DANIEL 11:23 - Khasi CL Bible (BSI)

²³ Da kaba pynlong ki jingïateh lok, un shukor ïa kiwei ki hima, bad un nang khlaiñ bad nang khlaiñ, wat la u synshar tang ïa ka hima kaba rit.

KA BAIBL

²³ Te ynda la pynlong ka jingïakut bad u, un leh shukor: namar un wan mih, bad un man khlaiñ da kiba khyndiat ki briew.

DANIEL 11:23 ပူးပေါင်းရင်းမြစ်များ

JENESIS 34:13

Namar ba u Shekhem u la pynkheiñ burom ïa ka Dinah ka para jong ki, ki khun shynrang jong u Jakob ki la phai ktien ïa u Shekhem bad u Hamor u kpa jong u da ka buit shukor.

SALM 52:2

Me pynlong ïa ki jingthmu ban pynjot ïa kiwei; u thylliej jong me u long kum ka syrti banep. Me pynmih borabor ïa ki jingshukor.

PROBERB 11:18

Ki briew kiba bymman da shisha kim ïohnong ei ei, hynrei lada phi leh ïa kaei kaba dei, ka pynthikna ba phin ïoh ïa ka bainong.

DANIEL 11:22

Ïa uno uno uba pyrshah ïa u, wat u Rangbah Lyngdoh jong U Blei, un shah sar noh bad shah pynduh.

DANIEL 11:24

Un hiarthma khlem ka jingmaham ïa ka probins jong ka ri bariewspah bad un leh ïa kiei kiei kiba ym don na ki kpa tymmen jong u kiba la ju leh. Nangta un pynïabynta hapdeng ki nongbud jong u ïa ki mar ki mata bad ïa ki jingdon jingem kiba u la kurup ha ka thma. Un pynlong ki jingthmu ban tur ïaleh ïa ki kut, hynrei ka por jong u kan kut noh shen.

DANIEL 8:24

Un long uba khlaiñ — hynrei ym da ka bor jong u hi. Un pynlong ka jingpynjot bashyrkhei bad un jop ha kiei kiei baroh kiba u leh. Un wallam ka jingjot halor ki rangbah kiba donbor bad halor ki briew jong U Blei hi.

DANIEL 8:25

Namar ba u long uba sianti, un jop ha ki rukom shukor jong u. Un sngewsarong ïa lade bad pynjot ïa shibun briew khlem ka jingmaham. Un len wat ïa U Syiem bakhraw jong baroh, hynrei ïa u yn pynjot khlem da pyndonkam ïa kano kano ka bor ba kynja briew.

Ka Shithi U Paul Sha Ki Nong Rom 1:29

La pyndap ïa ki da baroh ki jait jingbymman, ka jingsniew, ka jingkwah lalot bad ka jingthala; ki dap da ka jingbishni, ka jingpynïap briew, ka jingïaleh, ka jingshukor, ka jingshun.

2 KORINTH 11:3

Nga sheptieng ïoh ïa ki jingmut jong phi yn pynjngut noh bad ba phin iehnoh noh ïa ka jingaiti basngur pura jong phi ha U Khrist — kumba ïa ka Im la shukor da ki buit sianti uta u bseiñ.

2 THESSALONI 2:9

Uta u Basniew un wan ha ka bor u Soitan bad un leh shibun ki kambah bad ki kamphylla kiba bakla,