DANIEL 12:7 - Khasi CL Bible (BSI)

⁷ U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

KA BAIBL

⁷ Bad nga la ïohsngew ïa uta u briew uba la kup jaiñ linen, uba la don halor ki um jong kata ka wah, mynba u la rah ïa ka kti kamon jong u bad ïa ka kti kadiang jong u sha bneng, bad ba u la smai ha uta u ba-im ha la ka rta ba kan long shi por, ki por, bad ka shiteng; bad ynda ki la lah pynduh ïa ka bor jong kita ki briew ki bakhuid, ïa kine baroh yn sa pyndep.

DANIEL 12:7 ပူးပေါင်းရင်းမြစ်များ

ISAÏAH 62:12

Yn khot ïa phi, “Ki Briew ki bakhuid jong U Blei,” “Ki briew kiba U Trai u la pyllait im;” Ïa ka Jerusalem yn khot “Ka nongbah kaba U Blei u ieit.” “Ka nongbah kaba U Blei um shym la iehnoh.”

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

ESEKIEL 20:5

Ïathuh ïa ki ïa kaei kaba nga ong. Mynba nga la jied ïa ka Israel, nga la pynlong ka jingkular ha ki. Nga la pynpaw ïa lade ha ki ha Ijipt bad ong ïa ki: Nga long U Trai U Blei jong phi.

DANIEL 10:5

Nga la khmih shajrong bad nga la ïohi ïa uwei uba kup ki jaiñ linen bad u panpoh ksiar nylla.

DANIEL 11:13

“U syiem ka Syria un leit phai pat bad lum ka kynhun shipai kaba kham khraw ban ïa kaba u la don mynshuwa. Haba ka por babiang ka poi, un wan phai bad ka kynhun shipai kaba khraw bad kaba la kieng atiar bha.

DANIEL 12:6

Uwei na ki u la kylli ïa u angel uba ïeng kham pajih shatei shaneng wah, “Slem katno kan long tad haduh ba kine ki jingjia kiba phylla kin poi sha kaba kut?”

DANIEL 12:8

Nga la ïohsngew ïa kaei kaba u la ong, hynrei ngam shemphang ïa ka. Kumta nga la kylli, “Hynrei, ko rangbah, kumno kane baroh kan kut?”

DANIEL 4:31

Ha shuwa ba ki kyntien kin mih shabar na ka shyntur jong u, ka sur ka la kren na bneng, “Ko syiem Nebukhadnessar, to shahshkor ïa kaei kaba nga ong! Ïa ka bor ba kynja syiem jong me la shim noh mynta na me.

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

DANIEL 7:21

Mynba nga dang khmih, kata ka reng ka pynlong thma bad ki briew jong U Blei bad ka la jop ïa ki.

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

DANIEL 8:14

Nga la ïohsngew ïa uta uwei pat u angel ba u jubab, “Kan ïailong haduh shi hajar shispah sanphew sngi, ha kaba ïa ki jingkñia janmiet bad mynstep yn ym ai. Hadien kata yn sa pynbha pat ïa ka Templ.”

DANIEL 8:24

Un long uba khlaiñ — hynrei ym da ka bor jong u hi. Un pynlong ka jingpynjot bashyrkhei bad un jop ha kiei kiei baroh kiba u leh. Un wallam ka jingjot halor ki rangbah kiba donbor bad halor ki briew jong U Blei hi.

LOUKAS 21:14

Buh jingmut lypa ban ym khuslai shaphang kumno phin ïasaid da ïa lade,

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

DEUTERONOMI 26:19

Un kyntiew ïa phi ha khlieh eh ïa ki jaitbynriew baroh ba u la thaw, bad phi pat phin ïaroh bad ai burom ïa ka kyrteng jong u. Phi phin long ki briew jong u hi, kumba u la kular.”

DEUTERONOMI 32:36

U Trai un pyllait im ïa la ki briew haba u ïohi ba kim donbor shuh. Un isynei ïa kito kiba shakri ïa u haba u ïohi ba kim lah leh ei ei shuh.

DEUTERONOMI 32:40

Kumba nga long U Blei uba im, nga rah la ka kti bad nga smai,

DEUTERONOMI 7:6

Namar phi long kiba la pynkyntang khuid sha U Trai U Blei jong phi. U la jied ïa phi napdeng ki jaitbynriew baroh ha ka pyrthei ba phin long ka jaitbynriew kaba kyrpang jong u.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

JINGPYNPAW 12:14

La ai ha ka, ar tylli ki thapniang jong u pukni uba heh khnang ba kan her noh sha la ka jaka ha kata ka ri shyiap, ha kaba yn sumar ïa ka, lai snem shiteng, ha ka jingshngain na ka jingtur ïaleh jong u Ïakjakor.

JINGPYNPAW 12:6

Kata ka briew ka la phet sha ka ri shyiap, sha ka jaka ba U Blei u la pynkhreh na ka bynta jong ka; ha kaba yn sumar ïa ka haduh shihajar arspah hynriewphew sngi.

JINGPYNPAW 13:5

Ïa u mradkhlaw la shah ban pynlong ki jingkob sarong kiba long ki jingbeiñ ïa U Blei, bad la shah ïa u ban don ka bor synshar haduh sawphew ar bnai.

JINGPYNPAW 4:10

Haba ki leh kumta, kita ki arphew saw ngut ki nongsharai balang ki la dem khrup ha khmat uta uba shong halor ka khet, bad mane ïa u, uba im junom la junom. Ki bret ïa ki pansngiat jong ki ha khmat jong ka khet bad ki ong,

JINGPYNPAW 4:9

Ki saw tylli ki jingthaw ba-im ki rwai ki jingrwai jong ka burom bad ka jingpyndonburom bad ki jingsngewnguh ïa uta uba shong ha ka khet, bad mane ïa uta uba im junom la junom.