DANIEL 11:37 - Khasi CL Bible (BSI)

³⁷ U syiem un ym suidñiew ïa u blei ba ki kpa tymmen jong u ki la shakri, bad ruh ïa u blei ba ki kynthei ki ieit. Ha ka jingshisha un ym suidñiew ïa uno uno u blei, namar un pyrkhat ba u kham khraw ban ïa uno uno na ki.

KA BAIBL

³⁷ Lymne un ym suidñiew ïa ki blei ki kpa jong u, lymne ïa ka jingkyrpad ki kynthei, lymne un ym ñiew ïa uno uno u blei: namar un pynkhraw ïa lade halor baroh.

DANIEL 11:37 ပူးပေါင်းရင်းမြစ်များ

JENESIS 3:16

Ha kata ka briew pat u ong, “Ngan pynjur ïa ka jingjynjar jong pha haba pha punkhun, bad ïa ka jingshitom jong pha haba pha kha khun. La katta ruh, phan ïai kwah ïa la u tnga, pynban yn pyndem ïa pha ha u.”

JENESIS 3:5

U Blei u ong kumta namar u tip ba phi tang shu bam ïa u, phin sa long kum U Blei bad tip kaei kaba bha bad kaei kaba sniew.”

JINGRWAI SOLOMON 7:10

Nga dei ka jong uba ieit jong nga, bad u angnud ïa nga.

ISAÏAH 14:13

Me la kut jingmut ban kiew shaduh bneng bad ban buh ïa ka khet jong me halor ki khlur kiba hajrong tam. Me la pyrkhat ba men shong kum u syiem halor uta u lumbah ha ka phang bashatei ha kaba ki blei ki ïalumlang.

ISAÏAH 14:14

Me la ong ba men kiew ïa ki kliar jong ki lyoh bad ban long kum U Badonbor Tam.

ESEKIEL 24:16

“Ko Khun u briew,” u la ong, “tang shi syntied ngan shim noh ïa u briew uba pha ieit eh. Pham dei ban wad daw lane ïam ne jaw ki ummat.

ESEKIEL 28:2

“Ko khun u briew,” u la ong, “ïathuh ïa u nongsynshar ka Tyros kaei kaba ma nga, U Trai Nongsynshar, nga ong ha u: Ba la pynhieng da ka jingsarong, me kam ba me dei U Blei. Me ong ba kum U Blei me shong ha ka khet, ba la ker sawdong da ki duriaw. Me lah ban leh mynleh kum U Blei, hynrei, em, me long uba kynja briew, ym uba kynja blei.

DANIEL 11:36

“U syiem ka Syria un leh kat kaba u sngewbha. Un kob ba u long kham khraw ban ïa uno uno u blei, kham halor wat ïa U Blei Bahakhlieh Tam Eh. Un lah ban leh ïa kane tad haduh ha ka por haba U Blei un pynshitom ïa u. U Blei un leh thik ïa kaei kaba u la thmu.

DANIEL 11:38

Pynban, un pyndonburom ïa u blei uba ïada ïa ki kut. Un ai ka ksiar, ka rupa, ki mawlynnai, bad kiwei kiwei ki jingai babha sha u blei uba ki kpa tymmen jong u kim shym la ju mane.

DANIEL 8:11

Ka la kyntait ban kohnguh wat ïa U Khun syiem jong ka kynhun shipai ba kynja bneng, ka la pynsangeh ïa ki jingkñia ba man ka sngi ba la ai sha u, bad ka la pyntngit ïa ka Templ.

DEUTERONOMI 21:11

bad phi ïohi hapdeng jong ki ïa ka kynthei kaba bhabriew kaba phi imon ban shongkurim,

DEUTERONOMI 5:21

“ ‘Wat ikwah ïa ka tnga jong uwei pat u briew; wat ikwah ïa ka ïing jong u, ïa ka jaka jong u, ïa ki mraw jong u, ïa ki masi jong u, ïa ki kada jong u, lane ïa kaei kaei kaba dei ka jong u.’

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.

1 TIMOTHI 4:3

Kiba kum kita ki briew ki hikai ba ka long ka bym dei ban shongkurim bad ban bam kyndiah ïa ki katto katne ki jait jingbam. Hynrei U Blei u la thaw ïa kito ki jingbam ban bam, hadien ka jingduwai sngewnguh, da kito kiba long kiba ngeit bad kiba la tip ïa ka jingshisha.