DANIEL 3:1 - Khasi CL Bible (BSI)

¹ U syiem Nebukhadnessar u la phah thaw ka durbriew ksiar, arphew hynñiew mitar ka kynjang bad jan lai mitar ka pyngkiang, bad u la phah pynïeng ïa ka ha ka pyntha Dura ha ka probins jong ka Babilon.

KA BAIBL

¹ U Nebukhadnessar syiem u la thaw ka durblei da ka ksiar, ka jingjrong jong ka, ka la long hynriewphew pruh, bad ka pyngkiang jong ka hynriew pruh: u la pynïeng ïa ka ha ka pyntha Dura, ha ka shnat ka Babilon.

DANIEL 3:1 ပူးပေါင်းရင်းမြစ်များ

1 SYIEM 12:28

Hadien ba u la pyrkhat bha, u shna ar tylli ki khun masi kiba da ka ksiar bad u ong ha ki briew jong u, “Phi la hap ïaleit mane jngai palat shaduh Jerusalem. Ko ki paid Israel, khmih kine ki blei kiba la wanlam ïa phi na ka ri Ijipt!”

ESTHER 1:1

Na ka khet syiem ha ka nongbah Susa jong ka Persia, u syiem Serksis u synshar halor ki shispah arphew hynñiew tylli ki jylla, naduh India haduh Sudan.

SALM 135:15

Ïa ki blei jong ki jaitbynriew la shna da ka rupa bad ka ksiar; la pynwandur da ki kti ki briew.

EKSODOS 20:23

Wat thaw na ka bynta ïa lade ki blei kiba da ka rupa ne da ka ksiar ban mane ïa ki nalor jong nga.

EKSODOS 32:31

Kumta u Moses u leit phai sha U Trai, bad u ong, “Kine ki briew ki la leh ïa ka pop kaba shyrkhei eh. Ki la thaw ïa u blei uba da ka ksiar bad ki la ïamane ïa u.

ISAÏAH 2:20

Haba kata ka sngi ka wan, kin bret sharud ïa ki bleithaw ksiar bad rupa ba ki la thaw, bad kin iehnoh ïa ki ha ki khnai tynjit bad ha ki lymbit.

ISAÏAH 30:22

Phin shim ïa ki bleithaw jong phi ba la sop da ka rupa bad ïa ki blei jong phi ba la tap da ka ksiar, bad phin bret noh ïa ki kum ïa ka jakhlia, bad phin pyrta, “Wat don shuh ha khmat jong nga!”

ISAÏAH 46:6

Ki briew ki plied ïa la ki pla pisa bad ki theh shabar ïa ka ksiar; ki thew ïa ka rupa ha ki tarajur. Ki ainong ïa u bania ban shna durblei; nangta ki dem ngon bad mane ïa ka!

JEREMAÏAH 10:9

Ïa ki bleithaw jong ki la sop da ka rupa na Spain bad da ka ksiar na Uphas baroh ki jingtrei jong ki nongtrei; la pynphong jaiñ ïa ki ha ki jaiñ ïongjngum bad sawbthuh ba la thain da ki nongthain jaiñ batbit.

JEREMAÏAH 16:20

Hato u briew u lah ban shna ïa ki blei jong u? Em, lada u leh kumta, kin ym long shisha ki blei.”

DANIEL 2:48

Te u la ai ha u Daniel ka kyrdan kaba halor, u la ai sngewbha ïa u da ki jingai kiba kynsai tam, u la buh ïa u ban khmih ïa ka probins jong ka Babilon, bad u la pynlong ïa u, u khlieh jong baroh ki nongai jingmut ïa u syiem.

DANIEL 2:49

Ha ka jingkyrpad jong u Daniel, u syiem u la buh ïa u Shadrakh, u Meshakh, bad u Abednego ban khmih ïa ka jingpynïaid kam jong ka probins jong ka Babilon; hynrei u Daniel u la don ha ka ïingbishar jong u syiem.

DANIEL 3:14

U la ong ha ki, “Ko Shadrakh, Meshakh, bad Abednego, hato ka long kaba shisha ba phi kyntait ban mane ïa u blei jong nga bad ban dem ngon sha ka durbriew kaba nga la phah pynïeng?

DANIEL 3:30

Bad u syiem u la pynkiew kyrdan ïa u Shadrakh, u Meshakh, bad u Abednego sha ki kyrdan ba kham halor ha ka probins jong ka Babilon.

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

DANIEL 5:4

bad ki la ïaroh ïa ki blei kiba la thaw da ka ksiar, ka rupa, ka rnong, ka nar, ka dieng bad u maw.

HOSIA 2:8

Kan ym tip ba dei ma nga uba la ai ïa ka u kew, ka waiñ, ka umphniang Olib, bad baroh ka rupa bad ka ksiar ba ka ju pyndonkam ha kaba mane ïa u Baal.

HOSIA 8:4

“Ki briew jong nga ki la jied ïa ki syiem. Hynrei ki la leh ïa kata ha la ka jong ka lynti. Ki thung ïa ki nongïalam, hynrei khlem ka jingpynskhem jong nga. Ki shim ïa ka rupa bad ka ksiar jong ki bad ki thaw ïa ki bleithaw — na ka bynta ka jingjot jong ki hi.

HABAKKUK 2:19

Phi long ba la tim! Phi ong ha ka lyngkhot dieng, “Khie noh!” ne ïa u maw, “Ïeng joit!” Hato ka bleithaw ka lah ban pynpaw ei ei ïa phi? Lah ban suit ïa ka da ka rupa bad ka ksiar, hynrei ym don jingim ha ka.

KI KAM 17:29

Namar ba ngi long ki khun U Blei, ngim dei ban tharai ba ka jinglong jong u ka long kaei kaei kaba kum ka dur da ka ksiar lane rupa lane maw, ba la pynwandur da ka jingstad bad ka buit briew.

KI KAM 19:26

Mynta, phi lah ban ïohi bad ïohsngew da lade aïu une u Paul u leh. U ong ba ki blei kiba la shna da ki kti jong ki briew kim long da shisha ki blei, bad u la jop ha kaba pynkohnguh ïa kiba bun ki briew, hangne ha Ephesos bad hajan baroh kawei jong ka probins jong ka Asia.

DEUTERONOMI 7:25

Thang ïa ki bleithaw jong ki. Wat ikwah ïa ka rupa lane ïa ka ksiar kaba don ha ki, bad wat shim ïa ka sha lade ïoh phi ïap, namar U Trai u isih ïa ka jingmane bleithaw.

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.