DANIEL 12:8 - Khasi CL Bible (BSI)

⁸ Nga la ïohsngew ïa kaei kaba u la ong, hynrei ngam shemphang ïa ka. Kumta nga la kylli, “Hynrei, ko rangbah, kumno kane baroh kan kut?”

KA BAIBL

⁸ Bad nga la ïohsngew, hynrei, ngam shym sngewthuh: ynda kumta, nga la ong, “Ko kynrad jong nga, kaei kan long ka bakut jong kine kiei kiei ruh?”

DANIEL 12:8 ပူးပေါင်းရင်းမြစ်များ

DANIEL 10:14

Nga la wan ban pynsngewthuh ïa me ïa kaei ka ban jia ha ki briew jong me ha ka lawei. Kane ka dei ka jingïohipaw ïa ka lawei.”

DANIEL 12:6

Uwei na ki u la kylli ïa u angel uba ïeng kham pajih shatei shaneng wah, “Slem katno kan long tad haduh ba kine ki jingjia kiba phylla kin poi sha kaba kut?”

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

DANIEL 12:9

U la jubab, “Me dei ban leit noh mynta, ko Daniel, namar ïa kine ki kyntien dei ban ri khop bad buhrieh tad haduh ba kaba kut ka wan.

DANIEL 8:13

Nangta nga la ïohsngew ïa uwei u angel uba kylli ïa uwei pat, “Haduh katno kine kiei kiei kiba la ïohi ha ka jingïohipaw kin ïailong? Haduh katno ka pop ba-ijli kan bujli ïa ki jingkñia ba man ka sngi? Haduh katno ïa ka kynhun shipai ba kynja bneng bad ïa ka Templ yn kyrdem?”

LOUKAS 18:34

Hynrei ki synran kim shemphang ïa kano kano na kine kiei kiei; ïa ka jingmut jong ki kyntien la buhrieh na ki, bad kim tip shaphang kaei U Jisu u kren.

ÏOANNIS 12:16

Ki synran jong u kim shym la sngewthuh ïa kane ha kata ka por; hynrei ynda haba la pyndonburom ïa U Jisu, ki la kynmaw ba ka Jingthoh Bakhuid ka la ong ïa kane shaphang jong u bad ki la leh ïa kane na ka bynta jong u.

KI KAM 1:7

U Jisu u la ong ha ki, “Ïa ki por bad ki jingjia la buh da U Kpa ha ka bor jong u hi, bad kam dei ïa phi ban tip lano kin jia long.

1 PETROS 1:11

Ki pyrshang ban shem lano ka por kan long bad kumno kan wan. Kane ka la long ka por sha kaba U Mynsiem U Khrist uba don ha ki u kdew, ha kaba ïathuhlypa ïa ki jingshah shitom kiba U Khrist un hap ban shah bad ïa ka burom ka ban sa bud.