DANIEL 2:47 - Khasi CL Bible (BSI)

⁴⁷ U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

KA BAIBL

⁴⁷ U syiem u la ïathuh ha u Daniel, bad u la ong, “Da kaba shisha, U Blei jong phi u long U Blei ki blei, bad U Trai ki syiem, bad u nongpynpaw ïa ki jingbuhrieh, naba me la lah ban pynpaw ïa kane ka jingbuhrieh.”

DANIEL 2:47 ပူးပေါင်းရင်းမြစ်များ

JENESIS 41:39

U syiem u ong ha u Joseph, “U Blei u la pynpaw ha me ïa kane baroh, kumta ka long kaba shai ba me don ka jingstad bad jingshemphang kaba kham khraw ban ïano ïano.

2 SYIEM 5:15

U la leit phai pat sha u Elisha lem bad baroh ki rangbah jong u bad u ong, “Mynta nga tip ba ym don uno uno u blei hynrei tang U Blei ki Israel; kumta sngewbha, ko kynrad, pdiang ïa ka jingai sngewbha na nga.”

Ka Kitab U Job 12:19

u pynrit khop ïa ki lyngdoh bad ïa ki rangbah kiba don ha ka bor.

SALM 136:2

To ainguh ïa uba khraw tam na ki blei baroh; ka jingieit jong u ka neh bymjukut.

SALM 136:3

To ainguh ïa uba khlaiñbor tam na ki kynrad baroh; ka jingieit jong u ka neh bymjukut.

SALM 72:11

Ki syiem baroh kin dem ngon ha khmat jong u, ki jaitbynriew baroh kin shakri ïa u.

SALM 82:1

U Blei u pynïaid ha ka dorbar bneng; ha ka jingïaseng bah jong ki blei u ai ïa ka rai jong u:

SALM 96:4

U Trai u long uba khraw bad uba dei eh ban ïaroh; u long uba dei ban shah pyndonburom kham palat ïa ki blei baroh.

ESEKIEL 26:7

U Trai Nongsynshar u ong, “Ngan wallam ïa u syiem bakhraw tam na baroh — u Nebukhadnessar u syiem ka Babilonia — ban tur ïaleh ïa ka Tyros. Un wan na shaphang shatei ryngkat bad ka kynhun shipai babun, lem bad ki kulai bad ki kali ïapom bad ki nongshong kulai.

DANIEL 11:36

“U syiem ka Syria un leh kat kaba u sngewbha. Un kob ba u long kham khraw ban ïa uno uno u blei, kham halor wat ïa U Blei Bahakhlieh Tam Eh. Un lah ban leh ïa kane tad haduh ha ka por haba U Blei un pynshitom ïa u. U Blei un leh thik ïa kaei kaba u la thmu.

DANIEL 2:19

Te ha kata kajuh ka miet ïa ka jingmaïan la pynpaw ha u Daniel ha ka jingïohipaw, bad u la ïaroh ïa U Blei ka bneng:

DANIEL 2:22

U pynpaw ïa kiei kiei kiba jylliew bad kiba rieh; u tip kaei kaba la buhrieh ha ka jingdum, bad ïa u hi la ker sawdong da ka jingshai.

DANIEL 2:28

Hynrei don U Blei ha bneng, uba pynpaw ïa ki jingmaïan. U la pyntip ïa u Syiem Kynrad kaei ka ban jia ha ka lawei. Mynta ngan ïathuh ha phi ïa ka jingphohsniew, ka jingïohipaw kaba phi lah ïoh mynba phi dang ïohthiah.

DANIEL 2:29

“Mynba u Syiem Kynrad u dang ïohthiah, phi la phohsniew shaphang ka lawei; bad U Blei uba pynpaw ïa ki jingmaïan, u la pyn-i ha phi kaei ka ban sa jia.

