DANIEL 12:9 - Khasi CL Bible (BSI)

⁹ U la jubab, “Me dei ban leit noh mynta, ko Daniel, namar ïa kine ki kyntien dei ban ri khop bad buhrieh tad haduh ba kaba kut ka wan.

KA BAIBL

⁹ Bad u la ong, “Koit, khie noh, Daniel: namar ïa ki ktien la tap bad la pyndait laha haduh ka por jong ka bakut.

DANIEL 12:9 ပူးပေါင်းရင်းမြစ်များ

ISAÏAH 29:11

Ïa ka jingmut jong kawei pa kawei ka jingïohipaw u nongïathuhlypa yn buhrieh noh na phi; kan long kum ka kot kli ba la khang pynskhem da ka muhor. Lada phi leit rah ïa ka sha uno uno uba tip ban pule bad ong ïa u ban pule ïa ka ha phi, un ong ba um lah ban pule namar ba la khang pynskhem da ka muhor ïa ka.

ISAÏAH 8:16

Ma phi, ki nongbud jong nga, phi dei ban sumar bad pynneh ïa ki khubor kiba U Blei u la ai ha nga.

DANIEL 10:14

Nga la wan ban pynsngewthuh ïa me ïa kaei ka ban jia ha ki briew jong me ha ka lawei. Kane ka dei ka jingïohipaw ïa ka lawei.”

DANIEL 11:40

“Haba ka kynta kaba khatduh jong u syiem ka Syria ka la jan wan artat, u syiem ka Ijipt un tur ïaleh ïa u, bad u syiem ka Syria un ïaleh pyrshah da la ka bor baroh, da kaba pyndonkam ïa ki kali ïapom, ki kulai, bad ki liengbah kiba bun. Un hiarthma ïa kiba bun ki ri, kum ka jingshlei ki um.

DANIEL 12:4

U la ong ha nga, “Bad mynta, ko Daniel to khylliap noh ïa ka kitab bad shon muhor halor jong ka haduh ka jingkut jong ka pyrthei. Ha kajuh ka por, kiba bun ki briew kin pynlehnoh-ei ïa ki jingpyrshang jong ki ban sngewthuh ïa kaei kaba jia.”

DANIEL 12:8

Nga la ïohsngew ïa kaei kaba u la ong, hynrei ngam shemphang ïa ka. Kumta nga la kylli, “Hynrei, ko rangbah, kumno kane baroh kan kut?”

DANIEL 8:26

Kane ka jingïohipaw shaphang ki jingkñia ha ka por janmiet bad mynstep ïa kaba la batai ha me kan urlong shisha. Hynrei buhrieh ïa ka mynta, namar kan shim por shibun ha shuwa ban kan urlong shisha.”

JINGPYNPAW 10:4

Hamar ba ki la kren, nga la sdang ban thoh. Hynrei nga la ïohsngew ïa ka sur kaba kren na bneng, “To buhrieh ïa kaei kaba ki hynñiew tylli ki pyrthat ki la ong; wat thoh ïa ka!”