DANIEL 2:35 - Khasi CL Bible (BSI)

³⁵ Kumta hi ka nar, ka dewbyrtha, ka rnong, ka rupa bad ka ksiar ki la khyllem bad ki la long kum u pui pui ha ka jaka shoh kew ha ka por lyiur. Ka lyer ka la kit noh ïa u, khlem da pynsah dien ei ei. Hynrei u maw u la san ban long u lumbah uba tap ïa ka pyrthei baroh kawei.

KA BAIBL

³⁵ Ynda kumta, la pynlwet lang ïa ka nar, ïa ka 'dewbyrtha, ïa ka rnong, ïa ka rupa, bad ïa ka ksiar, bad ki la long kum u stait ha ki kyntem kba ha ka por lyiur; bad ka lyer ka la kit noh ïa ki, katba ym shym la shem jaka shuh ïa ki: te uta u maw uba la shoh ïa kata ka durblei u la kylla long u lum uba khraw, bad u la dap ïa ka khyndew baroh.

DANIEL 2:35 ပူးပေါင်းရင်းမြစ်များ

Ka Kitab U Job 6:17

hynrei ha ka jingshit ki jah noh, bad ki phud wahduid ki rngad bad ki tyrkhong.

SALM 103:16

nangta ka lyer ka beh halor jong u, bad u jah noh — ym don ba ïohi shuh ïa u.

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

SALM 37:10

Shen shen ki bymman kin sa jah noh; phi lah ban ïohi ïa ki, hynrei phin ym lap ïa ki.

SALM 37:36

Hynrei hadien nga ïaid lynti nangta, um don shuh; nga wad ïa u, hynrei ngam shem shuh.

SALM 46:9

U pynsangeh ïa ki thma ha kylleng sawdong ka pyrthei; u pynkheiñ ïa ki ryntieh, u kdiah ïa ki sum, bad u thang ïa ki stieh ha ka ding.

SALM 66:4

Uwei uwei baroh ha ka pyrthei u mane ïa me; ki rwai ki jingïaroh ïa me, ki rwai ki jingïaroh ïa ka kyrteng jong me.”

SALM 86:9

Baroh ki jaitbynriew ba me la thaw kin wan bad dem ngon ha khmat jong me, kin ïaroh ïa ka jingkhraw jong me.

ISAÏAH 11:9

Halor u Lum Seïon, u lum uba kyntang jong U Blei, yn ym don kano kano kaba pynmynsaw lane kaba sniew. Ka ri kan shlei da ka jingtip ïa U Trai kumba ki duriaw ki dap da ka um.

ISAÏAH 8:9

To ïalumlang ha ka jingsheptieng, phi ki jaitbynriew! To shahshkor, phi ki bynta ba sha jngai jong ka pyrthei. Pynkhreh ban ïaleh, hynrei to sheptieng! Ho-oid to pynkhreh, hynrei to sheptieng!

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

HOSIA 13:3

Bad kumta kine ki briew kin sa jah kum u lyoh khyndew mynstep, kum ka umjer kaba jah noh shen dang step phyrngab. Kin long kum u stait ba ka lyer ka rong noh na ka kyntem, kum ka tdem kaba mih na ka dpei.

MIKAH 4:13

U Trai u ong, “Ko ki briew ka Jerusalem, to leit bad pynshitom ïa ki nongshun jong phi! Ngan pynlong ïa phi kiba khlaiñ kum u masi kyrtong uba don ki reng nar bad ki kjat rnong. Phin pynlwet ïa ki jaitbynriew ba bun, bad ïa ka spah kaba ki la ïoh da ka jingleh jubor phin ai sngewbha ïa nga, U Trai jong ka pyrthei baroh kawei.”

SEKHARAÏAH 12:3

Hynrei haba kata ka por ka poi, ngan pynlong ïa ka Jerusalem kum u maw uba khia — kano kano ka jaitbynriew kaba pyrshang ban rah ïa ka kan mynsaw. Baroh ki jaitbynriew jong ka pyrthei kin ïasoh lang kum ka bor shipai ban tur ïaleh ïa ka.

1 KORINTH 15:25

Naba U Khrist u dei ban synshar haduh ba U Blei un da pyndem ïa ki nongshun baroh hapoh ki kjat jong u.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 12:8

hynrei la jop ïa u Ïakjakor, bad ïa u lem bad ki angel jong u ym shym shah shuh ban shong ban sah ha bneng.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.