DANIEL 2:39 - Khasi CL Bible (BSI)

³⁹ Hadien jong phi kan don sa kawei ka hima, ka bym da khraw kum ka jong phi, bad hadien kata sa kaba lai, ka hima kaba da ka rnong, ka ban synshar ïa ka pyrthei baroh kawei.

KA BAIBL

³⁹ Te hadien jong me, kan mih sa kawei pat ka hima kaba kham poh ïa me; bad sa kawei pat, ka balai ka hima da ka rnong, ka ban synshar halor ka khyndew baroh.

DANIEL 2:39 ပူးပေါင်းရင်းမြစ်များ

ISAÏAH 44:28

Nga ong ha u Syros, ‘Me long uta u ban synshar na ka bynta jong nga; men leh ïa kaei kaba nga kwah ïa phi ban leh; men hukum ïa ka Jerusalem ban tei biang bad ïa ki nongrim jong ka Templ ban seng pat.’ ”

DANIEL 10:20

U la ong, “Hato me tip balei ba nga la wan sha me? Ka long ban pynpaw ha me ïa kaei kaba la thoh ha ka Kitab ka Jingshisha. Mynta nga dei ban leit noh pat bad ban ïaleh ïa u angel ïada jong ka Persia. Hadien kata, u angel ïada jong ka Gris un mihpaw. Ym don mano mano ban ïarap ïa nga lait noh u Mikhael, u angel ïada jong ka Israel.

DANIEL 2:32

Ïa ka khlieh jong ka la shna da ka ksiar banylla tam; ïa ka shadem bad ki kti jong ka la shna da ka rupa; ïa ka syngkai bad ka skhep jong ka da ka rnong;

DANIEL 2:38

U la pynlong ïa phi u nongsynshar ïa baroh ka pyrthei bashongbriew bad u nongsynshar ïa baroh ki mrad bad ki sim. Phi long ka khlieh kaba da ka ksiar.

DANIEL 2:40

Bad nangta kan don ka hima kaba saw, kaba eh kum ka nar, kaba pynkhynñiuh bad pynpait ïa kaei kaei baroh. Bad kumba ka nar ka pynkhynñiuh ïa kaei kaei baroh, kan pynkhynñiuh bad pynlwet ïa baroh ki hima kiba mynshuwa.

DANIEL 7:23

Kane ka dei ka jingbatai kaba la ai ha nga: “U mradkhlaw uba saw u dei ka hima kaba saw ka ban don ha ka pyrthei bad kan long kaba pher na kiwei pat ki hima. Kan pynlwet ïa ka pyrthei baroh kawei bad kan kyrdem ïa ka.

DANIEL 8:20

“U langbrot uba me ïohi uba la don ar tylli ki reng u ïeng na ka bynta ki hima jong ka Media bad Persia.

DANIEL 8:21

U 'langsohmoh u ïeng na ka bynta ka hima Gris, bad ka reng kaba paw bha hapdeng ki khmat jong u ka dei u syiem banyngkong.

SEKHARAÏAH 6:3

ïa kaba lai da ki kulai rong lieh, bad ïa kaba saw da ki kulai thohbroin.

SEKHARAÏAH 6:6

Ka kali ïapom ba la tan da ki kulai rong ïong ka la leit shaphang shatei sha Babilonia, ki kulai rong lieh ki leit shaphang sepngi, bad ki kulai thohbroin ki leit sha ka ri bashathie.