DANIEL 11:30 - Khasi CL Bible (BSI)

³⁰ Ki nong Rom kin wan ha ki liengbah bad kin pyrshah ïa u, bad un sa sheptieng. “Te un leit phai pat ha ka jingbitar shla bad un pyrshang ban pynjot ïa ka niam jong ki briew jong U Blei. Un bud ïa ka jingai jingmut jong kito kiba la iehnoh ïa kata ka niam.

KA BAIBL

³⁰ Namar ki lieng ïapom na Kittim kin wan ïaleh ïa u; namar kata, un sngewsih, bad un phai noh pat, bad un khih bitar ïa kata ka jutang bakhuid, bad un leh katba u mon: un phai pat, bad un khmih sngewbha ïa kita kiba kyntait ïa kata ka jutang bakhuid.

DANIEL 11:30 ပူးပေါင်းရင်းမြစ်များ

JENESIS 10:4

Ki khun shynrang jong u Jaban ki long ki briew jong ka Elishah, ka Spain, ka Sypros, bad ka Rhodes; ki la long ki kpa tymmen jong ki briew kiba shong ha ki rud duriaw bad ha ki dewlynnong.

1 KHRONIKL 1:7

Ki khun ki ksiew jong u Jaban ki dei ki jaitbynriew jong ka Elishah, ka Spain, ka Sypros, bad ka Rhodes.

NEHEMAÏAH 6:12

Haba nga la pyrkhat bha ïa ka, nga sngewthuh ba U Blei um pat shym la kren ha u Shemaïah, hynrei ba u Tobiah bad u Sanballat ki la pynbam pisa ïa u ban ai ïa nga ïa kane ka jingmaham.

ISAÏAH 23:1

Kane ka dei ka khubor ïa ka Tyros. To lynñiar da ka jingsngewsih, phi ki maji ha ki duriaw-bah! Ïa ka kadlieng ha ka shnong jong phi, ka Tyros, la pynjot; ki ïing bad ka kadlieng jong ka ki don ha ka jingjot. Kumba ki liengbah jong phi ki wan phai na Sypros, phi tip ïa ka khubor.

ISAÏAH 23:12

Ko ka nongbah Sidon, ka jingkmen jong pha ka la kut, bad ki briew jong pha ki shah banbeiñ. Wat la kin lait phet sha Sypros, pynban kin ym pat lait na ka jingma.

JEREMAÏAH 2:10

Khie leit sha sepngi sha ka dewlynnong Sypros, bad phah ïano ïano shaphang mihngi sha ka ri Kedar. Phin ïohi ba ym pat ju don kaba kum kane kaba la jia mynshuwa.

ESEKIEL 27:6

Ki shim ïa ki dieng Sning na Bashan ban shna boitha; ki shna ïa ka rynsan jong pha na ki kseh ba na Sypros bad pyndait ha ka da ki bniat hati.

DANIEL 11:28

U syiem ka Syria un leit phai sha ïing lem bad ki jinglute kiba u la ïoh kurup, u la kut jingmut ban pynjot ïa ka niam jong ki briew jong U Blei. Un leh kat kaba u sngewbha bad nangta un leit phai sha la ka ri.

DANIEL 11:29

“Hadien katto katne un hiarthma pat ïa ka Ijipt, hynrei ha kane ka por kiei kiei kin kylla long da kumwei pat.

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

JINGKHEIÑ 24:24

Ki nonghiarthma kin wan da ki lieng na Sypros; Kin jop ïa u Assyria bad u Eber, Hynrei ma ki ruh kin jah noh jar.”

MATHAÏOS 24:10

Shibun kin iehnoh ïa ka jingngeit jong ki ha kata ka por; kin ïashetkylla iwei ïa iwei pat bad kin isih iwei ïa iwei pat.

JINGPYNPAW 12:12

Bad kumta to shadkmen, phi ki bneng, bad phi baroh kiba shong basah hangta! Hynrei katno ka long kaba kordit ïa kata ka khyndew bad ïa ka duriaw! Naba u Ksuid u la wan hiar ha phi, bad ïa u la pyndap da ka jingbitar shla, namar ba u tip ba u don sa tang khyndiat ka por.”