DANIEL 2:4 - Khasi CL Bible (BSI)

⁴ Ki la jubab ïa u syiem ha ka ktien Aramaik, “To u Syiem Kynrad un im junom! To ïathuh ha ngi ïa ka jingphohsniew jong phi, bad ngin batai ïa ka ha phi.”

KA BAIBL

⁴ Ynda kumta, ki Khaldi ki la kren ha u syiem ha ka ktien Syria, “Ko syiem, to im ha la ka rta: to ïathuh ha la ki shakri ïa kata ka jingphohsniew, te ngin pyni ïa ka jingbatai.”

DANIEL 2:4 ပူးပေါင်းရင်းမြစ်များ

JENESIS 31:47

U Laban u khot kyrteng ïa ka, ka Jegar Sahadutha, katba u Jakob pat u khot kyrteng ïa ka, ka Galeed.

JENESIS 41:8

Ynda mynstep u la sngewkhuslai; kumta u phah khot ïa ki nongleh myntor bad ïa ki riewstad baroh jong ka ri Ijipt. U ïathuh ha ki ïa la ki jingphohsniew, hynrei ym don uwei ruh uba lah ban batai ïa ki ha u.

1 SYIEM 1:25

Ha kane hi ka sngi u la leit ai jingkñia da shibun ki masi, ki langbrot, bad ki khun masi ba la pynsngaid. U la khot sngewbha ïa ki khun shynrang jong phi baroh, ïa u Joab u rangbah ai hukum jong ka kynhun shipai jong phi, bad ïa u Abiathar u lyngdoh, bad mynta hi ki dang ïabam ïadih bad u bad ki pyrta, ‘Im slem Syiem Adonijah!’

1 SYIEM 1:31

Ka Bathsheba ka dem ngon bad ka ong, “Ai ba u kynrad jong nga, u syiem un im junom!”

2 SYIEM 18:26

Nangta u Eliakim, u Shebna, bad u Joah ki ïathuh ïa u rangbah synshar, “Kren ha ka ktien Aramaik ïa ngi, ko kynrad. Ngi sngewthuh ïa ka. Wat kren ha ka ktien Hebru; baroh ki briew ha ka kynroh ki ïasngap.”

ESRA 4:7

Ha ka por ka jingsynshar u Artakserksis, u patsha ka Persia, u Bishlam, u Mithredath, u Tabeel bad ki paralok jong ki, ki thoh shithi sha u patsha. Ïa ka shithi la thoh ha ka ktien Aramaik bad ban pynkylla ktien ha ka por ba pule ïa ka.

NEHEMAÏAH 2:3

Nga la kyndit bad nga jubab, “Ko Syiem Kynrad, to im junom! Kumno ngan lah khlem imat sngewsih haba ka nongbah ha kaba la tep ïa ki kpa tymmen jong nga ka don hapdeng ki jingjot bad ïa ki khyrdop jong ka la pynjot ha ka ding?”

ISAÏAH 36:11

Te u Eliakim, u Shebna bad u Joah ki la ong ha u rangbah synshar, “Kren ha ngi da ka ktien Aramaik. Ngi sngewthuh ïa ka. Wat kren ha ka ktien Hebru; baroh ki briew ha ka kynroh ki ïa-shahskhor.”

ISAÏAH 44:25

Nga pynpaw bieit ïa ki nongpeit kti bad pynkulmar ïa ki jingïathuh lypa ki nongbatai kupar. Ki ktien jong kiba stad nga kyntait bad pyn-i ba ka jingstad jong ki ka long ka jingbieit.

DANIEL 1:4

Ki dei ban long kiba bhabriew, kiba nep jingmut, kiba la ïoh jinghikai bha, kiba stet ban nang, bad kiba lait na ka jinganna, ba kumta kin lah ban long kiba bit ban shakri ha ka ïingbishar jong u syiem. U Ashpenas u dei ban hikai ïa ki ban pule bad ban thoh ïa ka ktien ki nong Babilonia.

DANIEL 2:7

Ki la jubab biang ïa u syiem, “Lada u Syiem Kynrad un shu ïathuh ïa ngi ïa ka jingphohsniew, ngin batai ïa ka.”

DANIEL 3:9

Ki la ong ha u syiem Nebukhadnessar, “Ai ba u Syiem Kynrad un im junom!

DANIEL 4:19

Ha kane, u Daniel, ïa uba la khot ruh u Belteshassar, u la sngewsheptieng katta katta ba um lah ban ong ei ei. U syiem u la ong ha u, “Ko Belteshassar, wat ai ba ka jingphohsniew bad ka khubor jong ka kin pynsheptieng ïa me.” U Belteshassar u la phai ktien, “Ko Syiem Kynrad, nga kwah ba ka jingphohsniew bad ka jingbatai ïa ka kan dei ïa ki nongshun jong phi bad ym ïa phi.

DANIEL 4:7

Te la wallam shapoh ïa baroh ki nongbatai kupar, ki nongleh myntor, ki nongleh byrtong, bad ki nongpeit kti, bad nga la ïathuh ha ki ïa ka jingphohsniew jong nga, hynrei kim lah ban batai ïa ka ha nga.

DANIEL 4:9

Ko Belteshassar, u rangbah jong ki nongbatai kupar, nga tip ba u mynsiem jong ki blei bakhuid u don hapoh jong me, bad ba me shemphang ïa ki jingmaïan baroh. Kane ka long ka jingphohsniew jong nga. To ïathuh ïa nga kaei ka jingmut jong ka.

DANIEL 5:10

Ka kmie jong u syiem ka la ïohsngew ïa ka jingsawa ba la pynmih da u syiem bad ki rangbah donburom jong u bad ka la rung sha ka kamra jingkhawai. Ka la ong, “To u syiem un im junom! Sngewbha wat da khih khuslai than bad wat da lieh blaid blaid.

DANIEL 5:8

Ki nongai jingmut jong u syiem ki la ïawan sha khmat, hynrei ym don uwei ruh na ki uba lah ban pule ïa ka jingthoh lane ïathuh ha u syiem aïu ka kit jingmut.

DANIEL 6:21

U Daniel u la jubab, “Ai ba u Syiem Kynrad un im junom!

DANIEL 6:6

Kumta ki la leit ban jngoh ïa u syiem bad ki la ong, “Ko syiem Darius, ai ba u Syiem Kynrad un im junom!

DANIEL 6:7

Baroh ma ngi kiba pynïaid ïa ka hima jong phi — ki nongpynïaidkam, ki lat, ki lat kiba kham hapoh, bad kiwei pat ki rangbah pynïaidkam — ki la ïamynjur ba u Syiem Kynrad u dei ban pynmih ka hukum ban pyntreikam pyrkhing ïa ka. To ai ki hukum ba haduh laiphew sngi yn ym shah ïano ïano ban kyrpad ei ei na uno uno u blei lane na uno uno u briew lait noh tang na u Syiem Kynrad. Ïa uno uno uba pynkheiñ ïa kane ka hukum dei ban bret shapoh ka thliew kaba la dap da ki sing.

MATHAÏOS 21:9

Ki paidbah kiba la ïaid ha khmat jong U Jisu bad kito kiba la bud nadien ki la sdang ban pyrta, “To ïaroh ïa U khun u Dabid! U Blei u kyrkhu ïa uta uba wan ha ka kyrteng jong U Trai! To ïaroh ïa U Blei!”

1 SAMUEL 10:24

U Samuel u ong ha uta u paidbah, “Hangne u long uta u briew uba U Trai u la jied. Ym don uba kum ma u hapdeng jong ngi.” Baroh u paidbah u risa, “To un im slem u syiem!”