DANIEL 2:30

Mynta, ïa kane ka jingmaïan la pynpaw ha nga, ym namar ba nga kham stad ban ïa uno uno uwei pat, hynrei khnang ba u Syiem Kynrad u lah ban ïoh tip ïa ka jingmut jong ka jingphohsniew jong phi bad shemphang ïa ki jingpyrkhat kiba la wan ha phi.

DANIEL 2:37

Ko Syiem Kynrad, phi long uba khraw tam na ki syiem baroh. U Blei ka bneng u la pynlong ïa phi u patsha bad u la ai ha phi ka bor, ka jingkhlaiñ, bad ka burom.

DANIEL 3:15

Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

DANIEL 3:28

U syiem u la ong, “To ïaroh ïa U Blei jong u Shadrakh, u Meshakh, bad u Abednego! U la phah ïa u angel jong u bad pyllait im ïa kine ki rangbah kiba la shakri bad shaniah ha u. Kim shym la kohnguh ïa ka hukum jong nga bad ki la kheiñduh ïa la ka jingim ban ïa kaba dem ngon bad mane ïa uno uno u blei lait tang u jong ki hi.

DANIEL 3:29

“Te mynta nga hukum ba lada uno uno na kano kano ka hima, ka jaitbynriew, lane ka ktien uba kren khlem burom ïa U Blei jong u Shadrakh, u Meshakh, bad u Abednego, dei ban tar ïa u na ka kti bad kjat, bad ïa ka ïing jong u dei ban pynlong ka kynton ki jingpra. Ym don uno uno u blei uba lah ban pyllait im kumne.”

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 4:25

Yn beh noh ïa phi na ka imlang ka sahlang u bynriew bad phin shong phin sah bad ki mradkhlaw. Hynñiew snem phin bam phlang kum u masi dab, bad thiah ha bym don jingkah ei ei, ha kaba ka umjer kan hap halor jong phi. Te phin pdiang ba U Blei Bahakhlieh Tam Eh u bat synshar ïa baroh ki hima ki briew, bad ba u lah ban ai ïa ki ha uno uno uba u jied.

DANIEL 4:32

Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

DANIEL 5:11

U don u briew ha ka hima jong phi uba don ïa u mynsiem jong ki blei bakhuid hapoh jong u. Mynba u kpa jong phi u long syiem, une u briew u la pyn-i ka jingmut kaba bha, ka jingtip, bad ka jingstad kum ka jingstad jong ki blei. Bad u syiem Nebukhadnessar, u kpa jong phi, u la pynlong ïa u, u khlieh duh jong ki nongbatai kupar, ki nongleh myntor, ki nongleh byrtong, bad ki nongpeit kti.

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

1 KORINTH 14:25

Yn bishar ïa u da kiei kiei baroh kiba u ïohsngew; ïa ki jingpyrkhat barieh jong u yn pynpaw madan, bad un dem ngon bad mane ïa U Blei, da kaba phla, “Da shisha U Blei u don hangne hapdeng jong phi.”

DEUTERONOMI 10:17

Naba U Trai U Blei jong phi u long uba khrawbor tam halor ki blei baroh bad halor ki bor baroh. U long uba khraw bad uba donbor, bad uba dei ban sheptieng. U bym ñiewshiliang khmat bad u bym ju pdiang ïa ki jingai kiba da ka dohnud ka bymkhuid.

1 TIMOTHI 6:15

Ïa ka jingpynpaw jong u yn wallam da U Blei ha ka ïa kaba biang, uba la kyrkhu bad tang ma u hi, U Nongsynshar, U Syiem jong ki syiem bad U Trai jong ki trai.

JOSHUA 22:22

“U Bakhrawbor tam u dei U Blei! U long U Trai! U Bakhrawbor tam dei U Blei! U long U Trai! U tip balei ngi leh ïa kane, bad ngi kwah ba phi ruh phin tip! Lada ngi ïaleh pyrshah bad ngim ïai bat ïa ka jingngeit bad U Blei, wat shah shuh ïa ngi ban im!

JINGPYNPAW 1:5

bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”