DANIEL 11:4 - Khasi CL Bible (BSI)

⁴ Hynrei haba u la khlaiñbor bha, ka hima jong u kan pait bad yn phiah ha ki saw bynta. Ki syiem ki bym shym hiarpateng na u kin synshar ha ka jaka jong u, hynrei kin ym don ïa ka bor kaba u la don.

KA BAIBL

⁴ Bad ynda u la mih, yn pynkheiñ ïa ka hima jong u, bad yn sam ïa ka sha ki saw lyer bneng; hynrei, ym sha ki khun ki ksiew jong u, lymne katba kum ka jingsynshar jong u da kaba u la synshar; namar yn rat noh ïa ka hima jong u, hynrei, sha kiwei pat nalor kita.

DANIEL 11:4 ပူးပေါင်းရင်းမြစ်များ

SALM 39:6

Baroh kaba u leh kam long ei ei; u lum spah, hynrei um tip uei u ban ïoh ïa ka.

EKLESIASTIS 4:8

Hangne don uwei uba shong basah marwei. Um don khun shynrang lymne u para, pynban u ïai trei, um ju sngewhun ïa ka spah kaba u don. Na ka bynta jongno ba u trei shitom haduh katta katta bad ba u khanglad ïa lade hi na kano kano ka jingpynsngewbha? Kane ruh ka long ka bymmyntoi — bad ka lynti ba-isangsot ban im.

JEREMAÏAH 12:15

Hynrei hadien ba nga la shim noh ïa ki, ngan don jingisynei halor jong ki; ngan wallam pat ïa kawei pa kawei ka jaitbynriew sha ka ri jong ka bad sha ka shnong jong ka.

JEREMAÏAH 12:17

Hynrei lada kano kano ka jaitbynriew kam kohnguh, te ngan rat lut khoit bad pynjot ïa ka. Ma nga, U Trai, nga la kren.”

JEREMAÏAH 18:7

Lada ha kano kano ka por nga ong ba ngan rat, ngan pynkheiñ, lane pynjot ïa kano kano ka jaitbynriew lane ka hima,

JEREMAÏAH 31:40

Ka them baroh kawei, ha kaba la tep ïa kiba ïap bad ha kaba la bret ïa ki jakhlia, bad baroh ki pyntha shaneng ka wah Kidron haduh ka Khyrdop Kulai shaphang mihngi, kin long kiba kyntang ha nga. Ka nongbah kan ym shah pynpra shuh lane shah pynjot.”

JEREMAÏAH 45:4

“Hynrei ma nga, U Trai, nga la pyntwa noh ïa kaei kaba nga la tei bad rat noh ïa kaei kaba nga la thung. Ngan leh ïa kane ha ka pyrthei baroh kawei.

JEREMAÏAH 49:36

Ngan pynlong ïa ki lyer ban beh pyrshah ïa ka Elam na ki liang baroh, bad ngan pynsakma ïa ki briew jong ka kylleng, haduh ba yn ym don ki ri ha kiba ki nongphetwir na ka kim shym poi.

ESEKIEL 37:9

U Blei u la ong ha nga, “Ko khun u briew, to ïathuhlypa ha ka lyer. To ïathuh ha ka lyer ba U Trai Nongsynshar u hukum ïa ka ba kan wan na baroh sawdong, ban pyrsad mynsiem ha kine ki metïap, bad ban wallam pat ha ki ïa ka jingim.”

DANIEL 7:2

Ki lyer ki beh kyrthep na ki liang baroh bad ki shoh ïa ka sla ka duriaw-bah.

DANIEL 7:6

Mynba nga dang ap khmih, sa uwei pat u mradkhlaw u la mihpaw. U syriem kum u 'labasa, hynrei ha ka met jong u la don saw tylli ki thapniang, kum ki thapniang jong ka sim, bad u don saw tylli ki khlieh. U don ka dur kum uba don ka bor.

DANIEL 7:8

Katba nga dang khmih ïa ki reng, nga la ïohi ïa ka reng kaba rit, kaba mih napdeng kiwei pat. Ka la tar ïa ki lai tylli ki reng kiba la don lypa hangta. Kane ka reng ka la don ki khmat briew bad ka shyntur kaba kob sarong.

DANIEL 8:22

Ki saw tylli ki reng kiba la wan mih shalor haba la pynkheiñ noh ïa ka reng kaba nyngkong ki ïeng na ka bynta ki saw tylli ki hima sha kiba kata ka hima yn pynïabynta bad kin ym long kiba khlaiñ kum ka hima kaba nyngkong.

DANIEL 8:8

U 'langsohmoh u la nang sngewmeng, hynrei ha ka jingdap rynïeng ka bor jong u, ka reng jong u ka la kheiñ. Ha ka jaka jong ka la wan mih saw tylli ki reng, kawei kawei ka phai sha ki liang baïapher.

SEKHARAÏAH 2:6

U Trai u la ong ha la ki briew, “Nga la pynsakma ïa phi ha ki liang baroh. Hynrei mynta, ma phi kiba shah ringmraw, phet noh na Babilonia bad leit phai pat sha Jerusalem.

SEKHARAÏAH 6:5

U la jubab, “Kine ki long ki sawlyer, ki dang shu lah wan na ka jingdon ryngkat jong U Trai ka pyrthei baroh.”

MATHAÏOS 12:25

U Jisu u la tip ïa kaei kaba ki pyrkhat, kumta u la ong ha ki, “Kano kano ka ri kaba phiah ïa lade ha ki kynhun kiba ïaleh kawei ïa kawei pat kan ym neh slem. Bad kano kano ka shnong lane ka longïing kaba phiah ïa lade ha ki kynhun kiba ïaleh kawei ïa kawei pat kan khyllem ha ka jingpra.

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

JINGPYNPAW 7:1

Hadien kane nga la ïohi ïa ki saw ngut ki angel kiba ïeng ha ki saw tylli ki dong jong ka pyrthei, ba ki ïabat ïa ki sawlyer, khnang ba yn ym don lyer ka ban beh halor ka khyndew lane ha ka duriaw lane ha pyrshah uno uno u dieng.