DANIEL 11:6 - Khasi CL Bible (BSI)

⁶ Hadien bun tylli ki snem u syiem ka Ijipt un pynlong ka jingïateh lok bad u syiem ka Syria bad un ai shongkurim ïa ka khun jong u. Hynrei ka jingïateh lok kan ym neh; bad ïa ka, ïa u tnga jong ka, ïa i khun jong ka bad ïa ki shakri kiba la ïaleit bad ka yn pynïap baroh.

KA BAIBL

⁶ Te ha ka bakut ki snem kin ïasoh lang; bad ka khun kynthei jong uta u syiem na shathie kan wan sha uta u syiem na shatei ban pynlong ka jingïakut: hynrei, kan ym bat ïa ka bor ka ksang'ti jong ka; u ruh, un ym ïeng, lymne ka ksang'ti jong u; hynrei, yn aiti noh ïa ka, bad ïa kita kiba la wallam ïa ka, bad ïa uta uba la pynkha ïa ka, bad ïa uta uba la ai bor ïa ka ha kita ki por.

DANIEL 11:6 ပူးပေါင်းရင်းမြစ်များ

Ka Kitab U Job 38:15

Ka jingshai ka sngi ka phyrnai eh ïa ki nongleh bymman, bad ka khanglad ïa ki na ki kam leh jubor.

SALM 10:5

U riewbymman u jop ha kiei kiei baroh. Um lah ban sngewthuh ïa ki jingbishar U Blei; u rkhiebeiñ ïa ki nongshun jong u.

ESEKIEL 30:21

“Ko khun u briew,” u la ong, “nga la pynkheiñ ïa ka ksang'ti jong u syiem ka Ijipt. Ym don ba la sop spaiñ ïa ka lane pynsdien ïa ka khnang ba kan ïohkhiah bad ban khlaiñ kat ban lah ban bat biang ïa ka waitlam.

DANIEL 11:13

“U syiem ka Syria un leit phai pat bad lum ka kynhun shipai kaba kham khraw ban ïa kaba u la don mynshuwa. Haba ka por babiang ka poi, un wan phai bad ka kynhun shipai kaba khraw bad kaba la kieng atiar bha.

DANIEL 11:15

Kumta u syiem ka Syria un kerkut ïa ka nongbah ba la ker kynroh bad kurup ïa ka. Ki shipai jong ka Ijipt kin ym ïaleh shuh; wat kiba tbit tam na ki kin ym don ka jingkhlaiñ kaba biang.

DANIEL 11:40

“Haba ka kynta kaba khatduh jong u syiem ka Syria ka la jan wan artat, u syiem ka Ijipt un tur ïaleh ïa u, bad u syiem ka Syria un ïaleh pyrshah da la ka bor baroh, da kaba pyndonkam ïa ki kali ïapom, ki kulai, bad ki liengbah kiba bun. Un hiarthma ïa kiba bun ki ri, kum ka jingshlei ki um.

DANIEL 11:7

Shen hadien kata, uwei na ki ba-ha-ïing jong ka un long syiem. Un tur ïaleh ïa ka kynhun shipai jong u syiem Syria, un rung shapoh ki kut jong ki, bad jop ïa ki.

SEKHARAÏAH 11:16

Nga la buh u nongaplangbrot ban khmih ïa ka kynhun langbrot jong nga, hynrei um shym la ïarap ïa ki langbrot kiba la shah byrngem da ka jingpynjot; lymne ba u leit wad ïa kaba la jah noh, lane pynkhiah ïa kito kiba la mynsaw, lane bsa ïa kiba khiah. Pynban u bam ïa ka doh jong ki langbrot kiba sngaid bad u weng noh ïa ki khnap jong ki.