DANIEL 2:45 - Khasi CL Bible (BSI)

⁴⁵ Phi la ïohi kumno u maw u la lait na ka synrang khlem don mano mano ba ktah ïa u bad kumno u la shoh ïa ka durbriew kaba la shna da ka nar, ka rnong, ka dewbyrtha, ka rupa bad ka ksiar. U Blei uba khraw u ïathuh ïa u Syiem Kynrad kaei ka ban sa jia ha ka lawei. Nga la ïathuh thik ïa kaei kaba phi la phohsniew bad nga la ai ha phi ïa ka jingmut bashisha.”

KA BAIBL

⁴⁵ Kat kumba me la ïohi ba la khlaw ïa uta u maw na u lum ym da ki kti, bad ba u la pynlwet ïa ka nar, ïa ka rnong, ïa ka 'dewbyrtha, ïa ka rupa, bad ïa ka ksiar; U Blei u bakhraw u la pyntip ïa u syiem kaei ka ban sa jia hadien kane: te ka jingphohsniew ka long kaba shisha, bad ka jingbatai jong ka, kaba skhem.”

DANIEL 2:45 ပူးပေါင်းရင်းမြစ်များ

JENESIS 41:26

Ki hynñiew tylli ki masi kynthei kiba sngaid ki long ki hynñiew tylli ki snem, bad ki hynñiew tylli ki kop kew kiba met ruh ki long ruh ki hynñiew tylli ki snem; ki don kajuh ka jingmut.

JENESIS 41:28

Ka long thik kumba nga la ïathuh ha phi — U Blei u la pyn-i ha phi ïa kaei ba un sa leh.

JENESIS 41:32

Ka jingïaiban ïa ka jingphohsniew jong phi ka mut ba ïa kane la pynskhem da U Blei bad ba un pynurlong shen ïa ka.

2 SAMUEL 7:22

Katno me long uba khraw; A Trai Nongsynshar! Ym don uwei pat uba kum ma me, ngi la ju tip ba dei tang ma me hi uba long U Blei.

1 KHRONIKL 16:25

U Trai u long uba khraw bad uba eh dei ban ïaroh; ïa u dei ban ai ka burom palat ban ïa kiwei ki blei baroh.

NEHEMAÏAH 4:14

Nga ïohi ba ki briew ki khuslai, kumta nga ong ha ki bad ha ki nongïalam bad ki rangbah synshar jong ki, “Wat sheptieng ïa ki nongshun jong ngi. Kynmaw kumno U Trai u long uba khraw bad uba shyrkhei, bad u ïaleh na ka bynta ki briew ka ri jong phi, ki khun jong phi, ki tnga jong phi, bad ki ïing jong phi.”

NEHEMAÏAH 9:32

“A Blei, U Blei jong ngi, katno me long uba khraw! Katno me long uba shyrkhei bad uba donbor! Me batskhem ïa ki kular ka jingïateh jutang. Naduh ka por ba ki syiem Assyria ki banbeiñ ïa ngi, wat haduh kane ka por, haduh katno ngi shahshitom! Ki syiem jong ngi, ki nongïalam jong ngi, ki lyngdoh jong ngi bad ki nongïathuhlypa, ki kpa tymmen jong ngi, bad baroh ki briew jong ngi ki shitom. To kynmaw haduh katno ngi la shahshitom!

Ka Kitab U Job 36:26

Ngim lah ban tip lut ïa ka jingkhraw jong u lane ñiew ïa jingbun ki snem jong u.

SALM 135:5

Nga tip ba U Trai u long uba khraw, kham khraw ban ïa ki blei baroh.

SALM 145:3

U Trai u long uba khraw ïa uba dei ban ïaroh eh; ka jingkhraw jong u ka long palat ïa ka jingshemphang.

SALM 2:9

Men pynkheiñ ïa ki da u diengduh nar; men pynpra ïa ki lyngkhot lyngkhai kum ïa u khiew khyndew.’”

SALM 48:1

U Trai u long uba khraw ïa uba dei ban ïaroh eh ha ka nongbah jong U Blei jong ngi, halor u lum bakyntang jong u.

