DANIEL 12:4 - Khasi CL Bible (BSI)

⁴ U la ong ha nga, “Bad mynta, ko Daniel to khylliap noh ïa ka kitab bad shon muhor halor jong ka haduh ka jingkut jong ka pyrthei. Ha kajuh ka por, kiba bun ki briew kin pynlehnoh-ei ïa ki jingpyrshang jong ki ban sngewthuh ïa kaei kaba jia.”

KA BAIBL

⁴ Hynrei me, ko Daniel, to tap ïa ki ktien, bad to pyndait laha ïa ka kitab, haduh ka por jong ka bakut keiñ: bun kin long ki ban phet shane shatai, bad ka jingtip kan roi.”

DANIEL 12:4 ပူးပေါင်းရင်းမြစ်များ

ISAÏAH 11:9

Halor u Lum Seïon, u lum uba kyntang jong U Blei, yn ym don kano kano kaba pynmynsaw lane kaba sniew. Ka ri kan shlei da ka jingtip ïa U Trai kumba ki duriaw ki dap da ka um.

ISAÏAH 29:11

Ïa ka jingmut jong kawei pa kawei ka jingïohipaw u nongïathuhlypa yn buhrieh noh na phi; kan long kum ka kot kli ba la khang pynskhem da ka muhor. Lada phi leit rah ïa ka sha uno uno uba tip ban pule bad ong ïa u ban pule ïa ka ha phi, un ong ba um lah ban pule namar ba la khang pynskhem da ka muhor ïa ka.

ISAÏAH 30:26

U bnai un sa shai phyrnai kat ka sngi, bad ka sngi kan shai phyrnai hynñiew shah ban ïa kaba ju long, kum ka jingshai jong ki hynñiew sngi ha kawei ka sngi. Kane baroh kan jia haba U Trai un sop spaiñ bad pynkhiah ïa ki jingmong kiba u la ai ha ki briew jong u.

ISAÏAH 32:3

Ki khmat bad ki shkor jong ki kin ïohi bad kin ïohsngew ïa ki jingdonkam jong ki briew.

ISAÏAH 8:16

Ma phi, ki nongbud jong nga, phi dei ban sumar bad pynneh ïa ki khubor kiba U Blei u la ai ha nga.

JEREMAÏAH 5:1

Ko ki briew ka Jerusalem, to phet lyngba ki surok bah jong phi! To khmih sawdong! Peit hi da lade! To wad ïa ki jaka ïew! Hato phi lah ban shem uwei u briew uba leh ïa kaba dei bad uba pyrshang ban ïaineh ha U Blei? Lada phi lah, U Trai un map ïa ka Jerusalem.

DANIEL 10:1

(Ha ka snem kaba lai kaba u Syros u long u patsha jong ka Persia, ïa ka khubor la pynpaw ha u Daniel, ïa uba la khot ruh u Belteshassar. Ka khubor ka long kaba shisha hynrei kaba jwat eh ban sngewthuh. La batai ïa ka ha u ha ka jingïohipaw.)

DANIEL 10:14

Nga la wan ban pynsngewthuh ïa me ïa kaei ka ban jia ha ki briew jong me ha ka lawei. Kane ka dei ka jingïohipaw ïa ka lawei.”

DANIEL 11:33

Ki nongïalam bastad jong ki briew kin ïasam ïa ka jingstad jong ki bad kiwei pat ki briew babun. Hynrei shipor katto katne na ki kin shah pynïap ha ka thma lane shah thang ïap, bad katto katne kin shah lute bad shah pynlong koidi.

DANIEL 11:40

“Haba ka kynta kaba khatduh jong u syiem ka Syria ka la jan wan artat, u syiem ka Ijipt un tur ïaleh ïa u, bad u syiem ka Syria un ïaleh pyrshah da la ka bor baroh, da kaba pyndonkam ïa ki kali ïapom, ki kulai, bad ki liengbah kiba bun. Un hiarthma ïa kiba bun ki ri, kum ka jingshlei ki um.

DANIEL 12:13

“Bad ma me, ko Daniel, to ïaineh haduh kaba kut. Nangta men sa ïap, hynrei men mihpat ban ïohpdiang ïa ka bainong ha kaba kut jong ka por.”

DANIEL 12:5

Nangta nga la ïohi ar ngut ki rangbah kiba ïeng harud wah, uwei ha kawei kawei ka liang.

DANIEL 12:9

U la jubab, “Me dei ban leit noh mynta, ko Daniel, namar ïa kine ki kyntien dei ban ri khop bad buhrieh tad haduh ba kaba kut ka wan.

DANIEL 8:17

U Gabriel u la wan bad u la ïeng hajan jong nga, bad nga la sheptieng katta katta ba nga kyllon ha khyndew. U la ong ha nga, “Ko khun u briew, to shemphang ïa ka jingmut. Ka jingïohipaw ka ïadei bad ka jingkut jong ka pyrthei.”

DANIEL 8:19

bad u la ong, “Nga pyn-i ha me ïa kaei kaba mih na ka jingbitar U Blei kan long. Ka jingïohipaw ka kdew ïa ka por jong ka jingkut.

DANIEL 8:26

Kane ka jingïohipaw shaphang ki jingkñia ha ka por janmiet bad mynstep ïa kaba la batai ha me kan urlong shisha. Hynrei buhrieh ïa ka mynta, namar kan shim por shibun ha shuwa ban kan urlong shisha.”

MATHAÏOS 24:14

Bad ïa kane ka Khubor Babha shaphang ka Hima yn ïalap ha kylleng ka pyrthei na ka bynta ka jingsakhi sha ki jaitbynriew baroh; bad nangta kaba kut kan wan.

Ka Shithi U Paul Sha Ki Nong Rom 10:18

Hynrei nga kylli: Hato ka long kaba shisha ba kim shym la ïohsngew ïa ka khubor? Da shisha ki la ïohsngew — naba kumba ka Jingthoh Bakhuid ka ong: “Ka jingsawa jong ka sur jong ki ka la leit sha ka pyrthei baroh; ki ktien jong ki, ki la poi shaduh kiba kut ka pyrthei.”

JINGPYNPAW 10:4

Hamar ba ki la kren, nga la sdang ban thoh. Hynrei nga la ïohsngew ïa ka sur kaba kren na bneng, “To buhrieh ïa kaei kaba ki hynñiew tylli ki pyrthat ki la ong; wat thoh ïa ka!”

JINGPYNPAW 22:10

Bad u la ong ha nga, “Wat bat kum kaba rieh ïa ki ktien ka jingïathuhlypa jong kane ka kitab, namar ka por ka la jan haba kane baroh kan jia.

JINGPYNPAW 5:1

Nga la ïohi ïa ka kot kli ha ka kti kamon jong uta uba shong halor ka khet; kaba la dap da ka jingthoh ha baroh arliang bad kaba la pyndait da ki hynñiew tylli ki jingpyndait.