DANIEL 2:23 - Khasi CL Bible (BSI)

²³ Nga ïaroh ïa me bad pyndonburom ïa me, A U Blei ki kpa tymmen jong nga. Me la ai ha nga ka jingstad bad ka jingkhlaiñ; me la jubab ïa ka jingduwai jong nga bad me la pyn-i ha ngi kaei ba ngin ïathuh ha u syiem.”

KA BAIBL

²³ Nga nguh ïa me, bad nga ïaroh ïa me, A me U Blei ki kpa jong nga, uba la ai ha nga ka jingstad bad ka bor, bad uba la pyntip ha nga mynta ïa kaba ngi la pan na me: namar me la pyntip ha ngi ïa kane ka kam u syiem.”

DANIEL 2:23 ပူးပေါင်းရင်းမြစ်များ

JENESIS 18:17

Bad U Trai u ong ha lade, “Ngan nym buhrieh na u Abraham ïa kaei kaba ngan sa leh.

JENESIS 31:42

Lada U Blei jong ki kpa jong nga, U Blei jong u Abraham bad u Isaak um shym la don ryngkat bad nga, phin jin da la phah thylli ïa nga. Hynrei U Blei u la ïohi ïa ka jingjynjar jong nga bad ïa ka jingtrei ba nga la pyndep, bad hynne mynmiet u la ai ïa ka jingbishar jong u.”

1 SYIEM 18:36

Ha ka kynta jong ka jingainguh ha ka por nohphai sngi, u Elijah nongïathuhlypa u wan sha ka duwan bad u duwai, “Ko Trai, U Blei u Abraham, u Isaak bad u Jakob, pynshisha mynta ba me long U Blei ki Israel bad ba nga long u shakri jong me bad ba nga la leh ïa kane baroh kat kum ka hukum jong me.

1 SYIEM 8:57

To U Trai U Blei jong ngi un don ryngkat bad ngi, kumba u la don ryngkat bad ki kpa tymmen jong ngi; to un ym iehnoh ïa ngi lane lyndet ïa ngi;

1 KHRONIKL 29:10

Hangta ha khmat uta u paidbah baroh, u syiem Dabid u ïaroh ïa U Trai. U ong “A Trai U Blei jong ki kpa tymmen jong ngi, ai ba yn ïaroh ïa me junom la junom!

1 KHRONIKL 29:13

Mynta ko Blei jong ngi, ngi ainguh ïa me, bad ngi ïaroh ïa ka kyrteng kaba donburom jong me.

2 KHRONIKL 20:6

“A Trai U Blei jong ki kpa tymmen jong ngi, me synshar ha bneng halor ki jaitbynriew baroh jong ka pyrthei. Me long uba donbor bad uba khrawbor, bad ym don ba lah ban pyrshah ïa me.

SALM 21:2

Me la ai ha u ïa ka jingkwah ka dohnud jong u; me la jubab ïa ka jingkyrpad jong u.

SALM 21:4

U pan ïa ka jingim bad me ai ïa ka, ka jingim kaba jlan bad kaba neh.

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

SALM 50:14

Ai ba ka jingai jong ka jingsngewnguh jong phi kan long ka jingkñia sha U Blei, bad to ai sha U Badonbor Baroh ïa kata baroh kaba phi la kular.

EKSODOS 3:15

Ong ïa ki Israel ba ma nga, U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la phah ïa me sha ki. Kane ka long ka kyrteng jong nga junom la junom; kumne ruh ki pateng bynriew ki ban dang wan ki dei ban khot ïa nga.

PROBERB 21:22

U rangbah shipai uba stad u lah ban jop ïa ka nongbah kaba la ïada da ki briew kiba khlaiñ, bad pynkhyllem ïa ki kynroh ha kiba ki shaniah.

PROBERB 24:5

Ban long stad ka kham bha ban ïa kaba long khlaiñ; ho-oid, ka jingtip ka kham donkam ban ïa ka jingkhlaiñ.

PROBERB 8:14

Nga don ki jingthmu bad nga pyntreikam ïa ki; nga don ka jingshemphang, bad nga don ka bor.

EKLESIASTIS 7:19

Ka jingstad ka lehbha bun shah ïa u briew ban ïa kaba ki shiphew ngut ki nongsynshar ki lah ban leh ïa ka nongbah.

EKLESIASTIS 9:16

Nga la ïai-ong borabor ba ka jingstad ka kham bha ban ïa ka jingkhlaiñ, hynrei ym don mano mano ba pyrkhat ïa u briew uba duk ba u long uba stad lane pynshahshkor ei ei ïa kaei kaba u ong.

EKLESIASTIS 9:18

Ka jingstad ka kham lehbha shibun ban ïa ki atiar ïaleh, hynrei uwei u nongpop u lah ban pynduh shibun ka jingbha.

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

JEREMAÏAH 33:3

“To khot kyrpad ïa nga, bad ngan jubab ïa phi; ngan ïathuh ïa phi kiei kiei kiba phylla bad kiba sngewphylla kiba phim shym la tip ei ei shaphang jong ki.

DANIEL 1:17

U Blei u la ai ha ki saw ngut ki samla shynrang ïa ka jingtip bad ka jingtbit ha ka thoh ka tar bad ha ka saiñpyrkhat. Nalor kane, u la ai ha u Daniel ka jingtbit ban batai ïa ki jingïohipaw bad ïa ki jingphohsniew.

DANIEL 2:18

U la ong ïa ki ban duwai ha U Blei ka bneng na ka bynta ka jingisynei bad ban kyrpad ïa u ban batai ïa ka jingmaïan ha ki khnang ba kin ym shah pynïap lem bad kiwei pat ki nongai jingmut ha Babilon.

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

MATHAÏOS 11:25

Ha kata ka por U Jisu u la ong, “Ko Kpa, U Trai ka bneng bad ka pyrthei! Nga ainguh ïa me namar ba me la pyn-i ha ki bymstad ïa kaei kaba me la buhrieh na kiba stad bad kiba la ïoh jinghikai.

LOUKAS 10:21

Ha kata ka por la pyndap ïa U Jisu da ka jingkmen da U Mynsiem Bakhuid bad u la ong, “Ko Kpa, U Trai jong ka bneng bad ka pyrthei! Nga ainguh ïa me namar ba me la pyn-i ha ki bymnang bymstad ïa kaei kaba me la buhrieh na kiba stad bad kiba shemphang. Ho-oid, ko Kpa, kane ka la long kumno me la kwah ïa ka ba kan jia.

ÏOANNIS 11:41

Ki la pyntyllun noh ïa uta u mawkhang. U Jisu u la khmied shajrong bad u la ong, “Nga ainguh ïa me, ko Kpa, ba me shahshkor ïa nga.

ÏOANNIS 15:15

Ngam khot shuh ïa phi ki shakri, namar u shakri um tip aïu u kynrad u leh. Pynban, nga khot ïa phi ki paralok, namar nga la ïathuh ïa phi ïa kiei kiei baroh kiba nga la ïohsngew na U Kpa jong nga.

JINGPYNPAW 1:1

Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

JINGPYNPAW 5:5

Te uwei na ki nongsharai balang u la ong ha nga, “Wat ïam. Ha khmih! U Sing na ka jait Judah, uba hiarpateng na u Dabid, u la ïoh ïa ka jingjop, bad u lah ban pynpait ïa ki hynñiew tylli ki jingpyndait bad ban plied ïa ka kot kli.”