DANIEL 11:45 - Khasi CL Bible (BSI)

⁴⁵ Un pynïeng ruh ïa ki ïingjaiñ syiem kiba heh hapdeng ki duriaw bad ki lumbah ha kaba ka Templ ka ïeng. Hynrei un ïap, khlem don mano mano hangta ban ïarap ïa u.”

KA BAIBL

⁴⁵ Bad un sher ïa ki dara ka ïing jong u hapdeng ka duriaw bad uta u lum bakyntang ba-donburom; pynban, un poi sha ka bakut jong u, bad yn ym don ban ïarap ïa u.

DANIEL 11:45 ပူးပေါင်းရင်းမြစ်များ

SALM 48:2

Ha Seïon, u lum jong U Blei, u long uba jrong bad uba itynnat; ka nongbah jong u syiem bakhraw kaba wanrah ïa ka jingkmen ha ka pyrthei baroh kawei.

ISAÏAH 10:12

Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

ISAÏAH 11:9

Halor u Lum Seïon, u lum uba kyntang jong U Blei, yn ym don kano kano kaba pynmynsaw lane kaba sniew. Ka ri kan shlei da ka jingtip ïa U Trai kumba ki duriaw ki dap da ka um.

ISAÏAH 14:13

Me la kut jingmut ban kiew shaduh bneng bad ban buh ïa ka khet jong me halor ki khlur kiba hajrong tam. Me la pyrkhat ba men shong kum u syiem halor uta u lumbah ha ka phang bashatei ha kaba ki blei ki ïalumlang.

ISAÏAH 2:2

Ha ki sngi ban wan u lumbah ha kaba ka Templ ka ïeng un long uba jrong tam na baroh, uba da jrong eh halor ki lumrit baroh. Kiba bun ki jaitbynriew kin tuid sha u,

ISAÏAH 27:13

Haba kata ka sngi kan wan, ïa ka turoi yn put ban khot pat na Assyria bad Ijipt ïa baroh ki Israel kiba don ha ka jinglongmraw hangta. Kin wan bad mane ïa U Trai ha Jerusalem, ha u lum bakyntang jong u.

ISAÏAH 65:25

Ki suri bad ki khunlangbrot kin ïabam lang, ki sing kin bam phlang, kumba bam ki masi, bad ki bseiñ kin ym long shuh ka jingma. Ha Seïon, u lum bakyntang jong nga yn ym don shuh ka jingma ne kaba sniew.”

ISAÏAH 66:20

Kin wallam pat ïa baroh ki para kur ki para jait jong phi na ki jaitbynriew baroh kum ka jingai sngewbha ïa nga. Kin wallam ïa ki sha u lum bakyntang jong nga ha Jerusalem ha ki kulai, ki khashor bad ha ki ut, bad ha ki kali ïapom bad ki kali kit jingkit, kumba ki Israel ki wanrah ïa ki jingainguh bam sha ka Templ ha ki khiew lehniam kiba khuid.

ESEKIEL 39:2

Ngan pynphai ïa u sha ka lynti bathymmai bad ngan ïalam ïa u shabar na shaphang shatei eh, haduh ba un da poi sha ki lumbah ka Israel.

DANIEL 11:16

U nonghiarthma Syria un leh ïa ki kat kaba u sngewbha, khlem kano kano ka jingïapyrshah. Un ïeng ha ka Ri ka Jingkular bad un ïoh ïa ka baroh ha ka bor jong u.

DANIEL 11:41

Un hiarthma wat ïa ka Ri ka Jingkular bad un pynïap da ki phew hajar, hynrei ki ri Edom, Moab, bad kaei kaba la iehnoh jong ka Ammon kin lait.

DANIEL 11:44

Te ka khubor kaba wan na mihngi bad na shatei kan pynsheptieng ïa u, bad un ïaleh da jingbitar shla, da kaba pynïap shibun ngut ki briew.

