DANIEL 2:20 - Khasi CL Bible (BSI)

²⁰ “U Blei u long uba stad bad uba donbor! to ïaroh ïa u junom la junom.

KA BAIBL

²⁰ U Daniel u la ïathuh bad u la ong, “Long ba la kyrkhu ïa ka kyrteng jong U Blei ha la ka rta: namar ka jingstad bad ka bor ki long ki jong u:

DANIEL 2:20 ပူးပေါင်းရင်းမြစ်များ

JENESIS 14:20

bad to kan long ka jingïaroh ïa U Blei Bahakhlieh Tam Eh uba ai ha phi ïa ka jingjop halor ki nongshun jong phi!” Bad u Abram u ai ha u Melkhisedek ïa kaba shiphew na ka jinglute kaba u la lah pynïoh pat.

1 SYIEM 8:56

U da ong, “Ïaroh ïa U Trai uba la ai ka jingsuk ïa ki briew jong u, kumba u la kular ban leh. U la bat ïa baroh ki jingkular basbun kaba u la pynlong lyngba u Moses u shakri jong u.

1 KHRONIKL 29:20

Nangta u Dabid u la hukum ïa u paidbah, “Ïaroh ïa U Trai U Blei jong phi!” Bad kiba la ïalumlang baroh ki la ïaroh ïa U Trai, U Blei jong ki kpa tymmen jong ki, bad ki la pyndem la ki khlieh bad ai burom ïa U Trai bad ruh ïa u syiem.

2 KHRONIKL 20:21

Hadien ba u la ïakren bad u paidbah, u syiem u hukum ïa katto katne ki nongtem nongput ban phong ïa ki jingriam kiba ki ju phong ha ki por bakyntang bad ban ïaid na khmat ka kynhun shipai, da kaba rwai: “Ïaroh ïa U Trai! Ka jingieit jong u ka long bymjukut!”

NEHEMAÏAH 9:5

Kine ki Lebi harum ki ai ïa ka jingkhot sha ka jingmane: u Jeshua, u Kadmiel, u Bani, u Hashabneïah, u Sherebaïah, u Hodaïah, u Shebanaïah, bad u Pethahaïah. Ki ong: “Ïeng bad ïaroh ïa U Trai U Blei jong phi; ïaroh ïa u junom la junom! Ai ba baroh kin ïaroh ïa ka kyrteng badonburom jong u, wat la ym don ka jingïaroh ba kynja briew kaba khraw palat.”

SALM 113:1

A to ïaroh ïa U Trai! Phi ki shakri jong U Trai; to ïaroh ïa ka kyrteng jong u!

SALM 113:2

To ai ba yn ïaroh ïa ka kyrteng jong u mynta bad sha bymjukut!

SALM 115:18

Hynrei ma ngi, kiba im, ngin ainguh ïa u mynta bad sha bymjukut. A to ïaroh ïa U Trai!

SALM 147:5

Uba khraw bad uba donbor long U Trai jong ngi; ïa ka jingstad jong u ym lah ban thew.

SALM 41:13

Ïaroh ïa U Trai, U Blei ki Israel! Ïaroh ïa u mynta bad junom! Amen! Amen!

SALM 50:23

Kaba ai ïa ka jingsngewnguh ka long ka jingkñia kaba pyndonburom ïa nga, bad da shisha ngan pynim ïa baroh kiba kohnguh ïa nga.”

SALM 62:11

Bunsien nga la ïohsngew ba U Blei u ong ba ka bor ka dei ka jong u

PROBERB 8:14

Nga don ki jingthmu bad nga pyntreikam ïa ki; nga don ka jingshemphang, bad nga don ka bor.

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

ESEKIEL 28:3

Me pyrkhat ba me kham stad ban ïa u Daniel, ba ym don ka barieh ba lah ban buhrieh na me.

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

JUDAH 1:24

Ha uta uba lah ban ri kyndong ïa phi na ka jinghap noh, bad ban wallam ïa phi kiba khlem jingduna bad kiba kmen ha khmat ka burom ka jingdon ryngkat jong u —

JINGPYNPAW 5:12

bad ki la rwai ha ka sur bajam: “U Khunlangbrot uba la shah pynïap u long uba dei hok ban ïohpdiang ïa ka bor, ka spah, ka jingstad, bad ka jingkhlaiñ, ka jingpyndonburom, ka burom, bad ka jingïaroh!”