DANIEL 2:31 - Khasi CL Bible (BSI)

³¹ “Ko Syiem Kynrad, ha ka jingïohipaw jong phi, phi la ïohi ba la ïeng ha khmat jong phi ka durbriew bakhraw, kaba phyrnai bad thaba, bad kaba ishyrkhei ban khmih.

KA BAIBL

³¹ “Me, ko syiem, me la ïohi, bad ha khmih ka durblei kaba khraw. Kane ka durblei, kaba la long kaba heh, bad kaba ka jingtyngshaiñ jong ka, kaba itynnad tam, ka la ïeng ha khmat jong me; bad ka dur jong ka, ka la long kaba shyrkhei.

DANIEL 2:31 ပူးပေါင်းရင်းမြစ်များ

ISAÏAH 13:11

U Trai u ong, “Ngan wallam ka jingpynjot halor ka pyrthei bad ngan pynshitom ïa ki riewbymman baroh namar ki pop jong ki. Ngan pyndem ïa uno uno uba sarong bad ngan pynshitom ïa uno uno uba sngewmeng bad uba runar.

ESEKIEL 28:7

ngan wanrah ki nongshun kiba sniew ban tur ïaleh ïa me. Kin pynjot ïa kiei kiei kiba itynnat baroh kiba me la pynïoh da ka jingtbit bad jingstad jong me.

DANIEL 2:36

“Kane ka la long ka jingphohsniew. Mynta ngan ïathuh ha u Syiem Kynrad aïu ka kit jingmut.

DANIEL 2:37

Ko Syiem Kynrad, phi long uba khraw tam na ki syiem baroh. U Blei ka bneng u la pynlong ïa phi u patsha bad u la ai ha phi ka bor, ka jingkhlaiñ, bad ka burom.

DANIEL 3:1

U syiem Nebukhadnessar u la phah thaw ka durbriew ksiar, arphew hynñiew mitar ka kynjang bad jan lai mitar ka pyngkiang, bad u la phah pynïeng ïa ka ha ka pyntha Dura ha ka probins jong ka Babilon.

DANIEL 4:36

“Haba ka jingtipbriew jong nga ka la wan phai, ïa ka burom jong nga, ka jinglong syiem jong nga, bad ka burom jong ka hima jong nga la ai pat ha nga. Ki rangbah synshar jong nga bad ki rangbah donburom jong nga ki la pdiang sngewbha ïa nga, bad la ai pat ha nga ïa ka bor ba kynja syiem, bad wat ka jingpyndonburom kaba kham khraw ban ïa kaba mynshuwa.

HABAKKUK 1:7

Ki wallam ïa ka jingtieng bad jingpyntriem, bad ha ka jingsarong jong ki, ki shim ïa ka aiñ ha lade.

MATHAÏOS 4:8

Nangta u Soitan u la ïalam ïa U Jisu sha u lumbah uba kynjang bad u la pyn-i ha U ïa baroh ki Hima jong ka pyrthei ha ka jingkhrawbor jong ki.

LOUKAS 4:5

Nangta, u Soitan u la ïalam ïa u shajrong bad u la pyn-i ha u ha ka shikhyllipmat ïa baroh ki hima jong ka pyrthei.