DANIEL 2:35

Kumta hi ka nar, ka dewbyrtha, ka rnong, ka rupa bad ka ksiar ki la khyllem bad ki la long kum u pui pui ha ka jaka shoh kew ha ka por lyiur. Ka lyer ka la kit noh ïa u, khlem da pynsah dien ei ei. Hynrei u maw u la san ban long u lumbah uba tap ïa ka pyrthei baroh kawei.

DANIEL 7:26

Nangta ka ïingbishar ba kynja bneng kan shong bishar, kan knieh noh ïa ka bor jong u bad pynjot thiaw ïa u.

DANIEL 8:25

Namar ba u long uba sianti, un jop ha ki rukom shukor jong u. Un sngewsarong ïa lade bad pynjot ïa shibun briew khlem ka jingmaham. Un len wat ïa U Syiem bakhraw jong baroh, hynrei ïa u yn pynjot khlem da pyndonkam ïa kano kano ka bor ba kynja briew.

DANIEL 9:16

Me la ïada ïa ngi ha kaba mynshuwa, kumta te to wat bitar shuh ïa ka Jerusalem. Ka long ka nongbah jong me, u lum bakyntang jong me. Baroh ki briew ha ki ri ba-marjan ki khmih beiñ ïa ka Jerusalem bad ïa ki briew jong me namar ki pop jong ngi bad ka jingbymman ba ki kpa tymmen jong ngi ki la leh.

DANIEL 9:20

Nga la bteng ban duwai, da kaba phla ïa ki pop jong nga bad ïa ki pop jong ki briew jong nga ki Israel, bad da kaba ïasaid bad U Trai U Blei jong nga ban pynbha pat ïa ka Templ bakhuid jong u,

JOEL 2:20

Ngan weng ïa ka kynhun ki puit kaba la wan na shaphang shatei bad ngan pynphai katto katne na ki sha ka ri shyiap. Kito kiba don ha ki bynta ba ha khmat kin shah beh sha ka Duriaw Baïap, kito kiba don ha ka bynta ba hadien sha ka Duriaw Mediterranian. Ki metïap jong ki kin iwtung. Ngan pynjot ïa ki namar baroh kaba ki la leh ïa phi.

MIKAH 4:2

bad ki briew jong ki, kin ong, “ïa ngin ïaleit sha u lum jong U Trai, sha ka Templ jong U Blei ki Israel. Naba un hikai ïa ngi ïa kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai U Trai ka wan na Jerusalem; na Seïon u kren ha la ki briew.”

SEKHARAÏAH 14:8

Haba kata ka sngi ka poi, ka um basngur kan tuid na Jerusalem, shiteng na ka sha ka Duriaw Baïap bad kawei pat ka shiteng sha ka duriaw Mediterranian. Kan tuid baroh shisnem, ha ka aïom ba-rkhiang bad ha ka aïom bajhieh.

JINGKHEIÑ 34:5

ha kaba un phai sha ka them ha ka pud jong ka Ijipt bad un kut ha ka Mediterranian.

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.

2 THESSALONI 2:8

Te ïa Uta u Basniew yn sa pynpaw, hynrei haba U Trai Jisu u wan, Un pynïap ïa u da ka jingpynhiar mynsiem na ka shyntur jong U bad pynjot ïa u da ka jingthaba ka jingdon ryngkat jong U.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

JINGPYNPAW 20:2

U la kem ïa u Ïakjakor, ïa uta u 'seiñ hyndai — kata, u Ksuid lane u Soitan — bad u la teh kynjri ïa u haduh shihajar snem.

JINGPYNPAW 20:9

Ki la saphriang kylleng ka pyrthei bad ki la kerkut ïa ka jaka sher dara jong ki briew jong U Blei bad ïa ka nongbah kaba u ieit. Hynrei ka ding ka la wan hiar na bneng bad ka la pynjot ïa ki.