DANIEL 12:12 - Khasi CL Bible (BSI)

¹² Suk kito kiba ïaineh tad haduh ba ki shihajar laispah laiphew san sngi ki kut noh!

KA BAIBL

¹² Suk uta uba ïai-ap, bad uba kot haduh shi hajar laispah laiphew san sngi.

DANIEL 12:12 ပူးပေါင်းရင်းမြစ်များ

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ESEKIEL 4:6

Haba me la dep ïa kata, phai pyrshing pat sha ka krung kamon jong me bad shahshitom sawphew sngi namar ki kam bymman ka ïing Judah — kawei ka sngi namar kawei kawei ka snem jong ka jingshah pynshitom jong ki.

DANIEL 8:14

Nga la ïohsngew ïa uta uwei pat u angel ba u jubab, “Kan ïailong haduh shi hajar shispah sanphew sngi, ha kaba ïa ki jingkñia janmiet bad mynstep yn ym ai. Hadien kata yn sa pynbha pat ïa ka Templ.”

Ka Shithi U Paul Sha Ki Nong Rom 11:15

Naba haba ki la shah kyntait, ïa u bynriew la pynkylla na kaba long ki nongshun U Blei sha kaba long ki paralok jong u. Kaei ka ban long te, haba la pdiang ïa ki? Kan long ka jingim ïa kiba la ïap!

JINGPYNPAW 11:2

Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.

JINGPYNPAW 12:6

Kata ka briew ka la phet sha ka ri shyiap, sha ka jaka ba U Blei u la pynkhreh na ka bynta jong ka; ha kaba yn sumar ïa ka haduh shihajar arspah hynriewphew sngi.

JINGPYNPAW 13:5

Ïa u mradkhlaw la shah ban pynlong ki jingkob sarong kiba long ki jingbeiñ ïa U Blei, bad la shah ïa u ban don ka bor synshar haduh sawphew ar bnai.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.