DANIEL 11:7 - Khasi CL Bible (BSI)

⁷ Shen hadien kata, uwei na ki ba-ha-ïing jong ka un long syiem. Un tur ïaleh ïa ka kynhun shipai jong u syiem Syria, un rung shapoh ki kut jong ki, bad jop ïa ki.

KA BAIBL

⁷ “Hynrei, na u shylluit uba na ki thied jong ka, un ïeng uwei ha ka jaka jong u, u ban wan sha u paidïapom, bad un rung shapoh ka kut jong uta u syiem na shatei, bad un ïaleh ïa ki, bad un jop:

DANIEL 11:7 ပူးပေါင်းရင်းမြစ်များ

Ka Kitab U Job 14:7

Ka don ka jingkyrmen ïa u dieng uba la khet; u lah ban im pat bad un khie lung.

SALM 109:8

Ai ba ka jingim jong u kan kut noh shen; ai ba uwei pat u briew un shim noh ïa ka kam jong u!

SALM 55:23

Hynrei ma me, A Blei, men wallam ïa kito ki nongpynïap briew bad ki nongshukor sha ki jingtep jong ki ha shuwa ba shiteng jingim jong ki kan kut noh. Katba ma nga, ngan shaniah ha me.

ISAÏAH 11:1

Ka pateng longsyiem jong u Dabid ka long kum u dieng ba la khet; hynrei kumba ki tnat bathymmai ki khie lung na ka dyngkhong, kumta u syiem bathymmai un mih napdeng ki khun ki ksiew jong u Dabid.

ISAÏAH 9:14

Hapoh kawei ka sngi U Trai un pynshitom ïa ki nongïalam jong ka Israel bad ïa ki briew jong ka. Un ot noh ïa ki, ïa ka khlieh bad ïa u tdong.

JEREMAÏAH 12:2

Me la thung ïa ki, bad ki la suhthied; ki san bad ki pynmih soh. Ki ju kren bha shaphang jong me, pynban kim da salia eh shisha shaphang jong me.

ESEKIEL 17:18

U la pynkheiñ ïa la ka jingsmai bad ïa ka jingïateh lok kaba u la lah pynlong. U la leh ïa kine kiei kiei, bad mynta un ym ïohlait ban phet.”

DANIEL 11:40

“Haba ka kynta kaba khatduh jong u syiem ka Syria ka la jan wan artat, u syiem ka Ijipt un tur ïaleh ïa u, bad u syiem ka Syria un ïaleh pyrshah da la ka bor baroh, da kaba pyndonkam ïa ki kali ïapom, ki kulai, bad ki liengbah kiba bun. Un hiarthma ïa kiba bun ki ri, kum ka jingshlei ki um.

DANIEL 11:6

Hadien bun tylli ki snem u syiem ka Ijipt un pynlong ka jingïateh lok bad u syiem ka Syria bad un ai shongkurim ïa ka khun jong u. Hynrei ka jingïateh lok kan ym neh; bad ïa ka, ïa u tnga jong ka, ïa i khun jong ka bad ïa ki shakri kiba la ïaleit bad ka yn pynïap baroh.

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”