SALM 96:4

U Trai u long uba khraw bad uba dei eh ban ïaroh; u long uba dei ban shah pyndonburom kham palat ïa ki blei baroh.

ISAÏAH 28:16

Kane, mynta, ka dei kaei kaba U Trai Nongsynshar u ong: “Ngan buh ha Seïon ka nongrim kaba skhem bad bakhlaiñ. Ha ka ngan buh ïa u mawdong baskhem ha uba yn thoh ïa ki ktien, ‘Ka jingngeit kaba skhem ka long ruh kaba ïaishah.’

DANIEL 2:24

Kumta u Daniel u la leit sha u Ariokh, ïa uba u syiem u la lah hukum ban pynïap ïa ki nongai jingmut ïa u syiem. U la ong ha u, “Wat pynïap ïa ki. Ïalam ïa nga sha u syiem, bad ngan ïathuh ha u aïu ka jingphohsniew jong u ka kit jingmut.”

DANIEL 2:28

Hynrei don U Blei ha bneng, uba pynpaw ïa ki jingmaïan. U la pyntip ïa u Syiem Kynrad kaei ka ban jia ha ka lawei. Mynta ngan ïathuh ha phi ïa ka jingphohsniew, ka jingïohipaw kaba phi lah ïoh mynba phi dang ïohthiah.

DANIEL 2:29

“Mynba u Syiem Kynrad u dang ïohthiah, phi la phohsniew shaphang ka lawei; bad U Blei uba pynpaw ïa ki jingmaïan, u la pyn-i ha phi kaei ka ban sa jia.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 8:25

Namar ba u long uba sianti, un jop ha ki rukom shukor jong u. Un sngewsarong ïa lade bad pynjot ïa shibun briew khlem ka jingmaham. Un len wat ïa U Syiem bakhraw jong baroh, hynrei ïa u yn pynjot khlem da pyndonkam ïa kano kano ka bor ba kynja briew.

HAGGAI 2:22

bad pynkyllon ïa ki hima bad pynkut ïa ka bor jong ki. Ngan pynkylla khongpong ïa ki kali ïapom bad ïa ki nongñiah jong ki; ki kulai kin ïap, bad ki nongshong kulai kin ïa-pynïap para ma ki.

SEKHARAÏAH 12:3

Hynrei haba kata ka por ka poi, ngan pynlong ïa ka Jerusalem kum u maw uba khia — kano kano ka jaitbynriew kaba pyrshang ban rah ïa ka kan mynsaw. Baroh ki jaitbynriew jong ka pyrthei kin ïasoh lang kum ka bor shipai ban tur ïaleh ïa ka.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MATHAÏOS 21:24

U Jisu u la jubab ïa ki, “Ngan kylli ïa phi tang kawei ka jingkylli, bad lada phi ai ha nga ka jubab, ngan ïathuh ha phi da ka bor aïu nga don ban leh ïa kine kiei kiei.

MATHAÏOS 24:35

Ka bneng bad ka pyrthei kin leit noh, hynrei ki ktien jong nga kin ym leit noh da lei lei.

LOUKAS 17:20

Katto katne ngut ki Pharisi ki la kylli ïa U Jisu lano ka Hima U Blei kan wan. Ka jubab jong u ka long, “Ka Hima U Blei kam wan ha ka rukom kum kaba lah ban ïohi.

DEUTERONOMI 10:17

Naba U Trai U Blei jong phi u long uba khrawbor tam halor ki blei baroh bad halor ki bor baroh. U long uba khraw bad uba donbor, bad uba dei ban sheptieng. U bym ñiewshiliang khmat bad u bym ju pdiang ïa ki jingai kiba da ka dohnud ka bymkhuid.

JINGPYNPAW 1:19

Thoh te, ïa kiei kiei kiba me ïohi; kita kiei kiei kiba long mynta bad kita kiei kiei ki ban sa jia hadien.

JINGPYNPAW 19:17

Nangta nga la ïohi ïa u angel uba ïeng ha ka sngi. U la pyrta da ka sur kaba jam ïa ki sim baroh kiba her ha shiteng suiñ: “Ale bad ïalumlang na ka bynta ka jingkhawai kaba khraw jong U Blei!

JINGPYNPAW 4:1

Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”