DANIEL 2:11 - Khasi CL Bible (BSI)

¹¹ Kaei kaba u Syiem Kynrad u pan ka long kaba eh haduh katta katta ba ym don mano mano ba lah ban leh ïa kata lait tang ki blei, bad kim shong kim sah hapdeng ki bynriew.”

KA BAIBL

¹¹ Bad ka long ka bym ju don kaba u syiem u pan, bad ym don uno uno uba lah ban pyni ïa ka ha khmat u syiem, hynrei, tang kita ki blei, kiba ka jaka shong jong ki kam long lem bad ka doh.”

DANIEL 2:11 ပူးပေါင်းရင်းမြစ်များ

JENESIS 41:39

U syiem u ong ha u Joseph, “U Blei u la pynpaw ha me ïa kane baroh, kumta ka long kaba shai ba me don ka jingstad bad jingshemphang kaba kham khraw ban ïano ïano.

JENESIS 41:8

Ynda mynstep u la sngewkhuslai; kumta u phah khot ïa ki nongleh myntor bad ïa ki riewstad baroh jong ka ri Ijipt. U ïathuh ha ki ïa la ki jingphohsniew, hynrei ym don uwei ruh uba lah ban batai ïa ki ha u.

1 SYIEM 8:27

“Hynrei me lah mo, A Blei, ban shong shisha ha ka pyrthei? Wat ka bneng baroh kam biang pura ban ngiam ïa me, kumta kumno ka lah ban long ba kane ka Templ ïa kaba nga la tei kan heh haduh katta?

2 KHRONIKL 6:18

“Hynrei A Blei me lah ban shong shisha ha ka pyrthei hapdeng ki rangbah bad ki kynthei? Wat ka bneng baroh kawei kam lah ban ngiam ïa me, kumno keiñ kane ka Templ kaba nga la tei kan biang?

SALM 132:14

“Hangne keiñ ka jaka ba ngan shong junom; hangne keiñ ka jaka ba nga kwah ban synshar.

SALM 68:18

U kiew sha kiba kynjang, u da ïalam bad u shibun ki koidi; u pdiang ki jingai sngewbha na ki briew kiba ïeng ïaleh pyrshah. U Trai U Blei un ïoh shong hangta.

EKSODOS 29:45

Te ngan shongduh hapdeng ki Israel bad ngan long U Blei jong ki.

EKSODOS 8:19

Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.

ISAÏAH 47:12

Buh ïa ki jingleh myntor bad jingkhan jong pha baroh; pha la pyndonkam ïa ki naduh ba pha dang samla. Lehse ki lah ban long jingïarap katto katne ïa pha; lehse pha lah ban pyntieng ïa ki nongshun jong pha.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 8:18

Nga don hangne bad ki khun kiba U Blei u la ai ha nga. U Trai Badonbor Baroh, uba ka khet jong u ka long halor u Lum Seïon, u la phah ïa ngi kum ki khubor ba-im sha ki paid Israel.

DANIEL 4:4

“Nga la shongsuk ha la ka ïing syiem, da kaba lehkmen ïa ka jingmanbha bakhraw.

DANIEL 5:11

U don u briew ha ka hima jong phi uba don ïa u mynsiem jong ki blei bakhuid hapoh jong u. Mynba u kpa jong phi u long syiem, une u briew u la pyn-i ka jingmut kaba bha, ka jingtip, bad ka jingstad kum ka jingstad jong ki blei. Bad u syiem Nebukhadnessar, u kpa jong phi, u la pynlong ïa u, u khlieh duh jong ki nongbatai kupar, ki nongleh myntor, ki nongleh byrtong, bad ki nongpeit kti.

JINGKHEIÑ 35:34

Wat pynjakhlia ïa ka ri ha kaba phi shong phi sah, namar nga long U Trai bad nga shong hapdeng ki paid Israel.”

MATHAÏOS 19:26

U Jisu u la peit shlip sha ki bad u la jubab, “Kane ka long ka bym lah ha u briew, hynrei ha U Blei kiei kiei baroh ki long kaba lah.”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 14:17

Uta u long U Mynsiem uba pynpaw ïa ka jingshisha shaphang U Blei. Ka pyrthei kam lah ban pdiang ïa u, namar ba kam ïohi ïa u lane ithuh ïa u. Hynrei phi ithuh ïa u, namar ba u ïaisah bad phi bad u don hapoh jong phi.

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.