DANIEL 11:40 - Khasi CL Bible (BSI)

⁴⁰ “Haba ka kynta kaba khatduh jong u syiem ka Syria ka la jan wan artat, u syiem ka Ijipt un tur ïaleh ïa u, bad u syiem ka Syria un ïaleh pyrshah da la ka bor baroh, da kaba pyndonkam ïa ki kali ïapom, ki kulai, bad ki liengbah kiba bun. Un hiarthma ïa kiba bun ki ri, kum ka jingshlei ki um.

KA BAIBL

⁴⁰ “Bad ha ka por jong ka bakut, u syiem na shathie un tur sha u: bad u syiem na shatei un wan ïaleh ïa u kum ka lyer langthari, da ki kali ïapom, bad ki shipai shong kulai, bad bun ki lieng ïapom ruh; te un rung hapoh kita ki ri, bad un tap lup bad un ïaid lyngba.

DANIEL 11:40 ပူးပေါင်းရင်းမြစ်များ

ISAÏAH 21:1

Kane ka dei ka khubor shaphang ka Babilonia. Kum ka 'erlangthari kaba sar sha shiliang ka ri shyiap, ka jingjot kan wan na ka ri kaba shyrkhei.

ISAÏAH 5:28

Ki khnam jong ki, ki long kiba nep, bad ki ryntieh jong ki, ki long kiba la pynkhreh ban siat. Ki poh'jat jong ki kulai jong ki, ki eh kum ki mawshamok bad ki shaka jong ki kali ïapom jong ki, ki kylla long kum ka 'erlangthari.

ISAÏAH 66:15

U Trai un wan bad ka ding. Un shong ha ki thapniang jong ka 'erïong, ban pynshitom ïa kito kiba u la bitar.

JEREMAÏAH 4:13

Ha khmih, u nongshun u wan kum ki lyoh. Ki kali ïapom jong u ki long kum ka 'erlangthari, bad ki kulai jong u ki kham stet ban ïa ki pukni. Ngi la shahjop! Ngim lah khie khlieh shuh!

ESEKIEL 38:4

Ngan pynphai sawdong ïa u, ngan buh ki khwai ha ki tyngam jong u bad ngan patan noh ïa u bad ïa ka kynhun shipai jong u baroh. Ka kynhun shipai jong u ka long kaba khraw, lem bad ki kulai bad ki nongshong kulai kiba riam ryntih, bad man la u shipai uba rah ka stieh bad kieng ka waitlam.

ESEKIEL 38:9

Ma u bad ka kynhun shipai jong u bad bun ki jaitbynriew kiba don bad u kin tur ïaleh kum ka 'erïong bad tap ïa ka ri kum u lyoh.”

DANIEL 11:10

“Ki khun shynrang jong u syiem ka Syria kin pynkhreh ïa ka thma bad ki ïalum ka kynhun shipai bakhraw. Kawei na ki kan sar kum ka jingshlei um bad kan tur ïaleh ïa ka kut jong u nongshun.

DANIEL 11:11

U syiem Ijipt ha la ka jingbitar un leit sha ka thma pyrshah ïa u syiem ka Syria bad kem ïa ka kynhun shipai bakhraw jong u.

DANIEL 11:13

“U syiem ka Syria un leit phai pat bad lum ka kynhun shipai kaba kham khraw ban ïa kaba u la don mynshuwa. Haba ka por babiang ka poi, un wan phai bad ka kynhun shipai kaba khraw bad kaba la kieng atiar bha.

DANIEL 11:22

Ïa uno uno uba pyrshah ïa u, wat u Rangbah Lyngdoh jong U Blei, un shah sar noh bad shah pynduh.

DANIEL 11:25

“Un pynmih da ka jingshlur ïa ka kynhun shipai bakhraw ban tur ïaleh ïa u syiem ka Ijipt, u ban pynkhreh ban ïaleh pyrshah da ka kynhun shipai babun bad bakhrawbor. Hynrei ïa u syiem ka Ijipt yn shukor bad un ym jop.

DANIEL 11:35

Katto katne na kito ki nongïalam bastad kin shah pynïap, hynrei kaba mih na kane ka long ba yn pynkhuid ïa ki briew. Kane kan ïailong tad haduh ba kaba kut kan wan, ka por kaba U Blei u la buh.

DANIEL 11:39

Ban ïada ïa la ki kut, un pyndonkam ïa ki briew kiba mane ïa u blei nongwei. Un ai ka jingpyndonburom kaba khraw ïa kito kiba pdiang ïa u kum u nongsynshar, un buh ïa ki ha ki jaka treikam ba-halor, bad un ai ka jaka ïa ki kum ka bainong.

DANIEL 11:7

Shen hadien kata, uwei na ki ba-ha-ïing jong ka un long syiem. Un tur ïaleh ïa ka kynhun shipai jong u syiem Syria, un rung shapoh ki kut jong ki, bad jop ïa ki.

DANIEL 12:4

U la ong ha nga, “Bad mynta, ko Daniel to khylliap noh ïa ka kitab bad shon muhor halor jong ka haduh ka jingkut jong ka pyrthei. Ha kajuh ka por, kiba bun ki briew kin pynlehnoh-ei ïa ki jingpyrshang jong ki ban sngewthuh ïa kaei kaba jia.”

DANIEL 12:9

U la jubab, “Me dei ban leit noh mynta, ko Daniel, namar ïa kine ki kyntien dei ban ri khop bad buhrieh tad haduh ba kaba kut ka wan.

DANIEL 8:17

U Gabriel u la wan bad u la ïeng hajan jong nga, bad nga la sheptieng katta katta ba nga kyllon ha khyndew. U la ong ha nga, “Ko khun u briew, to shemphang ïa ka jingmut. Ka jingïohipaw ka ïadei bad ka jingkut jong ka pyrthei.”

HABAKKUK 3:14

Ki khnam jong me ki sam lyngba ïa u nongïalam ka kynhun shipai jong u haba u la wan kum ka 'erïong ban pynsakma ïa ngi, da ka jingsarong kum kito kiba banbeiñ ïa kiba duk ha kaba rieh.

SEKHARAÏAH 9:14

U Trai un mihpaw halor ki briew jong u; un siat ïa ki khnam jong u kum ka leilieh. U Trai Nongsynshar un pynsawa ïa ka turoi; un ïaid ha ki 'erïong na shathie.

JINGPYNPAW 16:12

Nangta u angel uba hynriew u la theh noh ïa ka pliang jong u ha ka wahbah Ïuphratis. Ka wah ka la rngad, ban pynbiang ka lynti ïa ki syiem kiba wan na mihngi.

JINGPYNPAW 9:16

La ïathuh ïa nga ïa ka jingdon jong ki shipai shong kulai: Ki la long arphew lakh ngut.