DANIEL 2:21 - Khasi CL Bible (BSI)

²¹ U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

KA BAIBL

²¹ bad u pynkylla ma u ïa ki por bad ïa ki aïom: u pynduh ïa ki syiem, bad u thung ïa ki syiem: u ai ka jingstad ïa ki bastad, bad ka jingtip ïa kiba don jingshemphang.

DANIEL 2:21 ပူးပေါင်းရင်းမြစ်များ

1 SYIEM 10:24

bad ka pyrthei baroh kawei ka kwah ban wan bad sngap ïa ka jingstad ba U Blei u la ai ha u.

1 SYIEM 3:28

Haba ki paid Israel ki la ïohsngew ïa ka jingrai jong u Solomon, ki la dap da ka jingñiewburom bakhraw ïa u, namar ki tip hangta ba U Blei u la ai ha u ka jingstad ban pynbeit ïa ki jingïakajia ha ka hok.

1 SYIEM 4:29

U Blei u la ai ha u Solomon ïa ka jingstad bad ka jingsngewthuh kiba kham pher, bad ïa ka jingtip kaba khraw palat ïa ka ban thew.

1 KHRONIKL 22:12

Bad ai ba U Trai U Blei jong me un ai ha me ka jingtip bad ka jingstad ba kumta me lah ban synshar ïa ka Israel kat kum ki Hukum jong u.

1 KHRONIKL 29:30

Ki jingthoh ki ïathuh kumno u la synshar, haduh katno u long uba khrawbor, bad ïa kiei kiei baroh kiba la jia ha u, ha ki Israel, bad ha ki hima baroh kiba marjan.

ESTHER 1:13

Ka ju long ka rukom u syiem ban pan jingmut na ki riewshemphang halor kiei kiei kiba ïadei bad ka shongsuk shongsaiñ ka hima, kumta u khot ïa ki nongai jingmut jong u, kiba lah ban tip kaei kaba dei ban leh.

Ka Kitab U Job 12:18

U pynhiar khet ïa ki syiem bad u pynlong ïa ki, ki koidi;

EKSODOS 31:3

bad nga la pyndap ïa u da ka bor jong nga. Nga la ai ha u ka jingshemphang, ka jingtbit bad ka jingnang ban trei ïa ki jait kam baroh —

EKSODOS 31:6

Nga la jied ruh ïa u Oholiab u khun jong u Ahisamakh, na ka jait Dan, ban ïatrei lem bad u. Nga la ai ruh ïa ka jinglah kaba bakhraw ha kiwei pat ki misteri kiba tbit, khnang ba ki lah ban shna ïa kiei kiei baroh kiba nga la hukum ba dei ban shna:

DANIEL 1:17

U Blei u la ai ha ki saw ngut ki samla shynrang ïa ka jingtip bad ka jingtbit ha ka thoh ka tar bad ha ka saiñpyrkhat. Nalor kane, u la ai ha u Daniel ka jingtbit ban batai ïa ki jingïohipaw bad ïa ki jingphohsniew.

DANIEL 10:1

(Ha ka snem kaba lai kaba u Syros u long u patsha jong ka Persia, ïa ka khubor la pynpaw ha u Daniel, ïa uba la khot ruh u Belteshassar. Ka khubor ka long kaba shisha hynrei kaba jwat eh ban sngewthuh. La batai ïa ka ha u ha ka jingïohipaw.)

DANIEL 11:6

Hadien bun tylli ki snem u syiem ka Ijipt un pynlong ka jingïateh lok bad u syiem ka Syria bad un ai shongkurim ïa ka khun jong u. Hynrei ka jingïateh lok kan ym neh; bad ïa ka, ïa u tnga jong ka, ïa i khun jong ka bad ïa ki shakri kiba la ïaleit bad ka yn pynïap baroh.

DANIEL 2:20

“U Blei u long uba stad bad uba donbor! to ïaroh ïa u junom la junom.

DANIEL 2:23

Nga ïaroh ïa me bad pyndonburom ïa me, A U Blei ki kpa tymmen jong nga. Me la ai ha nga ka jingstad bad ka jingkhlaiñ; me la jubab ïa ka jingduwai jong nga bad me la pyn-i ha ngi kaei ba ngin ïathuh ha u syiem.”

DANIEL 2:9

ban ai ha phi baroh ïa kajuh ka jingpynshitom lada phim ïathuh ha nga ïa ka jingphohsniew. Phi la ïamynjur para ma phi ban ïathuh ïa nga ki jinglamler namar ba phi kyrmen ba ha ka por babiang kiei kiei kin kylla. Ïathuh ïa nga ïa ka jingphohsniew, bad nangta ngan tip ba phi lah ruh ban ïathuh ha nga kaei ka jingmut jong ka.”

DANIEL 4:14

U la pynbna ha ka sur bajam, ‘Pom ïa u dieng bad khet noh ïa ki tnat jong u; sloit ïa ki sla jong u bad pynsaphriang ïa ki soh jong u. Beh noh ïa ki mrad napoh jong u bad ïa ki sim na ki tnat jong u.

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 4:22

“Ko Syiem Kynrad, phi long u dieng, uba jrong bad uba khlaiñ. Phi la long khraw haduh katta kat ban kynjoh ïa ka sahit bneng, bad ka bor jong phi ka ïar halor ka pyrthei baroh kawei.

DANIEL 4:32

Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

Ka Shithi U Paul Sha Ki Nong Rom 13:1

Uwei pa uwei u dei ban kohnguh ïa ki bor synshar, namar ym don ka bor khlem ka jingaibor jong U Blei, bad ïa ki bor synshar kiba don mynta la buh hangta da U Blei.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”