DANIEL 2:5 - Khasi CL Bible (BSI)

⁵ U syiem u la ong ha ki, “Nga la kut jingmut ba phi dei ban ïathuh ïa nga ïa ka jingphohsniew bad nangta ïathuh ïa nga kaei ka jingmut jong ka. Lada phim lah, ngan phah tar ïa ka kti ka kjat jong phi kawei na kawei pat bad ngan pynlong ïa ki ïing jong phi ka kynton ki jingjot.

KA BAIBL

⁵ U syiem u la ïathuh bad u la ong ha ki Khaldi, “Ka la jah noh na nga: lada phim pyntip ha nga ïa kata ka jingphohsniew bad ïa ka jingbatai jong ka, yn ot lyngkhot lyngkhai ïa phi, bad yn pynlong synrum ïa ki ïing jong phi.

DANIEL 2:5 ပူးပေါင်းရင်းမြစ်များ

2 SYIEM 10:27

Kumta ki la pynjot ïa u rishot bakyntang bad ïa kata ka templ, bad ki pynkylla jaka leit shabar ïa ka — kaba dang don haduh kane ka sngi.

ESRA 6:11

Nga hukum ruh ba lada uno uno um kohnguh ïa kane ka hukum, dei ban sei ïa u bim dieng na ka ïing jong u, ban pynnep ha kawei ka liang, bad ban sam lyngba ïa ka met jong u. Bad ïa ka ïing jong u ban pynlong kum ka kynton ñiut.

SALM 50:22

“Shahshkor ïa kane, ma phi ki bym patiaw ïa nga, lymda kumta ngan pynjot ïa phi, bad yn ym don mano mano u ban pynim ïa phi.

SALM 58:7

To ai ba kin jah noh kum ka um ba-jreiñ noh shawei; to ai ba yn pynlwet ïa ki kum ki ñiut ha ka lynti ïaid.

DANIEL 2:12

Ha kata, u syiem u la bitar shla bad u la hukum ban pynïap khoit ïa baroh ki nongai jingmut ïa u syiem ha Babilon.

DANIEL 3:29

“Te mynta nga hukum ba lada uno uno na kano kano ka hima, ka jaitbynriew, lane ka ktien uba kren khlem burom ïa U Blei jong u Shadrakh, u Meshakh, bad u Abednego, dei ban tar ïa u na ka kti bad kjat, bad ïa ka ïing jong u dei ban pynlong ka kynton ki jingpra. Ym don uno uno u blei uba lah ban pyllait im kumne.”

DANIEL 4:9

Ko Belteshassar, u rangbah jong ki nongbatai kupar, nga tip ba u mynsiem jong ki blei bakhuid u don hapoh jong me, bad ba me shemphang ïa ki jingmaïan baroh. Kane ka long ka jingphohsniew jong nga. To ïathuh ïa nga kaei ka jingmut jong ka.

DEUTERONOMI 13:16

Lumlang ïa ki jingdon jingem jong ki briew baroh kiba shong hangta bad kynton ïa ki ha ka madan shnong. Nangta thang ïa kata ka shnong bad ïa kata ka spah ka phew baroh kum ka jingainguh thang sha U Trai U Blei jong phi. Ka dei ban sah junom ha ka jingjot bad ym dei ban tei pat.

JOSHUA 6:26

Ha kata ka por, u Joshua u maham tyngeh, u da ong, “Uta uba pyrshang ban tei thymmai ïa ka nongbah Jerikho un long hapoh ka jingtim jong U Trai! “Uta uba seng ïa ka nongrim un duh noh ïa la u khun nyngkong; Uta uba tei ïa ki khyrdop un duh noh ïa la u khun khatduh!”

1 SAMUEL 15:33

U Samuel u ong, “Kumba ka waitlam jong me ka la pynlong ïa kiba bun ki kmie ban duh khun, kumta mynta ka kmie jong me kan long khlem khun.” Bad u pom lyngkhot lyngkhai ïa u Agag ha khmat ka duwan ha Gilgal.