DANIEL 12:10 - Khasi CL Bible (BSI)

¹⁰ Ïa kiba bun ki briew yn pynkhuid. Kito kiba bymman kin ym sngewthuh hynrei kin ïailong bymman; tang kito kiba stad kin shemphang.

KA BAIBL

¹⁰ Bun kin pynkhuid ïa lade, bad pynlong lieh ïa lade, bad yn phrang ïa ki; hynrei, ki bymman kin ïai-leh bymman; bad yn ym don na ki bymman u ban sngewthuh: hynrei, kita ki bastad kin sngewthuh.

DANIEL 12:10 ပူးပေါင်းရင်းမြစ်များ

SALM 107:43

To ai ba kito kiba stad kin pyrkhat shaphang kine kiei kiei; to kin pyrkhat shaphang ka jingieit baneh U Trai.

SALM 51:7

Weng noh ïa ka pop jong nga, bad ngan long khuid; sait ïa nga, bad ngan kham lieh ïa ka ïor.

PROBERB 1:5

Kine ki proberb ki lah ban nang pynkhraw ïa ka jingtip jong ki riewstad bad kdew lynti ïa kiba la nang la tip,

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

ESEKIEL 47:11

Hynrei ïa ka um ha ki bir bad ki pung ha ki rud duriaw, yn ym pynlong bha. Kin ïaisah hangta kum ka jaka mluh.

DANIEL 11:33

Ki nongïalam bastad jong ki briew kin ïasam ïa ka jingstad jong ki bad kiwei pat ki briew babun. Hynrei shipor katto katne na ki kin shah pynïap ha ka thma lane shah thang ïap, bad katto katne kin shah lute bad shah pynlong koidi.

DANIEL 11:35

Katto katne na kito ki nongïalam bastad kin shah pynïap, hynrei kaba mih na kane ka long ba yn pynkhuid ïa ki briew. Kane kan ïailong tad haduh ba kaba kut kan wan, ka por kaba U Blei u la buh.

DANIEL 12:3

Ki nongïalam kiba stad kin tyngshaiñ da ka jingphyrnai baroh jong ka suiñbneng. Bad kito kiba la hikai ïa kiba bun ki briew ban leh ïa kaei kaba dei kin tyngshaiñ kum ki khlur junom.”

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

MALAKHI 3:3

Un wan ban bishar kum uwei uba phrang bad pynkhuid ïa ka rupa. Kumba u nongtrei nar u phrang ïa ka rupa bad ka ksiar, kumta u nonglamktien jong U Trai un pynkhuid ïa ki lyngdoh, khnang ba kin wallam sha U Trai da ki jingainguh kiba dei.

MARKOS 4:11

“Ha phi la ai ïa ka jingmaïan jong ka Hima U Blei,” U Jisu u la jubab. “Hynrei kiwei pat, kiba long shabar, ki ïohsngew ïa kiei kiei baroh lyngba ki pharshi,

LOUKAS 24:25

Nangta U Jisu u la ong ha ki, “Katno kiba bieit phi long, katno phi long kiba suki ban ngeit ïa kaei kaei baroh kaba ki nongïathuhlypa ki la ong!

ÏOANNIS 18:37

Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

ÏOANNIS 8:47

Uta uba wan na U Blei u shahshkor ïa ki ktien U Blei. Phi, pynban, phim dei na U Blei, bad dei na kata ka daw balei ba phim shahshkor.”

1 KORINTH 6:11

Don na phi kiba la ju long kumta. Hynrei la pynkhuid ïa phi na ka pop; la pynkyntang ïa phi sha U Blei; la pynksan ïa phi bad U Blei da U Jisu Khrist uba U Trai bad da U Mynsiem U Blei jong ngi.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 12:10

Ki kpa jong ngi ki sneng sympat ïa ngi tang shipor, katba ki sngewbit ma ki, hynrei U Blei u leh ïa kata na ka bynta ka jingbha jong ngi hi, khnang ba ngin ïoh bynta lang ha ka jingkhuid jong u.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JINGPYNPAW 16:11

bad ki la tim ïa U Blei jong ka bneng namar ki jingpang bad ki prum jong ki. Hynrei kim shym la phai noh na ki lynti basniew jong ki.

JINGPYNPAW 19:14

Ki kynhun shipai ka bneng ki la bud ïa u, ki da shong halor ki kulai balieh bad ki la riam da ki jaiñ linen balieh bad bakhuid.

JINGPYNPAW 19:8

La ai ha ka ïa ka jaiñ linen baphyrnai kaba khuid ban phong.” (Ka jaiñ linen ka long ki kam babha jong ki briew jong U Blei.)

JINGPYNPAW 22:11

Uno uno uba sniew u dei ban ïai leh sniew, bad uno uno uba jaboh u dei ban ïai jaboh; uno uno uba bha u dei ban ïai lehbha, bad uno uno uba khuid u dei ban ïailong khuid.”

JINGPYNPAW 3:18

Te nga ai jingmut ïa pha ban thied ksiar na nga, ka ksiar banylla, khnang ba phan riewspah. Thied ruh ïa ki jaiñkup balieh ban kup ïa lade bad ban tap ïa ka jinglyngkhuit bakhlemrain jong pha. Thied ruh katto katne ka jingtah ban tah ha ki khmat jong pha, khnang ba pha lah ban ïohi.

1 SAMUEL 24:13

Phi tip ïa ka jingong mynbarim, ‘Ïa ka jingbymman la leh tang da ki riewbymman.’ Bad kumta ngan ym pynmynsaw ïa phi.