DANIEL 11:32 - Khasi CL Bible (BSI)

³² Da ka buit shukor u syiem un ïoh ïa ka jingkyrshan jong kito kiba la iehnoh ïa la ka niam, hynrei kito kiba bud ïa U Blei kin ïaleh pyrshah.

KA BAIBL

³² Te kat ïa kita kiba leh sniew pyrshah ïa kata ka jutang, un pynkylla da ki jingshukor: hynrei, kita ki briew kiba ithuh ïa U Blei jong ki kin long kiba khlaiñ, bad kiba nang jop.

DANIEL 11:32 ပူးပေါင်းရင်းမြစ်များ

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

NEHEMAÏAH 4:14

Nga ïohi ba ki briew ki khuslai, kumta nga ong ha ki bad ha ki nongïalam bad ki rangbah synshar jong ki, “Wat sheptieng ïa ki nongshun jong ngi. Kynmaw kumno U Trai u long uba khraw bad uba shyrkhei, bad u ïaleh na ka bynta ki briew ka ri jong phi, ki khun jong phi, ki tnga jong phi, bad ki ïing jong phi.”

SALM 9:10

Kito kiba ithuh ïa me, A Trai, kin shaniah ha me, mem ju iehnoh ïano ïano ba wan sha me.

PROBERB 19:5

Lada phi lamler ha ka ïingbishar, phin shah pynshitom — yn ym don jingpyllait.

PROBERB 26:28

Phi dei ban isih ïa uno uno uba kwah ban pynmynsaw ïa u da ka jinglamler. Ka jingkren bymshisha kam wanrah ei ei hynrei ka jingpynjot.

JEREMAÏAH 31:34

Yn ym don uwei ruh na ki u ban hap hikai ïa la u para ri ban tip ïa U Trai, namar baroh kin tip ïa nga, naduh uba rit tam haduh uba khraw tam. Ngan map ïa ki pop jong ki bad ngan ym kynmaw shuh ïa ki jingbakla jong ki. Ma nga, U Trai, nga la kren.”

DANIEL 11:21

U angel u la bteng ban batai: “U syiem uba bud jong ka Syria un long u briew uba sniew u bym don ka hok ban long syiem, hynrei un wan khlem khmih lynti bad un knieh ïa ka bor da ka buit shukor.

DANIEL 11:34

Katba dang don ka jingpynïap, ki briew jong U Blei kin ïoh khyndiat ka jingïarap, wat la kiba bun kiba ïasoh bad ki kin leh kumta na ka bynta ki daw shimet.

SEKHARAÏAH 10:12

Ngan pynkhlaiñ ïa ki briew jong nga; kin ïamane bad kohnguh ïa nga.” U Trai u la kren.

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JINGPYNPAW 6:11

Ha uwei pa uwei na ki la ai ïa ka jaiñkup balieh, bad la ong ïa ki ba kin shongthait sa shipor, tad ynda la dep kheiñ lut ïa ki para shakri bad parabangeit kiba la shah pynïap, kumba la leh ïa ki.