DANIEL 11:33 - Khasi CL Bible (BSI)

³³ Ki nongïalam bastad jong ki briew kin ïasam ïa ka jingstad jong ki bad kiwei pat ki briew babun. Hynrei shipor katto katne na ki kin shah pynïap ha ka thma lane shah thang ïap, bad katto katne kin shah lute bad shah pynlong koidi.

KA BAIBL

³³ Bad kita ki bastad hapdeng kita ki briew kin hikai ïa shibun: pynban, kin hap da ka waitlam bad da ka ding, da ka jinglongmraw bad da ka jinglute, bun sngi.

DANIEL 11:33 ပူးပေါင်းရင်းမြစ်များ

DANIEL 12:10

Ïa kiba bun ki briew yn pynkhuid. Kito kiba bymman kin ym sngewthuh hynrei kin ïailong bymman; tang kito kiba stad kin shemphang.

MALAKHI 2:7

Ka dei ka kamram ki lyngdoh ban hikai ïa ka jingtip bashisha ïa U Blei. Ki briew ki dei ban leit sha ki ban tip ïa ka mon jong nga, namar ki long ki nonglamktien jong U Trai Badonbor Baroh.

MATHAÏOS 10:21

“Ki rangbah kin aiti noh ïa la ki jong ki hynmen bad para ïa ka ban pynïap ïa ki, bad ki kpa kin leh kumjuh ïa la ki khun; ki khun kin phai ïaleh pyrshah ïa la ki kmie ki kpa bad kin phah pynïap ïa ki.

MATHAÏOS 13:11

U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

MATHAÏOS 20:23

“Phin sa dih shisha na ka khuri jong nga,” U Jisu u la ïathuh ha ki, “hynrei ngam don ka hok ban jied ïa uno u ban shong sha liang kamon jong nga bad sha liang kadiang jong nga. Kine ki jaka ki long na ka bynta kito ïa kiba U Kpa jong nga u la pynkhreh.”

MATHAÏOS 24:9

“Nangta ïa phi yn kem bad yn aiti ban shah pynshitom bad ban shah pynïap. Ki jaitbynriew baroh kin isih ïa phi namar jong nga.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

ÏOANNIS 16:2

Phin shah beh noh na ki synagog, bad ka por kan poi haba uno uno uba pynïap ïa phi un pyrkhat ba da kaba leh kumta u shakri ïa U Blei.

KI KAM 11:26

Haba u la shem ïa u, u la ïalam ïa u sha Antiokh, bad baroh shisnem kine ar ngut ki la ïakynduh ïa ki briew ka balang bad ki la hikai ïa ka kynhun kaba heh. Ka la long ha Antiokh ba ïa ki parabangeit la khot nyngkong eh “Ki Khristan”.

KI KAM 14:21

U Paul bad u Barnabas ki la ïalap ïa ka Khubor Babha ha Derbe bad ki la ïoh bun ki synran. Nangta ki la leit phai pat sha Lystra, sha Ikoniom, bad nangta sha Antiokh kaba ha Pisidia.

1 KORINTH 4:9

Naba ka paw ha nga ba U Blei u la ai ïa ka jaka bakhatduh tam ha ngi ki Apostol, kum ki briew kiba la rai pynrem ban shah ïap ha khmat u paidbah kum ka jingthadrong ha khmat ka pyrthei baroh kaba dei jong ki angel bad jong u bynriew.

2 TIMOTHI 1:12

Hynrei nga dap da ka jingsngewskhem, namar nga tip hano nga la shaniah, bad nga sngewthikna ba u lah ban sumar skhem haduh kata ka Sngi ïa kaei kaba u la aiti ha nga.

2 TIMOTHI 4:6

Na ka bynta jong nga, ka por ka la poi ïa nga ban shah kñia; ka por ka long mynta ïa nga ban iehnoh ïa kane ka jingim.

HEBRU 11:34

Ki la set ïa ki shyntur jong ki sing, ki la pynlip ïa ki ding kiba klang, ki la lait im na kaba shah pynïap da ka waitlam. Ki la long kiba tlot, hynrei ki la kylla long kiba khlaiñ; ki la long kiba khlaiñbor ha ka thma bad ki la jop ïa ki kynhun shipai nongwei.

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 17:6

Bad nga la ïohi ïa kata ka briew ba ka la buaid da ka snam jong ki briew jong U Blei, bad da ka snam jong kito kiba la shah pynïap namar ba ki la ïaineh skhem ha U Jisu. Haba nga la ïohi ïa ka, nga la sngewkyndit shikatdei eh.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 6:9

Nangta U Khunlangbrot u la pynpait ïa ka jingpyndait kaba san. Nga la ïohi ha khrum ka duwan ïa ki mynsiem jong kito kiba la shah pynïap namar ba ki la pynbna ïa ka ktien U Blei bad ba ki la ïaineh ha ki jingphla jong ki.

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.