DANIEL 2:46 - Khasi CL Bible (BSI)

⁴⁶ U syiem Nebukhadnessar u la dem khrup ha khyndew bad u la ai hukum na ka bynta ki jingkñia bad ki jingainguh kiba dei ban ai ïa u Daniel.

KA BAIBL

⁴⁶ Ynda kumta, u Nebukhadnessar u la dem ngon la ka khmat, bad u la mane ïa u Daniel, bad u la hukum ba kin ai ka jingkñia ainguh bad ki jingiwbih ïa u.

DANIEL 2:46 ပူးပေါင်းရင်းမြစ်များ

ESRA 6:10

Ïa kane dei ban leh khnang ba ki lah ban ai ki jingkñia ba pdiang hun ha U Blei jong ka Bneng bad duwai ïa ka jingkyrkhu jong u halor jong nga bad ki khun shynrang jong nga.

DANIEL 3:5

Phin ïohsngew ïa ka jingriew ki turoi, ba la bud da ka jingput ïa ki tangmuri, ki jingtem ksai, ki marynthing, bad ki duitara; bad nangta sa baroh kiwei pat ki tiar put tiar tem kin ïasoh lang. Tang mar ïasdang ka jingput jingtem, phi dei ban dem ngon bad mane ïa ka durbriew ksiar kaba u syiem Nebukhadnessar u la phah pynïeng.

DANIEL 3:7

Bad kumta, mar syn ïohsngew ïa ka jingsawa ki tiar put tiar tem, ki briew jong baroh ki ri, ki jaitbynriew, bad ki jait ktien ki la ïadem ngon bad mane ïa ka durbriew ksiar kaba u Syiem Nebukhadnessar u la phah pynïeng.

DANIEL 8:17

U Gabriel u la wan bad u la ïeng hajan jong nga, bad nga la sheptieng katta katta ba nga kyllon ha khyndew. U la ong ha nga, “Ko khun u briew, to shemphang ïa ka jingmut. Ka jingïohipaw ka ïadei bad ka jingkut jong ka pyrthei.”

LEBITIKOS 26:31

Ha ka jingijli bakhraw, ngan pynjot thiaw ïa ki shnong jong phi, ngan pynpra ïa ki jaka mane blei jong phi, bad ngan kyntait ïa ki jingkñia ainguh jong phi.

LOUKAS 17:16

U la dem khrup ïa lade ha khyndew ha ki kjat jong U Jisu bad u la ainguh ïa u. Uta u briew u dei u nong Samaria.

KI KAM 10:25

Katba u Petros u dang rung, u Kornelios u la leit kynduh ïa u, u la dem khrup ha ki kjat jong u, bad u la nguh dem ha khmat jong u.

KI KAM 14:13

U lyngdoh jong u blei Seus, uba ka templ jong u ka ïeng kham pajih shabar shnong, u la wallam ïa ki masi dab bad ki syntiew sha ka khyrdop, naba ma u bad ki paidbah ki la kwah ban ai ka jingkñia sha ki apostol.

KI KAM 28:6

Ki la ap khmih lynti ïa u ba un sa sieb lane ba un kyllon ïap kynsan. Hynrei, hadien ba ki la ïa-ap slem bad kim ïohi kano kano kaba kham pher kaba jia ha u, ki la kylla ïa la ki jingmut bad ki la ong, “U dei u blei!”

JINGPYNPAW 11:16

Nangta ki arphew saw ngut ki nongsharai balang kiba shong ha ki khet jong ki ha khmat U Blei ki la dem ngon ïa lade bad ki la mane ïa U Blei, da kaba ong: “Ko Trai U Blei Badonbor Baroh, uta uba long bad uba la ju long! Ngi ainguh ïa me ba me la shimti ïa ka bor bakhraw jong me bad me la sdang ban synshar!

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

JINGPYNPAW 22:8

Ma nga, u Ïoannis, nga la ïohsngew bad la ïohi ïa kine kiei kiei baroh. Bad haba nga la dep ïohsngew bad ïohi ïa ki, nga la dem khrup ha ki kjat jong u angel uba la pyn-i ha nga ïa kine kiei kiei, bad nga la jan mane ïa u.