih ka hukum ba tang mar ïasdang ka jingput jingtem, uwei pa uwei u dei ban dem ngon bad mane ïa ka durbriew ksiar,

KA BAIBL

¹⁰ Me, ko syiem, me la buh ka hukum, ba uno uno u briew uba ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, ka dulsimar, bad ka kynja jingtem baroh, un dem un mane ïa kata ka durblei ksiar:

DANIEL 3:10 ပူးပေါင်းရင်းမြစ်များ

1 KHRONIKL 15:16

U Dabid u hukum ïa ki nongïalam jong ki Lebi ban pynkhamti ha ki kynhun Lebi bapher bapher ban rwai bad ban tem ki jingtem jong ka jingkmen ha ki duitara bad ki shakuriaw.

1 KHRONIKL 15:28

Te baroh ki Israel ki synran ïa ka Synduk ka Jutang haduh Jerusalem ryngkat bad ki jingrisa jong ka jingkmen, ki sur jong ki turoi, ki ronsing, bad ki shakuriaw, bad ki jingtem ha ki duitara.

2 KHRONIKL 29:25

U syiem u bud ïa ki jingbthah kiba U Trai u la ai ha u syiem Dabid lyngba u Gad, u nongïathuhlypa jong u syiem, bad lyngba u Nathan, u nongïathuhlypa; u la buh ïa ki Lebi ha ka Templ lem bad ki duitara bad ki shakuriaw, ki jingtem kum kito kiba u syiem Dabid u la pyndonkam.

SALM 94:20

Mem don ei ei ban leh ïa ki nongsynshar bymhok, kiba pynlong ïa ka jingbymhok ban ksan,

EKSODOS 1:16

“Haba phi ïarap pynkha ïa ki kynthei Hebru, bad phi ïohi ba u dei u shynrang, pynïap ïa u; hynrei lada dei ka kynthei, ai kan im.”

EKSODOS 1:22

Khatduh eh, uta u syiem u hukum ïa ki briew jong u baroh, “Shim ïa u khunlung Hebru baroh uba dang shu lah kha bad bret ïa u sha wah Nile, hynrei ai ba ki khun kynthei kin im.”

EKLESIASTIS 3:16

Shuh shuh, nga la ïohi ruh ba ha kane ka pyrthei phi shem ka jingbymman ha ka jaka kaba ka jinglehhok bad ka hok ki dei ban don.

ISAÏAH 10:1

Phi long ba la tim! Phi thaw ïa ki aiñ bymhok ban banbeiñ ïa ki briew jong nga.

DANIEL 3:11

bad ba ïa uno uno u bym dem ngon bad mane dei ban bret ha ka lawar ding baklang.

DANIEL 3:15

Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

DANIEL 6:12

baroh na ki, ki la ïaleit lang sha u syiem ban mudui ïa u Daniel. Ki la ong, “Ko Syiem Kynrad, phi la soi ïa ka hukum ba na ka bynta ki laiphew sngi kiba bud ïa uno uno uba kyrpad ïa kano kano na uno uno u blei lane na uno uno u briew lait tang na phi, yn bret ïa u hapoh ka thliew ba-dap da ki sing.” U syiem u la jubab, “Ho-oid, ka hukum kaba pyrkhing, ka aiñ jong ki Mid bad ki Persia, ka bym lah ban pynkylla.”

AMOS 6:5

Phi sngewtynnat ban thaw ïa ki jingrwai, kumba u Dabid u la thaw, bad tem ïa ki ha ki duitara.

ÏOANNIS 11:57

Ki rangbah lyngdoh bad ki Pharisi ki la ai ïa ka hukum ba lada uno uno u tip hangno ba U Jisu u don, u dei ban wanrah khubor, khnang ba kin ïohkem ïa u.