DANIEL 11:34 - Khasi CL Bible (BSI)

³⁴ Katba dang don ka jingpynïap, ki briew jong U Blei kin ïoh khyndiat ka jingïarap, wat la kiba bun kiba ïasoh bad ki kin leh kumta na ka bynta ki daw shimet.

KA BAIBL

³⁴ Te haba kin hap, da kaba khyndiat ka jingïarap, yn ïarap ïa ki: hynrei, bun kin pynïasoh ïa lade bad ki, da kaba arsap.

DANIEL 11:34 ပူးပေါင်းရင်းမြစ်များ

DANIEL 11:21

U angel u la bteng ban batai: “U syiem uba bud jong ka Syria un long u briew uba sniew u bym don ka hok ban long syiem, hynrei un wan khlem khmih lynti bad un knieh ïa ka bor da ka buit shukor.

DANIEL 11:32

Da ka buit shukor u syiem un ïoh ïa ka jingkyrshan jong kito kiba la iehnoh ïa la ka niam, hynrei kito kiba bud ïa U Blei kin ïaleh pyrshah.

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

GALATIA 2:4

wat la don katto katne ngut kiba kwah ban pyndep ïa ka. Da kaba leh mynleh kum ki parabangeit, kine ki rangbah ki la ïohrung shapoh ka kynhun jong ngi kum ki nongsyntiat, khnang ban lap shaphang ka jinglaitluid kaba ngi la mad da ka jingpynïasoh jong ngi ha U Khrist Jisu.

2 TIMOTHI 4:3

Ka por kan sa poi haba ki briew kin ym shahshkor ïa ka jinghikai shongtynrai badei, hynrei kin kohnguh ïa la ki jingkwah bad kin nang pynbun ïa ki nonghikai ki ban ïathuh ha ki ïa kaei kaba ki shkor ba-dait jong ki, ki kwah ban ïohsngew.

TITOS 1:11

Ka long kaba donkam ban pynsngap jar ïa ka jingïathuh jong ki, namar ki pynkylla khongpong ïa ki longïing baroh da kaba hikai ïa kaei kaba kim dei ban hikai, bad baroh ka long ïa ka jingthmu basngewlehrain ban thaw pisa.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.

1 ÏOANNIS 4:5

Kito ki nongïathuhlypa balamler, ki kren shaphang kiei kiei ki jong ka pyrthei, bad ka pyrthei ka shahshkor ïa ki, namar ki long ki jong ka pyrthei.

2 ÏOANNIS 1:7

Kiba bun ki nongshukor ki la leit sha ka pyrthei baroh, ki briew ki bym pdiang ba U Jisu Khrist u la wan kum u briew. Kum uta u briew, u long u nongshukor bad u Nongshun jong U Khrist.

JUDAH 1:4

Naba don ki briew ki bymriewblei hapdeng jong ngi, kiba la syntuid noh khlem poi pyrkhat, ki briew kiba la pynkylla ïa ka khubor shaphang ka jingaiei jong U Blei jong ngi, khnang ban pynksan ïa la ki jingleh bajakhlia, bad kiba kyntait ïa U Jisu Khrist, uba long tang ma u hi U Kynrad bad U Trai jong ngi. La slem bah, ki Jingthoh Bakhuid ki la ïathuhlypa ïa ka jingpynrem kaba ki la ïohpdiang.

JINGPYNPAW 12:13

Haba u Ïakjakor u la sngewthuh ba u la shah bret noh arsut sha ka khyndew, u la sdang ban thwet ïa kata ka briew kaba la kha khun shynrang.

JINGPYNPAW 2:20

Hynrei kane ka long kaei kaba nga don pyrshah ïa pha: Pha ïaishah ïa kato ka briew, ka Jesebel, kaba khot ïa lade ka nonglamktien jong U Blei. Da ka jinghikai jong ka, ka ïalam bakla ïa ki shakri jong nga sha kaba leh ïa ka kam awria bad ban bam ïa ka jingbam ba la ai ha ki bleithaw.