DANIEL 12:6 - Khasi CL Bible (BSI)

⁶ Uwei na ki u la kylli ïa u angel uba ïeng kham pajih shatei shaneng wah, “Slem katno kan long tad haduh ba kine ki jingjia kiba phylla kin poi sha kaba kut?”

KA BAIBL

⁶ Te uwei u la ong ha uta u briew uba la kup jaiñ linen, uba la don halor ki um jong kata ka wah, “Sa katno kan long haduh ka bakut jong kine ki jingphylla?”

DANIEL 12:6 ပူးပေါင်းရင်းမြစ်များ

SALM 74:9

Baroh ki dak bakyntang jong ngi kim don shuh; ym don shuh uno uno u nongïathuhlypa uba dang sah, bad ym don shuh mano mano batip sa haduh katno kane kan neh.

ESEKIEL 9:2

Mar kumta hynriew ngut ki briew ki wan na ka khyrdop kaba shabar kaba don shaphang shatei jong ka Templ, uwei uwei u rah la ka tiar ïaleh. Ryngkat bad ki la don u briew uba kup da ki jaiñ linen, uba rah ki tiar ban thoh. Baroh ki wan bad ïeng hajan ka duwan kaba da ka rnong.

DANIEL 12:5

Nangta nga la ïohi ar ngut ki rangbah kiba ïeng harud wah, uwei ha kawei kawei ka liang.

DANIEL 12:8

Nga la ïohsngew ïa kaei kaba u la ong, hynrei ngam shemphang ïa ka. Kumta nga la kylli, “Hynrei, ko rangbah, kumno kane baroh kan kut?”

DANIEL 8:13

Nangta nga la ïohsngew ïa uwei u angel uba kylli ïa uwei pat, “Haduh katno kine kiei kiei kiba la ïohi ha ka jingïohipaw kin ïailong? Haduh katno ka pop ba-ijli kan bujli ïa ki jingkñia ba man ka sngi? Haduh katno ïa ka kynhun shipai ba kynja bneng bad ïa ka Templ yn kyrdem?”

DANIEL 8:16

Nga la ïohsngew ïa ka sur kaba pyrta na shiliang ka wah Ulai, “Ko Gabriel, to batai ïa u ïa ka jingmut jong kaei kaba u la ïohi.”

MATHAÏOS 24:3

Katba U Jisu u dang shong halor u lum ki Olib, ki synran ki la wan sha u ha kaba jar jar. “To ïathuh ha ngi lano kane baroh kan long,” ki la kylli, “bad kaei ka ban jia ban pyn-i ba ka la dei ka por ïa ka jingwan jong me bad kaba kut ka Ïa.”

MARKOS 13:4

“To ïathuh ïa ngi lano kane kan sa long,” ki la ong, “bad to ïathuh ïa ngi kaei ka ban jia ban pyn-i ba ka por ka la poi na ka bynta kine kiei kiei baroh ban long.”

EPHESOS 3:10

khnang ba ha ka por ba mynta lyngba ka Balang, ki angel nongsynshar bad ki bor ha ka pyrthei ba kynja bneng ki lah ban tip ïa ka jingstad jong u ha baroh ki rukom ba-ïapher jong ki.

1 PETROS 1:12

U Blei u la pynpaw ha kine ki nongïathuhlypa ba ka jingtrei jong ki kam shym la long na ka bynta ka jingmyntoi jong ki hi, hynrei na ka bynta jong phi, katba ki dang lah kren shaphang kito kiei kiei ïa kiba phi la ïohsngew mynta na ki nonglamktien kiba la pynbna ïa ka Khubor Babha da ka bor U Mynsiem Bakhuid ba la phah na bneng. Kine ki long kiei kiei kiba wat ki angel ki thrang ban shemphang.

JINGPYNPAW 15:6

Ki hynñiew ki angel kiba la don ïa ki hynñiew tylli ki khlam ki la mihnoh na ka Templ, kiba la kup da ki jaiñ linen ba-thaba kiba khuid lem bad ki panpoh ksiar ba la teh sawdong ki shadem jong ki.

JINGPYNPAW 19:14

Ki kynhun shipai ka bneng ki la bud ïa u, ki da shong halor ki kulai balieh bad ki la riam da ki jaiñ linen balieh bad bakhuid.

JINGPYNPAW 6:10

Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”