DANIEL 12:3 - Khasi CL Bible (BSI)

³ Ki nongïalam kiba stad kin tyngshaiñ da ka jingphyrnai baroh jong ka suiñbneng. Bad kito kiba la hikai ïa kiba bun ki briew ban leh ïa kaei kaba dei kin tyngshaiñ kum ki khlur junom.”

KA BAIBL

³ Bad kita ki bastad, kin tyngshaiñ kum ka jingshai ka sahit bneng; bad kita kiba pynkylla bun sha ka hok kum ki khlur junom la junom.

DANIEL 12:3 ပူးပေါင်းရင်းမြစ်များ

EKSODOS 34:35

bad ki ïohi ba ka khmat jong u ka tyngshaiñ. Kumta u buh biang ïa kata ka jaiñtapkhmat haduh ba un da leit ïakren pat bad U Trai.

PROBERB 11:30

Ka hok ka ai jingim, hynrei ka jinglehbor ka shim noh ïa ka.

PROBERB 3:35

Ki briew kiba stad kin nang ïoh ka nam ka burom, hynrei ki briew kiba mutlop kin nang mad ka jingjahburom.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

EKLESIASTIS 12:9

Hynrei namar ba u Stad saiñpyrkhat u long uba stad, u ïai hikai ïa ki briew ïa kaei kaba u tip. U la pule bniah ïa ki proberb bad da kaba sngur mynsiem u da tynjuh ïa ka jingshisha jong ki.

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

JEREMAÏAH 23:22

Lada ki la tip ïa ki jingmut barieh jong nga, te kin jin da la pynbna ïa ka khubor jong nga sha ki briew jong nga, bad kin jin da la pynlong ïa ki ban iehnoh ïa ki jingim basniew ba ki im bad na ki kam bymman ba ki leh.

DANIEL 11:33

Ki nongïalam bastad jong ki briew kin ïasam ïa ka jingstad jong ki bad kiwei pat ki briew babun. Hynrei shipor katto katne na ki kin shah pynïap ha ka thma lane shah thang ïap, bad katto katne kin shah lute bad shah pynlong koidi.

DANIEL 11:35

Katto katne na kito ki nongïalam bastad kin shah pynïap, hynrei kaba mih na kane ka long ba yn pynkhuid ïa ki briew. Kane kan ïailong tad haduh ba kaba kut kan wan, ka por kaba U Blei u la buh.

DANIEL 12:10

Ïa kiba bun ki briew yn pynkhuid. Kito kiba bymman kin ym sngewthuh hynrei kin ïailong bymman; tang kito kiba stad kin shemphang.

MATHAÏOS 13:43

Nangta ki briew jong U Blei kin tyngshaiñ kum ka sngi ha ka Hima jong U Kpa jong ki. To shahshkor, te, lada phi don ki shkor!

MATHAÏOS 19:28

U Jisu u la ong ha ki, “Phi lah ban thikna ba haba U Khun U Briew u shong ha ka khet badonburom jong u ha ka Ïa kaba thymmai, te ma phi ki khat-ar ngut ki nongbud jong nga phin ïashong ruh ha ki khet, ban synshar ïa ki khat-ar ki jait Israel.

MATHAÏOS 24:45

“Uno, te, uba long u shakri uba lah ban shaniah bad uba stad? U dei uta ïa uba u kynrad jong u, u la buh ban khmih ïa kiwei pat ki shakri ban ai jingbam ïa ki ha ka por kaba dei.

ÏOANNIS 4:36

Uta uba ot u ïoh la ka bainong bad u lum ïa ka jingmih na ka bynta ka jingim bymjukut; ba uta uba bet bad uta uba ot kin ïakmen lang.

ÏOANNIS 5:35

U Ïoannis u la long kum ka sharak, kaba meh bad kaba tyngshaiñ, bad phi la mon shipor ban lehkmen ha ka jingshai jong u.

KI KAM 13:1

Ha ka balang ha Antiokh la don katto katne ngut ki nongïathuhlypa bad ki nonghikai: U Barnabas, u Simeon (ïa uba la khot u Niger), u Lukios (na Kyrini) bad u Manaen (ïa uba la pynsan pynrangbah bad u Herod Antipas uba long u lyngskor) bad u Saul.

1 KORINTH 3:10

Da kaba pyndonkam ïa ka jingai kaba U Blei u la ai ha nga, nga la trei ïa ka kam u rangbah nongtei uba tbit bad nga la seng ïa ka nongrim, bad uwei pat u tei halor jong ka. Hynrei uwei pa uwei u dei ban sumar kumno u tei.

EPHESOS 4:11

U la long ma u, uba “la ai ki jingai sngewbha ha u bynriew;” u la thung katto katne ngut ban long ki apostol; ïa kiwei, ki nongïathuhlypa; ïa kiwei, ki nongïalap; ïa kiwei pat, ki nongsharai balang bad ki nonghikai.

HEBRU 5:12

Ka la dei ka por kaba la biang bha ïa phi ban long ki nonghikai — pynban, phi dang donkam ïa uwei pat ban hikai ïa phi ïa ki jinghikai banyngkong jong ka khubor U Blei. Ha ka jaka ban bam ïa ka jingbam kaba eh, phi dang ïai donkam ban dih da ka dud.

2 PETROS 3:15

To khmih ïa ka jingïaishah slem U Trai jong ngi kum ka lad ba u ai ha phi ban ïoh im, kumba u Paul u para ba-ieit jong ngi u la thoh ha phi, da kaba pyndonkam ïa ka jingstad kaba U Blei u la ai ha u.

JINGPYNPAW 1:20

Kane ka dei ka jingmut barieh jong ki hynñiew tylli ki khlur kiba me ïohi ha ka kti kamon jong nga, bad ki hynñiew tylli ki diengpynïeng sharak ksiar: Ki hynñiew tylli ki khlur ki long ki angel jong ki hynñiew tylli ki balang, bad ki hynñiew tylli ki diengpynïeng sharak ki long ki hynñiew tylli ki balang.

NONGBISHAR 5:31

Ai ba ki nongshun jong me baroh kin ïap kumta, A Trai hynrei ai ba ki paralok jong me kin tyngshaiñ kum ka sngi kaba mih! Bad la don ka jingsuk ha ka ri haduh sawphew snem.