DANIEL 2:18 - Khasi CL Bible (BSI)

¹⁸ U la ong ïa ki ban duwai ha U Blei ka bneng na ka bynta ka jingisynei bad ban kyrpad ïa u ban batai ïa ka jingmaïan ha ki khnang ba kin ym shah pynïap lem bad kiwei pat ki nongai jingmut ha Babilon.

KA BAIBL

¹⁸ ba kin kyrpad ïa ki jingisynei na U Blei ka bneng shaphang kane ka jingbuhrieh; ba u Daniel bad ki lok jong u kin ym ïap lem bad kita kiwei pat ki riewstad jong ka ri Babilon.

DANIEL 2:18 ပူးပေါင်းရင်းမြစ်များ

JENESIS 18:28

Hynrei, lehse don sawphew san ngut ha ka jaka sanphew ngut kiba hok. Hato men pynjot noh ïa ka nongbah baroh kawei namar ba duna san ngut?” U Trai u ong, “Ngan ym pynjot noh ïa ka lada nga shem sawphew san ngut kiba hok.”

SALM 136:26

To ainguh ïa U Blei jong ka bneng; ka jingieit jong u ka neh bymjukut.

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

ISAÏAH 37:4

U patsha ka Assyria u la phah ïa u rangbah synshar jong u, uba ha khlieh ban ñiewbeiñ ïa U Blei ba-im. Ai ba U Trai U Blei jong phi un ïohsngew ïa kine ki jingkrenbeiñ bad pynshitom ïa kito kiba kren ïa ki. Kumta to duwai ha U Blei na ka bynta kito ki briew jong ngi kiba lait im.”

JEREMAÏAH 33:3

“To khot kyrpad ïa nga, bad ngan jubab ïa phi; ngan ïathuh ïa phi kiei kiei kiba phylla bad kiba sngewphylla kiba phim shym la tip ei ei shaphang jong ki.

ESEKIEL 36:37

U Trai Nongsynshar u ong, “Sa shisien pat ngan shah ïa ki Israel ba kin pan jingïarap na nga bad ngan shah ïa ki ba kin roi ha ka jingbun briew kum ka kynhun langbrot.

DANIEL 2:23

Nga ïaroh ïa me bad pyndonburom ïa me, A U Blei ki kpa tymmen jong nga. Me la ai ha nga ka jingstad bad ka jingkhlaiñ; me la jubab ïa ka jingduwai jong nga bad me la pyn-i ha ngi kaei ba ngin ïathuh ha u syiem.”

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

DANIEL 4:26

U angel u la ai hukum ban iehnoh ïa ka dyngkhong ha ka khyndew. Kane ka mut ba phin sa long syiem pat haba phi pdiang ba U Blei u synshar ïa ka pyrthei baroh kawei.

JONAH 1:9

“Nga dei u Hebru,” u Jonah u la jubab. “Nga mane ïa U Trai, U Blei ka bneng, uba la thaw ïa ka khyndew bad ka duriaw.”

MALAKHI 3:18

Sa shisien pat ki briew jong nga kin ïohi ïa ka jingïapher hapdeng kaei kaba jia ïa kiba hok bad ïa ki bymman, ha u briew uba shakri ïa nga bad ha uta u bym leh kumta.”

MATHAÏOS 18:12

“Phi pyrkhat kumno un leh u briew uba don shispah tylli ki langbrot bad kawei na ki ka jah noh? Un iehnoh ïa kiwei pat ki khyndaiphew khyndai tylli ban bam phlang ha ki sharing lum bad leit bad wad ïa ka langbrot ba la jah.

MATHAÏOS 18:19

“Bad nga ong shuh shuh ha phi: Ha man ba ar ngut na phi, phi ïamynjur shaphang kaei kaei kaba phi ïa-pan, yn ai ïa kata ha phi da U Kpa jong nga uba ha bneng.

KI KAM 12:4

Hadien ba la kem ïa u, ïa u Petros la thep ha phatok, ha kaba la aiti ïa u ban ap phira da ki saw tylli ki kynhun kiba kawei kawei ka don saw ngut ki shipai. U Herod u la thmu ban bishar ha khmat u paidbah hadien ka Niam Ka Jinglait.

Ka Shithi U Paul Sha Ki Nong Rom 15:30

Nga kyntu ïa phi, ko ki parabangeit, da U Jisu Khrist uba U Trai jong ngi bad da ka jingieit kaba U Mynsiem u ai: To ïasoh bad nga ha ka jingduwai shitrhem sha U Blei na ka bynta jong nga.

2 PETROS 2:9

Bad kumta U Trai u tip kumno ban pyllait im ïa ki briew kiba riewblei na ki jingtynjuh jong ki bad kumno ban pynhap ïa ki bymman ha ka jingpynshitom ha ka Sngi ka Jingbishar, khamtam ïa kito kiba beh ïa ki jingkwah brai jakhlia jong ka met bad kiba ñiewbeiñ ïa ka bor synshar jong U Blei.

1 SAMUEL 17:37

U Trai uba la pyllait im ïa nga na ki sing bad na ki dngiem; un pyllait im ïa nga na une u Philistia.” “To kata,” u Saul u jubab. “Khie leit, bad U Trai un long ryngkat bad me.”