DANIEL 2:2 - Khasi CL Bible (BSI)

² kumta u la phah khot ïa ki nongbatai kupar, ki nongleh myntor, ki nongkheiñ ksuid bad ki nongleh byrtong ban ïawan bad batai ïa ka jingphohsniew ha u. Haba ki la ïawan bad ïeng ha khmat u syiem,

KA BAIBL

² Ynda kumta, u syiem u la hukum ban khot ïa ki riewstad, bad ki nongleh byrtong, bad ki nongkheiñ ksuid, bad ki Khaldi, ban ïathuh ha u syiem ïa ki jingphohsniew jong u. Kumta, ki la wan hapoh bad ki la ïeng ha khmat u syiem.

DANIEL 2:2 ပူးပေါင်းရင်းမြစ်များ

JENESIS 41:8

Ynda mynstep u la sngewkhuslai; kumta u phah khot ïa ki nongleh myntor bad ïa ki riewstad baroh jong ka ri Ijipt. U ïathuh ha ki ïa la ki jingphohsniew, hynrei ym don uwei ruh uba lah ban batai ïa ki ha u.

ESTHER 1:13

Ka ju long ka rukom u syiem ban pan jingmut na ki riewshemphang halor kiei kiei kiba ïadei bad ka shongsuk shongsaiñ ka hima, kumta u khot ïa ki nongai jingmut jong u, kiba lah ban tip kaei kaba dei ban leh.

EKSODOS 7:11

Nangta u Pharaoh u phah khot ïa ki riewstad bad ïa ki nongleh myntor jong u, bad ki ruh ki leh kumjuh da ka myntor jong ki.

ISAÏAH 19:3

Ngan pynpulom ïa ki jingthmu jong ki nong Ijipt bad ngan pynjot ïa ka jingsngewskhem jong ki. Kin kyrpad ïa ki bleithaw jong ki ban ïarap ïa ki, bad kin leit ban kylli na ki nongleh byrtong bad kylli na ki mynsiem jong kiba ïap ban ïoh jingmut.

ISAÏAH 8:19

Hynrei ki briew kin ong ïa me ban kylli ïa ki khubor na ki nongbatai kupar bad ki nongkren byrtong kiba kren jam bad kiba kren mian mian. Kin ong, “Nalor baroh, ki briew ki dei ban kylli ïa ki khubor na ki mynsiem bad kylli na kiba ïap na ka bynta kiba im.”

DANIEL 1:20

Kam pher kaei ka jingkylli ba u syiem u la kylli, lane kano ka jingeh kaba u pynpaw, kine ki saw ngut ki la kham tip shiphew shah ban ïa uno uno u nongbatai kupar lane u nongleh myntor ha ka hima jong u baroh kawei.

DANIEL 1:4

Ki dei ban long kiba bhabriew, kiba nep jingmut, kiba la ïoh jinghikai bha, kiba stet ban nang, bad kiba lait na ka jinganna, ba kumta kin lah ban long kiba bit ban shakri ha ka ïingbishar jong u syiem. U Ashpenas u dei ban hikai ïa ki ban pule bad ban thoh ïa ka ktien ki nong Babilonia.

DANIEL 2:10

Ki nongai jingmut ki la jubab, “Ym don mano mano ha sla pyrthei kiba lah ban ïathuh ïa u Syiem Kynrad ïa kaei kaba phi kwah ban tip. Ym don u syiem, ym don wat uba khraw tam bad uba donbor tam, uba la pynlong kum kane ka jingdawa na ki nongbatai kupar, ki nongleh myntor bad ki nongleh byrtong.

DANIEL 2:27

U Daniel u la jubab, “Ko Syiem Kynrad, ym don uno uno u nongleh byrtong, u nongleh myntor, u nongbatai kupar, lane u nongkhmih khlur uba lah ban ïathuh ha phi ïa kata.

DANIEL 3:8

Ka dei ha kata ba katto katne ki nong Babilonia ki la shim kabu ban kren pyrshah ïa ki Jiw.

DANIEL 4:3

“Katno kiba khraw ki long ki jingphylla jong U Blei kiba u pyn-i ha ngi! Katno kiba khrawbor ki long ki kambah kiba u leh! U Blei u long u syiem junom; un synshar ha ki por baroh.

DANIEL 4:6

Nga la hukum ban wallam sha nga ïa baroh ki nongai jingmut jong u syiem ha Babilon khnang ba ki lah ban ïathuh ha nga kaei ka jingmut jong ka jingphohsniew.

DANIEL 5:7

U la pyrta ïano ïano ban wallam shapoh ïa ki nongleh myntor, ki nongleh byrtong, bad ki nongpeit kti. Haba ki la ïawan shapoh, u syiem u la ong ha ki, “Ïa uno uno uba lah ban pule ïa kane ka jingthoh bad ïathuh ïa nga ïa ka jingmut jong ka yn pynphong ha ki jaiñkup syiem kiba sawbthuh, un deng u kynjri ksiar ka jingpyndonburom sawdong ka ryndang jong u, bad un long uba lai ha ka bor hapoh ka hima.”

1 SAMUEL 6:2

ki briew ki khot ïa ki lyngdoh bad ki nongleh myntor bad ki kylli, “Ngin leh kumno ïa kane ka Synduk ka Jutang U Trai? Lada ngi phah biang ïa ka sha ka jaka jong ka da-ei ngin phah ryngkat bad ka?”